بيوريه باللحمه المفرومه

السلام عليكم ورحمه الله وبركاته
ازيكو ياعضوات المنتدى هقولكو انهرده على طريقه عمل البطاطس البيوريه وهى اصلا اكله فرنسيه بس جميله جدا والوصفه دى قالتلى عليها واحده صحبتى فرنسيه وصفه سهله وبسيطه يلانشوف الوصفه من غير رغى وكلام كتير
نقول بسم الله
اولا المقادير
2 كيلو بطاطس
نص كيلو لحمه مفرومه
2 بصله متوسطه
2 فص توم
ملح وفلفل
حوالى كوب حليب
ملعقه كبيره زبده
قلنا المقادير يلا نجمعهم ونعمل احلى اكله
طريقه التحضير
هنسلق البطاطس كويس اوى فى ميه وملح ومنضيعش وقت على مالبطاطس تتسلق نعصج اللحمه طبعا كلنا عارفين نصج اللحمه ازاى بس هقولها احنا هناخد اللحمه نحطها فى طاسه ونشغل عليها النار ونسيبها لغايت لما تنزل ميتها وتنشف بس اوعى تتحرق منك وبعدين نضيفلها البصل والتوم والملح والفلفل ونقلب ونسيبهم شويه على نار هاديه خلاص كده ماشين مع بعض اهو واحده واحده سلقنا البطاطس وعصجنا اللحمه يلا ولعى الفرن وهاتى صنيه حلوه كده تكون جدرانها عاليه وبطنيها بحته زبده بس غير الزبده اللى موجوده فى المقادير خدى حته تانيه واركنى الصنيه شويه وصفى البطاطس من ميتها وحطى عليها معلقه الزبده اللى مكتوبه فى المقادير والحليب واخلطيهم مع بعض فى ناس بتعمل الخطوه دى فى الخلاط بس انا بعملها بايد الهون لخشب او بشوكه هيكون عندك خليط حلو كده مش جامد اوى ولا سايب لا بيكون وسط ممكن تزودى حليب لو احتاجتى بس وبعدين تحطى نص المقدار فى الصنيه وعليه اللحمه المتعصجه وبعدين باقى البطاطس وممكن تقطعى على وشها قطع زبده صغيره وترشيها بالبقسماط براحتكو وتدخليه الفرن لغايت ماوشها يحمر
[marq="3;right;3;scroll"] تجنن [/marq]

سلمت يداكي حبيبتي وباينها أكله شهيه ,,,


بإنتظار المزيد من وصفاتك الشهيه

سلمت يداكي حبيبتي وباينها أكله شهيه ,,,


بإنتظار المزيد من وصفاتك الشهيه

أسعدك البارى فى الدارين حبيبتى ....

ياسلام على الجمال
تسلم الايادى
وربى ما يحرمنا من عطائك ابدا

تسلم الأيادي
شكرا حبيبتي