عدنا اخواتي ومع الشبهة الثالثة

بسم الله والصلاة والسلام علي رسولنا الكريم ,
ثم اما بعد ..
مرحباً بكن اخواتي الفاضلات في مدرستنا المباركة ومع

عدنا اخواتي ومع الشبهة الثالثة

بيقولوا عليا عفريتة

*******************

وانا راجعة في طريقي للبيت الأربعاء اللي فات

قابلت بنت صغيرة يعني ممكن تكون حوالي9 او 10 سنوات

البنت بصتلي بصة هي صراحة يمكن بصة واحدة فعلا بس اخدت حوالى كام دقيقة كده بصت ووشها عليه حوالي 500 علامة تعجب والاستنكار

زي ما تكون بتقول مين دي .. دي من المريخ ؟

ومرة كنت راحة الكلية في يوم فكان في شوية اطفال بيلعبوا في الشارع فواحد بيقول لتانيين فيما معناه ( وله بص عفريتة !!! )

هي العيال دي بقول كده ليه ولا شايفانا كده ليه ؟

من كام يوم اختي كانت خارجة هي وبنت اختي الصغيرة عندها حوالي 5 سنوات فجت اختي بتحكيلي بتقولي -فيما معناه- تصوري البت منال لما شافت العربية السيت( اللي هي الصغيرة اللي ليها بابين بس ) قعدت تضحك ضحك وتقولي بصي يا خالتو بصي

رد عليها زوجها وقالها طبعا ما هي متعودة على عربية ابوهاا اللي اد كده

هي نفس الفكرة

الطفل الصغيرة مش متعود على حاجة

لازم يضحك عليها يستغرب منها يشمأذ(مش عارفة كده صح ولا غلط )منها لانه

بكل بساطة مايعرفهاش

يعني البنت اللي قابلتني دي

اكيد مليون في المية مامتها مش منتقبة ولا خالتو ولا عمتو ولا حد قريب منها فمستغربة من المنظر لانها مش متعودة عليه

اول ما اختي الكبيرة لبست النقاب كانت بنتها عندها حوالي 4 سنوات واحد _ ظريف _ عندنا في العائلة قعد يقولها حوشي يا دودو ماما بقت بُبع قالته لا ماما مش ببع

ليه البنت خلاص عرفت

انا بنت اختي الطفلة اللي عندها سنة وكام شهر ومن قبل ما تكمل السنة النقاب ده عندها عادي وتضحك وتلعب معايا عادي

وممكن تفتكر اي واحدة لابسة نقاب انا .. يقوم حدمن اهلي قايل ايه ( ما هي اختلاقات بقى والسلام ) طب ما كده غلط ممكن اي واحدة منتقبة تاخدها وهي فاكراها انتي

طب بالله عليكن واحدة في السن ده هتمشي تروح لحد غريب ازاي ولا اهلها هيسيبوها مع حد غريب ازاي !!!!!

علشان تعرفوا ان المشكلة مش في النقاب المشكلة في تفكير الناس اللي عايزين يطلعوا النقاب وحش وخلاص

المهم ... احنا ما نضايقش من النظرة دي حتى لو الكبار بصوها لنا لانهم بكلللل بساطة مشافوش المنظر ده قبل كده .. ممكن انتي بقى تستغلي ده تدي للطفل بومبوني لبان اي حاجة والكبار لو ستات تقولي السلام عليكم

تبقي دعوة للنقاب

ولنا عودة إن شاء الله مع الشبهة الرابعة

__ يا بنتي ده النقاب ممنوع في الحرم !!!! _

السلام عليكم ورحمة الله وبركاته
جزاكى الله خير وجعله فى ميزان حسناتك

والله حبيبتي أم عمار
ديه للاسف حقيقه في مجتمعنا
النقاب من فتره رعب للناس ومش عارفه ليه
انا اختي الكبيره منتقبه وكان الناس يستغربوا احنا بنعرفها ازاي واحنا خارج المنزل
ولكن الروح بينا هي اللي بتعرفنا ببعض مش اللبس فقط
واكتر من بنت من اولاد اخواتي يقولوا لما نكبر هنلبس النقاب ده بالفطره
ربنا يعافينا من دماغ هؤلاء البشر

بارك الله فيكِ
حبيبتي ام عمار
وجعله الله في ميزان حسناتك
ورزقك الفردوس الاعلى من الجنان

جزاك الله خيرا ام عمار

صح ربنا يتوب علينا من الاشكال الغريبه اللي
بينكروا النقاب

يا سبحان الله بينكر النقاب وكانه منكر

ويتركوا البنات والنساء ال................

وانتم عارفنهم بدون تعليق لانهم يتماشون

مع هواهم......... الله المستعان اخواتي

والله انا لما بنزل السوق في بعض المناطق

في مصر الاقي البائعين يرفضون البيع لنا

والسبب اننا منقبين يا الله

كانه اصبح وبصمه عار

اللهم ارحمنا يا رحمان من هذه

العقول الشاذه التى تنكر الحق وتترك الباطل

تسلمي يا غاليه

جزاكي الله خيرا