زوجي واهتمامه الكبير بلون وشكل معينين

زوجي واهتمامه الكبير بلون وشكل معينين

السلام عليكم
تملكت الفترة الماضية وزواجي مابقى عليه الا كم يوم
الفترة الاخيرة لاحظت انه ينجذب بشكل كبير للبشرة الفاتحة وملامح معينة
صار يذكر لي عوائل معينه ومناطق وشعوب ودول تمتاز بهالاشياء
وبالصدفة عرفت انه ما اخذني الا عشان اللون
انا اشوف نفسي متوسطة يعني لا بيضاء ولا سمراء
مع اني انسأل كثير اذا انا من الدولة الفلانية والعلانية عشان لوني
الا اني استنكر يعني فاتحه بس عاد مو لدرجة انهم يجردوني من جنسيتي عشان لوني
وبقلبي هم كبير يوم عرفت انه ينجذب للون والشكل
ما اشوف نفسي اطابق مواصفاته وله كل الحق في رغباته محد يقدر يقول ارضى بالقضاء والقدر
هو يحب هالمواصفات براحته
لكن انا شايله هم بعدين يعني ادري واشوف واعرف اني ما اعتبر بيضا بكل صراحه
وعاجبني لوني بس وش يضمن لي بكرة انه ماراح يضايقني؟
وش يضمن لي بكره اني بعيش مرتاحه؟
انا بكل صراحه لي مواصفات معينه بعضها لايمكن اتنازل عنها شيء
في النفس
واعرف هالشيء زين عشان كذا ماراح ارضاه على غيري

هذا غير نقطة الشكل، اهتمامه بملامح معينة مختلفة تمامًا عن ملامحي
يعني والله ما ادري وش اقول

تايهه كثير ، حتى ماودي اناقشه لانه مهما كان راح يضغط على نفسه وممكن يجامل
انا ماتكلمت الا بعد ايقنت انه فعلًا يبي هالشيء
لحد يجي ويقول كيف عرفتي؟ موضوعنا هنا ايش الخيارات المتوفره عندي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d ,hijlhli hg;fdv fg,k ,a;g ludkdk

المصدر...