السلام عليكم جميعكم انا شاب تزوجت وانا كبير شوي عمري 38 وبسبب وفاة والدتي حبيت اتزوج بسرعه بسبب التفكير بوفاة امي اغلب وقتي
المهم شوفت بنات كتير وفي بنت عمرها كان 21 والاهل ما عندهم اي اعتراض على عمري وافقت عليها وحسيت ان الام كتير بتدخل بشكل غريب في اول يوم اجت فيه على بيتي دخلت على غرفتي
وفتشت ادويتي وصارت تطلب مني ارمي عفشي عشان انه بنتها عروس جديده قلتلها انه امي متوفيه جديد ولسه في مشاعر لكل شي بالبيت المهم انا قلت خلص ورميت الاشياء حتى الجيران عاتبونا امك ما ماتت من زمان حتى ترمي عفشها طنشت وقلت الحب بالقلب مش بالاشياء وبعد فترة حسيت انه البنت بتحكي كل تفصيله كبيره او صغيره لامها بس كمان بتحلف الي انها ما حكت لامها وحسيت انه امها شكاكه بشكل مش طبيعي واصل الشي للمرض انا قلت اطنش امها المهم البنت لقيت البنت كمان فيها هالشي من امها لدرجة بعد ما اتزوجتها وانا مش بالبيت لانهم بشكوا اني بحكي مع بنات جابو انسان متخصص ودفعولوا مصاري واخترق كمبيوتري انا عرفت وواجهة البنت والام حلفوا بالله الف يمين انهم مش هما وانا قلت خليها على الله
لو هما الله بعاقبهم واتضح انهم مرجعين صور قديمة الي محادثات مع بنت كنت بحبها زمان قبل ما اتزوج وواصلين الها وحاكيين معها تلفون ومهددينها يفضحوها والبنت حاذفه كل حساباتها من النت انا قلت هدول ناس ما بنعاش معهم ولما جيت اطلق هددوني يفضحو البنت انا حاولت اسكت ما قدرت المهم لما جيت اطلق طلعوا عاملين كتير اشياء سارقين اشياء من بيتي كل شي انا حكيتو بيني وبين مرتي واصل لكل لامها وخواتها بالتفصيل انا كرهت العيشه معهم وصدقوني انا لو حكيت كل شي صار بيني وبينهم راح تسبوهم وتسبوني عشان اتحملت كل هالشي انا اتحملت لانه حسيت مرتي مسكينه ومش واعيه وكنت بقول على امل تعقل بس شكله بتضلها متل امها طول الحياه انا اول مره بشوف ام وبنتها بحاولوا يفضحوا بنت وكمان بنت زمااان كنت احكي معها ناس مش طبيعيين انا حاليا باجراءات الطلاق ولازم ادفع مؤخر تتوقعوا الاسباب اللي عندي ممكن تخليني ما ادفع المؤخر ؟؟

شكرا الكم مستني ارائكم