منتدى روضة القرآن - افتقد وجود اخواني بحياتي فرقتنا أمي

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم..
مشكلتي افتقد وجود اخواني بحياتي انا بنت بين ٦ اخوان ولا واحد فيهم قريب مني او يهتم لأمري او يعاملني بلطف او موده.
السبب في امي وتفرقتها وزرعها لافكار خاطئة بيننا من الطفولة كانت تقول لهم اختكم عار وانتوا رجال وسند.. انتوا رجال وش يجلسكم مع البنت.. واحنا صغار نلعب مع بعض اتذكر تجي تهاوش اخوي تقول قوم من عندها بتصير بنت مثلها ويضحكون عليك زملاءك ولما احد يساعدني بشي تنهره بشده وتقول انت رجال ليش تساعدها ويوم كبرنا تقولهم لاتطلعونها مكان بتفضحكم واوقات تحلف عليهم لو طلبت شي مايجيبونه لي بحجة (احفظوا فلوسكم) وياحسرتي اقوى شي اطلب سنكرز تتلهف نفسي عليه .. وتكثر القواعد السيئة اللي نشؤا عليها وكبرنا وصاروا يعاملوني مثل الغريبه مع اني اعطي واخدم واحب واحاول ما اقصر عليهم بشي بس جفاف وفجوة كبيرة ومفتقده وجود اخواني خصوصا الكبار بالثلاثين الحين الواحد يشوفني مايقول سلام عليكم..
والله احتاجهم ومابي منهم شي يتعبهم او صعب عليهم ابيهم يجلسون معي يسولفون يمزحون اتمنى لما اغسل ملابسهم واكويها اسمع كلمه طيبه اتمنى يوم اطبخ شي يعجبهم يمدحونه ابي احس اني مهمه في قلب اخوي ابيه ينظر لي اني اخته اللي احبه وافديه بعيوني ابيه ينسى التفرقه والكلام اللي انزرع فيه.. اتمنى لو واحد يجي يسألني كيف امورك وش محتاجه ناقص عليك شي حتى لو كتابه بالواتس اتمنى احد يرسل لي اي مقطع واتس اي رساله محوله يحسسني اني بحياته .. اشوف صديقاتي وحياتهم مع اخوانهم وانظر لنفسي ألقى الوضع مرررره مو طبيعي ان هذي حياتي مع اخواني
هل فقدتهم خلاص؟ وانتهت مشاعر الاخوة بيني وبينهم؟
معقول ان مستقبلي وحيدة مكروهه لأن الله خلقني بنت؟ لأم تقدس الذكور؟
ساعات التفكير يتعبني وابكي واخاف من المستقبل وافكر شلون ابني نفسي صح لان اخواني ع كثرهم مايبوني بحياتهم

المصدر: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] - من قسم: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

htjr] ,[,] ho,hkd fpdhjd tvrjkh Hld

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]