اخاف اجبر نفسي و اندم مره ثانيه
 

يسعد اوقاتكم


عمري 30 مطلقه من سنتين لدي طفلين 10-6 سنوات
سبب طلاقي خيانته لي مع سيدة مطلقه لنفس سبب طلاقي تكبره بعشر سنوات او اكثر لا يهم انتهى امره

كنت احبه واثقه فيه لكن بعد الخيانه كرهته و فقدت الثقه والامان
لاني شفت جواله رسائلهم المتبادله
"عمري ماعرفت الحب الا معك
عمري ماعرفت الحياة الزوجية الا معك
عمري و عمري الخ وكأن الحياه معي غلطه عمره او مجامله "
" انا بس اشفق عليها عشان الاولاد بحبها من باب العشره "
وغيره وغيره الخ

هالكلام اثر فيني مره مره لدرجة اني رفضت كل اللي يتقدمون لي لانه ماعاد اقدر احب و احتوي و اهتم قلبي مؤصد مشاعري ميته وحتى الرغبه بالزواج ماتت

الحين في شخص تقدم لي اكثر من مره رجل عمره 38 مطلق عقيم و طليقته واهلها يمدحونه اخلاقه و كرمه بس العقم كان السبب

في كل مره يتقدم بيقول عيالها عيالي بحطهم في عيوني (جالس يبني بيت و يقول حاط لهم اجنه خاصه )ومستعد اتحمل تكاليفهم والعيال حبيتهم وان شاء الله ربي يقدرني واسعدهم جميعاً

ابوي قيمه انه واعي ورزين مثقف يوزن كلامه شهم كريم ومقتدر

للامانه كامل بس احس ماقدر اجبر نفسي ماعاد عندي ثقه باي رجل غير ابوي

كنت اشوف طليقي كيف كان يلعب بمشاعري و يوهمني بحبه وهوكذاب كيف انا اجي واوهمه او يتخيل لي انه يكذب علي عشان بس ياخذ حاجته


سؤال اللي امر فيه طبيعي ؟؟ او بس من تأثير الصدمة ؟

اخاف اجبر نفسي و اندم مره ثانيه




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]