منتدى روضة القرآن - تعبت من زوجتي و عقليتها الغريبه

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم ،،

اخوكم متزوج حديثاً لي الآن قرابه 8 شهور ، عمري 28 و عمر زوجتي 22 زواجنا كان تقليدي ..
يشهد الله ان خلال هالفتره هذي كلللها م عشت مرتاح و مستقر نفسياً الا مرتين و كلها ما تمت ساعتين ، زوجتي ضد الحياه جميع متع الحياه ماتبيها ولا تحبها ، تكره الاجتماعات غير مسؤوله حس المسؤوليه بالسالب اهلي يعزمونها مبسوطين فيها وهي تختلق اعذار ومالي خلق ولا ابي مع ان والله العظيم ماقصروا هدايا و كلام طيب و لطيف و يمازحونها بس سبحان الله هي كذا ماتبي التجمعات ابد تفشلني و تحرجني و اذا جلست ابين لها عيب لازم تقبلين عزايمهم مو حلوه في حقي و حقك تقول عادي م فيها شي كل الناس تتعذر و تصير لهم ظروف !! و تنسدح و تنام تغبببن وانا اللي انزل لهم لحالي بدالها و احرااج يسالوني عنها و كل مره اخلق عذر مابي اطلعها بالشينه قدامهم ، ماتبي تطلع من البيت الا بموعد و عقب الطقاق و اذا طلعنا قلبتها نكاده تسوي حركات مستفزه عشان نرجع تكرهني ف الطلعه و نرجع البيت ، الاكل ما تاكل تسوي اللي ابي و اطلبه و اجلس اكل لحالي و نبهتها مليون مره ع هالاسلوب الحياه مشاركه ووو… غيره من هالكلام مافيه فايده ابد ابد .. تكره السوق ولا تبيه ، ماتحب المجمعات ، كل ماقلت خل نروح المكان الفلاني تتكاسل وردها المعتاد مالي خلق ، تشوف النقاش هواش و طقاق ماتبينا نتناقش في شي ابد ، كتومه صعب التعامل معها اذا حاولت اعرف وش فيها تقول م فيني شي واضح من وجهها و عيونها و اسلوبها فيها شي ماتبي تصرح واذا عدت عليها السؤال ينقلب وجهها وترد رد ناشششف جداً كأن عمرها 80 ، يا كثر ماتكذب و امشي لها بمزااجي و تحلف احيان كذب ، فيها من العناد ما الله به عليم ، عائلتنا متحفظه جداً لبسها عادي عند البنات بس عند اهلي مصيبه عادي كتف و ظهر طالع جهة وحده كم مره عصبت عليها و نزرت و زعلت تتضااايق مره تقول ماتحمسني انت لشي! طيب غلط ي ماما اللبسي الشي الساتر و بمدحك بالعكس لاحياة لمن تنادي و اذا جينا لملابس النوم تشتري اشياء مستره كنها في دكه الاحتياط !! كان ردي عليها تراك قالبه الايه المفروض العكس تنزلين لاهلي مستره و عندي تاخذين راحتك!! تضاايقت بشكل خرافي ، تبكي احيان بدون سبب و تتضايق مني من كلمه تافه جداً و عاديه واجلس اصر عليها يوم كامل ولا تعلمني وش اللي مضايقها ووش الكلمه اللي زعلتها معقققده .. تنكد علي عيششتي بشكل مززعج و اذا ضاق صدري من حركاتها و تنكدت تجلس تستهبل و تضحك ع اتفه الاشياء كأن عمرها 10 سنوات ، اذا سولفت بجديه تجلس تطقطق متاثره كثييير بسخافات المسرحيات نفس الاسلوب بشكل يلوع الكبد ، حلو الانسان يكون مرح بس ما يكون هزلي بشكل دائم ، غير ان كلامها غير مرتب ولا عندها اسلوب حوار صصصفر و تكلج بعد لساني بدا يصير مثلها ، ما احس اني متزوج انسانه عاقله ولا اعتمد عليها في شي ابد كثيره النسيان بالضبط كاني اتعامل مع مراهقه والله العظيم ماخذ دور الام و الاب جالس اربيها تعبت تععععبت كثيييييير ، همها و شغلها الشاغل الايباد و الجوال العااااب ليل نهار ما يفارق يدها حتى لو اسولف و اذا نبهتها عيب تمسكين الجوال وانا جمبك تهده دقيقه حرفيها و تسمع اشعار و تمسكه ثانيه وتجلس تلعب وهي خايفه عشان لا اقول لها شي ، بذمتكم هذي تصرفات انسانه بتكون ام في المستقبل؟؟ انا في لحظات صعبه في حياتي احتاجها معي تطبطب علي ترحمني تسمعني كلمه حلوه و هذي جالسه تنكدد علي عيشتي ، مستقيل من عملي و ضغوطات من الجهتين غير اهلي و طلباتهم و ابتلاني ربي بهذي بعد زادت الطين بله و غير الديون .. متقلبه المزاج مره تعشششقني لدرجه انها ماتبيني اروح البقاله تبيني معها و اغلب المرات نفس تعاملها اللي كتبته لكم فوق ، مشاعري اتجاهها مافيه اي مشاعر غير اني رااحمها و مشفق عليها هي في ذمتي و مستحيل اقول كلمه تجرح مشاعرها و تضايقها لو على حساب نفسي عاددي اقدم تنازلاااات و ياكثرها ، اشوف اللي بعمرها و اصغر شايلين بيت و عيااال مالها عذر تكون جزء منهم ، من مشاكلها بعد غير مسؤوله عن لسانها كثير ماتقول لي احس مافيه مستقبل لحياتنا ما بنكمل و مرات تبكي اذا تضايقت و زعلت تناااقض عجيب عجيييب ياكثر ما تطري و احيان تتنهد اذا جا طاري اسم رجل مع اني ما اشك فث تربيتها بيتهم صالحين و نقيين جداً بس تبي تغيضني و مدري وش السبب استخدم عليها نفس الاسلوب و تموت قهر و غيره و ابين لها ذا اسلوبها لكن بدون فايده .. والله اني ضيعت نفسي معها امنيه حياتي انسانه رزينه مثقفه واعيه صاحيه جاني عكس في كل ما تمنيت عدا اهتمامها في الطبخ و امور البيت مع انه مو مررره بس ماشي حاله يعني .. شوروا علي يا اخواني و خواتي وش اسوي و كيفف اتصرف ، ترفض الدكاتره تكره الادويه و المستشفيات تمووت الم تقاااوم بس لا اشوف مستشفى هذي وجهة نظرهاا .. بالنسبه لي م قصرت في امور البيت كامله مكمله و شهر العسل رحنا للي تبي و هدايا و دلع و كلام كويس و حب و غزل و مصروف شهري م خليت عليها قاصر حتى اهلها والله كل ويكند اوديها يوم تجلس 12 ساعه و ارجعها والله م خليت عليها قااصر بشهادتها وبلسانها ، اذا نبهتها ع شي ولا غلط تقول حتى انت تسكت شوي و تفكر تبي تطلع علي شي بعدين تقول لا والله م قصرت معي الله يفرررج عليكم شوروا علي شسوي .. وش الحل معها؟؟ تشوفون تصرفاتها طبيعيه ولا فيها شي؟ فيه شعرر في داخلي يقول انها تعاني من مرض نفسي مو معقوله هالتصرفات! هي تحس نفسها ملاك ولا تغلط و تجيب مليون مبرر و مبرر لتصرفاتها اذا صارحت ما تتحمل اغلاطها او تسمع شي غلط عن نفسها

المصدر: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] - من قسم: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

jufj lk .,[jd , urgdjih hgyvdfi

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]