تجاهل وتطنيش
انا أم معي ولدين واربع بنات .. انسانه طيبه و حساسه
اميل للهدوء وبعيده عن العصبية
مشكلتي هي اختي الله يهديها
ماكاني اختها يعني اشوف منها تجاهل بدرجه كبيره ماكنا اخوات
في اشياء ممكن اخذ رايها فيها .. هي لاتاخذ ولاتعطي معي
ما في اي سبب يخليها تتجاهلني كل هالتجاهل !
وفيه من الاهل .. من جماعتنا > ماتتصورون كيف تحبهم
مطيحه الميانه معهم بشكل مو طبيعي كل شي عنها بتفاصيل يعرفونه
واحيانا يوم نلتقي معهم تسولف وتضحك
وتقول لهم اشيا فيها لاول مره اسمعها معهم
قبل سنه .. كانت بتحضر لزواج بنتها
وانا ماقصرت معها بشي و (نعطيهم فلوس ومعاونات)
وكنا فرحانين بحالات الواتس
نشتغل فيها اهداءات وتبريكات
ومع ذلك متجاهلتني !!
وكنت زعلانه منها وشايله بقلبي
عشان حاله من حالات الواتس
كانت حركه تافهه وسخيفه
وسويت لها حظر ولا كلمتها .
ومن وقتها وهي ولاتدري عني ومطنشتني
وجات هنا المدينه عندنا
زياره وتمشيه
ما كلمتني و نزلت سافرت ولاجاتني
ولا قالت انا عندكم في الديره
لا في اي قدر ولا اهتمام
مر شهر رمضان
ومر العيد
ولا فكرت تتصل !!
الاسبوع الجاي يوم الخميس . زواج بنتها الثانيه
ولا اتصلت علي تدعيني للزواج ولا شي !!
راس مال الواحد هي ان كرامته ماتتاثر
هل اذا كلمتها هل فيه شي بيمس شي من كرامتي ؟؟؟؟؟
او اسحب ذا الموضوع كله من راسي ..
طيب هل لي حق ازعل ؟
و لا انا صح وهي غلطانه ؟؟
او اني اتنازل واكلمها وابارك لها ؟
محتاجه رايكم واراءكم الحكيمه
اتمنى ينزل الموضوع ولكم كل الشكر
المصدر:
منتدى الحياة الزوجية | دليل النساء المتزوجات | الثقافة الزوجية والعائلية - من قسم:
مشكلتي - مشاكل زوجية - معالجة المشاكل بين المتزوجين