امي بتطردني عشان وضع زوجي الصعب

امي بتطردني عشان وضع زوجي الصعب

انا بهم كبير اقسم بالله بسبب امي
زوجي فصل من وظيفته وكان عاطل لفترت 7 اسابيع وجد كانت حياتنا صعبه يتسلف عشان يوفر لبنته الحليب وللبيت الاغراض الناقصه حتى قمت ابيع ذهبي عشان اوفر لبنتي الي تحتاجة و كنا نروح لبيت اهله كل يومين عشان نقدر ناكل .. يعني اقسم بالله وضعي كان اسوء مايكون وكنت ابكي كل يوم بسببه
لكن الحمدلله بعدها ربي رزقه بوظيفه وقالي اقعدي عند اهلك وانا وظيفتي بمنطقه ثانيه مع اول راتب بناخذ شقه هناك ان شاء الله
وقعدت عند اهلي ووضع اهلي المادي صعب يعني الصراحه على خط الفقر
وابوي متوفي من زمان وامي واخواني عيشين على الضمان والتقاعد ومساعدات الجمعيات الخيريه
جلست عند اهلي على اساس انه شهر وامي كانت كم من مره تلمح لي متى اروح مع زوجي ومتى ياخذك واحنا زوجناك عشان نصارف عليك وزوجناك وبتلشنا فيك والكهرب والماء انا الي اصارفم من جيبي ومن الكلام ذا
حتى اشيل هم اغسل رضاعة بنتي قدامها لانها تهاوشني تبيني اقتصد بالماء وانا انظف رضاعتها
حتى المناديل اشيل هم لاسحبت مناديل قدامها تحاسبني
ماعليه فاهمه امي ووضها الصعب وساكته وصابره ماقدر اقول لزوجي شي
بعدها زوجي قال الموضوع بيطول الراتب اجلوه وحتى وان نزل الراتب بيسدد الناس الي كان يتسلف منهم فابيضطر يخليني اقعد عند اهلي شهرين زياده
امي لما درت اني بقعد اكثر قالتها بوجهي انا ماني ملزومه فيك انتي وبنتك .. ومرتين حاولت تطردني والله اني ابكي قدامها يعني كيف تطرديني انا وضعي اصعب من وضعكم و انتي المفروض اول وحده واقفه بصفي مو ضدي وزوجي موبيده شي ومالي الا الصبر
صرت اتصل اسبوعياً على زوجي اطلب منه يرسل لي مصروف والله يرسل 100 اني اقسمها 50 لحليب بنتي و50 اشوف وش ناقص بيت اهلي واجيبه
وامي ماعندها شغاله فاكنت اشيل القمامه واكنس واغسل واحاول اساعدها واكون خفيفه عندها ولاشفع لي
واطلب من زوجي اقعد ببيتي ورافض لازم يكون عندي احد واخواني مرتبطين بدواماتهم ولايقدرون يسكنون معي
اقسم بالله اشحده اقعد ببيتي و انه اريح لي ومابيه يدري انه عشان مانضغط من امي او تسمعني كلام يجرح بس مايفهم
يعني امس تقولي ان كان بامكانها تجهضني وتموتني بس تركتني اعيش وترددها علي كانها مبتلشه فيني !!
وقامت اخر مره علي انا وزوجي لانه بس حولي 300 وعطيتها منها 100 ولاكفاها وتهاوش ليش مارسل اكثر
وميتين قضيت الاغراض المهمه لي ولبنتي
واليوم لما صحيت الصباح انطلقت هواش فيني من جديد بس ذي المره صدق غير تاشر للباب تقول اطلعي من البيت قلت تطرديني وقالت ماني ملزومه اصارفك عندك رجال هو الي ملزوم فيك دقي عليه خليه يجي ياخذك حتى دقت على اخوي الكبير تشكي له انها مو ملزومه فيني ورجالي تاركني عندهم بالشهور ولايرسل لي مصروف زي الناس .. واخوي قال لها ذا وضعها وانتي امها وان ماتحملتي وضعها من يتحمل يعني نرميها بالشارع.. اسمع وانا ابكي وربي لذي الدرجة الفقر يخلي الام تطرد بنتها
وللاسف كل اخواتي نفس حالتي لاجوها تاففت منهم وتصنع لهم المشاكل لدرجة وربي دقت على واحد من رياجيل اخواتي تقوله تعال خذ حرمتك وعيالك ماني متحملتهم
حتى قامت تهددني انها تتصل على زوجي ياخذني وقلت اتصلي وخليه يتشمت فيني زي زوج اختي الي ليومك يتشمت فيك ويقول لو اشوتك عند امك بترجعك لي
واختي تنبهني ان زوجي مايدري ان امي ماهي سند لي لانه بيذلني فيهم زي مازوجها يذلها
وليومكم ماقدر اقوله عن وضعي عند امي واتمنى تنشق الارض وتبلعني ولايدري
لان من الام الي بتطرد بناتها عشان توفر فلوس كهرب وماء !! امي اكيد مافيه غيرها
حتى وربي عشان ارضيها ارسلت لزوجي قلت ارسل لي مصروف ابي اقضي لاهلي لان لي اكثر شهر عندهم ساكنه وهم احوالهم صعبه
ولا رد علي بكلمه سكت
انا تعبت من ضغط امي علي والله صرت اعكس نومي عشان ماتستفرد فيني او ببنتي
وحتى قالت لي مره ان امها الي هي جدتي كانت تطردها من البيت واجبرتها على الزواج صغيره وانهم كانو عايشين بفقر وكانت تجي لبيت امها بالهدايه تبي ترضيها وتطردها !!
نفس الي جدتي تسويه فيها تسويه فيني كانت بتزوجني بعمر 14 لو ماوقفوا اخواني ضدها والحين تبي تطردني
يعني اذا جدتي كانت قاسيه عليها تصير هي مثلها
ممكن امي تعقدت من جدتي عشان كذا تمارس علينا نفس ماكانت جدتي تمارسه عليها .. حتى ادور لامي اعذار ابرر معاملتها القاسيه لنا
وانا ماقدر اتحمل اسبوع ثاني جالسه عند امي ولا اقدر اقول لزوجي عن الموضوع لانه محرج
ولا اعرف وش اسوي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hld fj'v]kd uahk ,qu .,[d hgwuf

المصدر...