الدرس الثاني في مقرر مدرستنا الغالية وهو بعنوان " أسباب النقاب "
بسم الله والصلاة والسلام علي رسولنا الكريم , ثم اما بعد ..
مرحباً بكن ثانياً اخواتي الفاضلات في مدرستنا المباركة ومع : " سنة أولي نقاب "
وهيا بنا سريعاً مع الدرس الثاني وهو بعنوان : " أسباب النقاب " او " دوافع تثبتك علي نقابك وتحبب ارتدائه لمن لا يرتديه بإذن الله " بسم الله ...
أختى الطاهرة العفيفة عرفنا النقاب
لباس التقوى و لباس الاطهار
فلماذا أختاه النقاب ؟؟؟
بعد أما عرفنا الحكم الشرعي في النقاب في الدرس الأول إنه إن شاء الله فرض " فهذا هو السبب الديني لإرتداء النقاب " نيجي للأسباب البديهية للنقاب
فلماذا أختاه النقاب ؟؟؟
علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…
فلماذا أختاه النقاب ؟؟؟
علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع _ مع احترامنا وتقدرينا له ولمهنته _ .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً
فلماذا أختاه النقاب ؟؟؟
علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية…
فلماذا أختاه النقاب ؟؟؟
علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما يتجوزني . . الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..
فلماذا أختاه النقاب ؟؟؟
علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..
فلماذا أختاه النقاب ؟؟؟
علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية ..
فلماذا أختاه النقاب ؟؟؟
ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟
فلتسأل كل واحدة منا نفسها
لماذا النقاب ؟؟
فكرى أختاه قليلاً................
أرتديتيه لأنه عاده ؟؟؟
ام
لأنك غير جميلة و تريدين الا تظهرى
امام الناس ؟؟؟
ام
ارتديتيه طاعة لله و رسوله ؟؟؟
جاوبى أختاه بصدق و حاولى ان تصدقِ الله ليصدقكِ الله
أختاه كل مسلمة مؤمنة تحب الله و رسوله تتمنى ان ترضى الله
فلذلك أنتقبتِ لله
فاعلمى اختاه ان نقابكِ طاعة لله
أعلمى ان نقابكِ تقرباً لله و مرضاةً له
نقابكِ اقتداءاً بسنة رسول الله صلى الله عليه و سلم
نقابكِ تشبّهً بأمهات المؤمنين
نقابكِ حباً للفوز بالجنة و نعيمها
فأصلحى أختى الكريمة نيتكِ
فى ارتداء النقاب
و أعلمى أن نقابكِ هو عفتكِ هو حياءكِ
فبنقابكِ يكون العفاف
فكفانا فخراً أختاه بالنقاب فعزتنا و عفافنا بأرتدائه
فقد جعل الله سبحانه و تعالى النقاب للمسلمة عنوان للعفة و الطهر جعله لباس يسترهنّ لأن المسلمات مصونات عفيفات .
و لا يمكن ان يؤذينّ ابداً من خلال الفتن و النظرات المسمومةً ما دامت المرأة ملتزمة بنقابها.
نقابكِ هو الحياء
ان نقاب المرأة المسلمة يتناسب تماماً مع حياءها فالمرأة بطبعها حييه لذلك شرع الله لها النقاب ليسترها عن الاعين ، إن العفة والحياء من أسمى وأرقى وأجمل ما تتزين به المرأة الصالحة ، والمسلمة عفيفة حيية، والحياء خلق له،الحياء من الايمان و الايمان عقيدة المسلمة و قوام حياتها، يقول ابن القيموخلق الحياء من أفضل الأخلاق وأجلها وأعظمها قدرا وأكثرها نفعا بل هو خاصة الإنسانية فمن لا حياء فيه ليس معه من الإنسانية إلا اللحم والدم وصورتهما الظاهرة كما أنه ليس معه من الخير شيء)
جزاك الله خيرا حبيبتي أم عمار بوركتي يا غاليه ما شاء الله تبارك الرحمن على مجهودك الرائع وجعله الله في ميزان حسناتك وزينا الله وإياكم بزي العفاف والحياء
هذه المنتديات لا تتبع أي جماعة ولا حزب ولا تنظيم ولا جمعية ولا تمثل أحدا
هي لكل مسلمة محبة لدينها وأمتها
وهي على مذهب أهل السنة والجماعة
ولن نقبل اي موضوع يثير الفتنة أو يخالف الشريعة
وكل رأي فيها يعبر عن وجهة نظر صاحبه فقط
دون تحمل إدارة المنتدى أي مسؤلية تجاه مشاركات الأعضاء ،
غير أنَّا نسعى جاهدين إلى تصفية المنشور وجعله منضبطاً بميزان الشرع المطهر
الدرس الثاني في مقرر مدرستنا الغالية وهو بعنوان " أسباب النقاب "
وخلق الحياء من أفضل الأخلاق وأجلها وأعظمها قدرا وأكثرها نفعا بل هو خاصة الإنسانية فمن لا حياء فيه ليس معه من الإنسانية إلا اللحم والدم وصورتهما الظاهرة كما أنه ليس معه من الخير شيء)
العرض العادي
