السلام عليكم ورحمة الله وبركاته ,,
عندي مشكله واحس اني ضايعه بين امي وابوي .. محد فيهم يبي يتنازل يعني الكل معاند وامي الزوجه الثانيه وهو ساكن عند زوجته الاولى 5 سنوات عندها ولا يجي بيتنا الا نادر قبل كان يوم عندها ويوم عندنا , حاولت بشتى الطرق اني اردهم لبعض علما انه ابوي ما طلق امي بس بسبب العناد صار كل ها وامي مستحيل تتنازل اتشوف هالشي انها انهانت وتقول تبوني ابوس ررجوله مثلا , اذا كلمت ابوي تقوله تعال عندنا وهو يرفض وما تقوله اي شي ثاني وتقول خلاص ابوكم ما يبي,يوم صارت مشكله صغيره وامي كانت الغلطانه وقلت حق امي انه ابوي ما كان قصده شي بس امي قالت انتو تحبونه وماتحبوني بس انا مع الحق اقول اللي اشوفه صح ..والمشكله الثانيه انه احب اتابع مسلسلات هنديه بس هالشي امي تكرهه كرهه بس شو اسوي اذا متعوده اشوف هالشي من الصغر والممثلات المسلسلات غير عن الافلام , لبسهم محتشم دايما ,, بس امي دائما تعصب يوم تشوفني اشوف مع اني احاول انها ماتكشفني اني قاعده اشوفه بس تكشفني احيانا و تصارخ علي وتبي تضربني . شو اسوي عشان نرجع ابوي البيت ؟ امي ما تسمع حق حد يعني ما تسمع لأبوي مهما قال وكل كلامها لازم يمشي وامي انسانه ملتزمه وانا احبهم ثنيناتهم ومستحيل تسمع مني لان اتشوف انه نحن عيالها صعب تسمعلنا .
qhdui fdk hld ,hf,d
المصدر...
22nd August 2017
ضايعه بين امي وابوي
تقرأ وترحل شارك معنا برد أو بموضوع
العرض العادي
