|
د: @@## يوميات .........تلبيس إبليس ##@@
الحمد لله والصلاة والسلام على أفضل الخلق محمد صلى الله عليه وسلم وبعد....
أخواتي وحبيباتي في الله الموضوع عبارة عن يوميات لفتاه مثلى ومثلك ورحلتها في الالتزام بطريق الله عز وجل ومجاهدتها في رد كيد إبليس اللعين فتغلبه تارة ويغلبها تارة أخرى فلا احد معصوم من الخطأ .....ويقول ابن الجوزي في كتابه "تلبيس إبليس" لما خلق الإنسان ركب فيه الهوى والشهوة ليجتلب بذلك ما ينفعه , ووضع فيه الغضب ليدفع به ما يؤذيه , وأعطي العقل كالمعلم يأمره بالعدل فيما يجتلب ويجتنب .......وخلق الشيطان محرضاً له على الإشراف في اجتلابه واجتنابه . فالإنسان بين العقل والشيطان , فلينظر في أمره واحواله . وتلك العدواة بين بني آدم وبني إبليس مستمرة إلى يوم القيامة أسال الله أن يعيذنا بحوله وقوته من الشيطان الرجيم (الحلقة الأولى) تبدأ اليوميات في أول يوم لــ منى في الجامعة فلقد حصلت على مجموع كبير بالثانوية العامة والتحقت بإحدى كليات القمة...... استيقظت منى في الصباح الباكر وهي في كامل نشاطها فاليوم هو أول أيامها في الجامعة .... منى : (وهي تتثاءب) مش مصدقة نفسي أخيرا حروح الكلية وحخلص من الطابور الخنيق ولبس العيال بتاع المدرسة الحمد لله يا رب بجد ألف حمد وألف شكر الشيطان : تؤتؤتؤ حنبتديها من ع الصبح وللا ايه مش كفاية كنتي قارفاني في الثانوية طول النهار والليل تصلي وتدعي بس معلش خلاص انتي انهاردة دخلتي الكلية وحتيجي في ملعبي منى :اما اقوم اصلي الصبح وافطر والبس عشان ما اتاخرش مش معقول حتاخر من اولها الشيطان موسوسا : ما تفطري الاول وتجهزي او حتى البسي بس وبعد كده ابقي صلي طالما كده كده الفجر راح عليكي خلاص صلي في اي وقت بقى منى :ممممممممم خلاص انا حفطر واتوضى والبس وبعد كده اصلي الصبح الشيطان بلهجة الانتصار :ايوه كده هو ده الكلام منى : يا ماما ... يا مامااااااااا الأم:ايوه يا حبيبتي صباح الخير منى :صباح النور يا ماما ....ماما ايه رايك البس ايه انهاردة الام :بوصي البسي الطقم اللبني الجديد بيبقى حلو اوي عليكي وللا اقولك البسي الجيبة الجديدة مع البدي البينك الكات والكارينا ها ايه رايك بتبقي حلو اوي فيهم الشيطان :انتي ست زي العسل منى :ممممممممممم خلاص حلبس الطقم اللبني الشيطان موسوسا لمنى:لالالالالالالا بلاش الطقم اللبني (طبعا عشان واسع شوية الكارينا حيعمل معاه شغل احسن) خليكي في الطقم البينك لونه احلى عليكي وبعدين ده اول يوم يعني لازم تبقي اشيك واحدة وبعدين مع الاكسسوارات والشنطة والباليرينا الجديدة حيبقى اييييييه ما اقولكيش منى: وللا اقولك يا ماما خلاص حلبس الطقم البينك الأم: طيب يا حبيبتي والله وكبرتي ودخلتي الكلية يللا بقى يا منمن روحي البسي عقبال ما احضرلك الفطار عشان ما تتاخريش. منى:حاضر يا ماما منى وهي تستعد: اتوضا قبل ما البس عشان البس وافطر وبعد كده اصلي علطول (للعلم منى تصلي الفروض ولكنها احيانا تؤخر الصلاة الى غير وقتها او تجمع بين الصلوات وتفوت صلاة الفجر وبالطبع فهي ما زالت تسمع الاغاني وتشاهد المسلسلات بجميع اشكالها ولكنها بداخلها فتاة طيبة تقبل النصح ولا تجادل كثيرا فيما يتعلق بامور الدين) منى بعدما توضأت وارتدت ملابسها : ماما كان عندها حق الطقم ده حلو عليا الشيطان موسوسا : حلو بس ده حلو اووووووووي بس مال وشك بهتان كده ليه منى : اه فعلا وشي بهتان اوي طب اعمل ايه انا اخلي ماما تقرصني عشان خدودي يبقى لونها احمر الشيطان موسوسا : طب ما تحطي شوية روجوجو اسهل من القرص اهو على الاقل وشك يفضل حلو طول اليوم منى : لالالالا لا يمكن اقلد اللي بيحطو ماكياج وبعدين ربنا كرمني ودخلت كلية محترمة اقوم اشكره كده لالالا لا يمكن الشيطان موسوسا : (يادي النيلة حتبتدي تاني انتي حتتعبيني ليه معاكي مش حسيبك اللا لما تحطي) يا بنتي ماكياج ايه بس ده مجرد لون حتحطيه يبين وشك بس وكمان مش حيبان ده حيبان كان خدودك هي اللي لونها كده.. طبيعي يعني منى :ممممممممم خلاص ححط بس شوية صغيرين مش كتير الشيطان: مش كتير مش كتير كل حاجة حتيجي واحدة واحدة منى بعدما وضعت "الروجوجو" : اهو كده مش باين حاجة كأنه طبيعي الشيطان موسوسا : هو حلو كده بس شفايفك مشققين اوي وكمان برضه لسه بهتانة حطي ليبشاينر كده هو اي نعم فيه لمعة بس مش زي الروج يعني وعادي كل البنات بتحطه وكمان حيداري التشقق ده منى بعدما وضعت ما وضعته من "ليبشاينر" واكسسوارت والذي منه : بس كده تمام اوي افطر بسرعة واصلي وانزل الام: يا منى خلصتي وللا لسه يللا عشان الفطار منى : انا خلصت اهو تأكل منى سريعا ثم تستعد للخروج وتحدث نفسها : انا فيه حاجة ناسياها بس مش عارفة ايه الشيطان موسوسا : لا ما فيش انزلي يللا وللا اقولك يمكن اسكتش المحاضرات منى: اه فعلا بس برضه حاسة ان فيه حاجة ناسياها الشيطان :حتخنقيني ليه حتنسي ايه يعني منى : اه فعلا حنسى ايه ..... وتخرج منة من باب الشقة وما ان وصلت الي الطابق الاول تذكرت ما نسيته منى : الصلاااااااااااااااة ... اخس عليا ازاي انسى كله إلا الصلاة الشيطان موسوسا : خلاص انتي نزلتي حترجعي تاني يعني وبعدين كده حتتاخري ابقي صليها لما ترجعي وربنا غفور رحيم منى : لا يمكن ابد اده اول يوم ليا ازاي ما اصليش الشيطان موسوسا : ما قلنا بعدين بقى يللا انزلي صحابك مستنينك منى : لايمكن ابدا مستحيييييييييل وتهزم منى الشيطان هذه المرة وتعود لتؤدي الصلاة الام: ايه مالك رجعتي ليه منى : نسيت اصلي الصبح حصلي بسرعة وحنزل الام: طيب يا حبيبتي منى وهي تصلي: يا رب ما تزعلش مني انا نسيت غصب عني انا اسفة استغفرك واتوب اليك أوعدك مش حنسى الصلاة تاني الشيطان موسوسا في الصلاة : ( ما تنجزي بقى حتقعدي تستغفري سنة استغفارك ده بيموتني ) يللا بقى انجزي بسرعة عشان ما تتاخريش يللا وبالفعل تنهي منى الصلاة في عجلة ثم تخرج من المنزل وتذهب الي الكلية ...... ماذا سيحدث في الكلية وهل ستغلب منى شيطانها ام هو الذي سيغلبها ؟؟؟ انتظروا الحلقة القادمة مما اعجبنى فنقلته |
رد: د: @@## يوميات .........تلبيس إبليس ##@@
[img3]http://forum.sedty.com/imagehosting/198442_1289871036.gif[/img3]
|
رد: د: @@## يوميات .........تلبيس إبليس ##@@
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وعليكم السلام ورحمه الله وبركاته بارك الله فيكِ سلمت يداكِ لما نقلت من فائده وهدف قيم جزاكِ ربي خير الجزاء ونفع بكِ الإسلام والمسلمين اللهم أرزقنا الهدى والتقى والعفاف والغنى :10-26::10-26::10-26: |
رد: د: @@## يوميات .........تلبيس إبليس ##@@
الحلقة الثانية
بعدما خرجت منى من المنزل وسارت في طريقها الى الكلية اذا بها تلاحظ نظرات الشباب اليها منى في نفسها : هو انا فيا حاجة غلط وللا ايه الشيطان موسوسا : لا بس تلاقيكي عشان حلوة فالشباب بيبصوا عادي انتي عارفة بيعاكسوا ما كل البنات بتتعاكس(غلط ايه ده هو ده اللي انا عايزه وعايز اكتر كمان ) منى : ليه هو انا ملفتة لدرجادي انا اصلا ما كنتش عايزة احط الهباب اللي في وشي ده من الاول الشيطان موسوسا: لاااااااااااااااا هباب ايه هو فيه حاجة باينة اصلا دول هما كده دماغهم فاضية حتعمليلهم ايه يعني وبعدين بلاش تعقيد بقى... اتصلي باي حد من الشلة وشوفيهم وصلو وللا لا احسن من التفكير الاهبل ده منى : اه صحيح اما اتصل اشوفهم فين (تتصل منى بـــ دينا صديقتها منذ الثانوية ) منى : الو ازيك يا نودي ايه الاخبار وصلتي وللا لسه دينا : لا انا لسه في الطريق وانتي منى : لا انا لسه رايحة اركب دينا : طب ما تتأخريش بقى وانجزي منى : اوكي يا جميل انتي لوحدك وللا معاكي باقي الشلة دينا : لا انا معايا ندى ,ورنا و دعاء اتأخروا فيحصلونا منى : اوكي خلاص اشوفكوا هناك يللا سلام دينا : باي وصلت منى الي الكلية ورأت الشباب والبنات في الكلية منهم من هو مستجد مثلها وتائه لا يدري ماذا يفعل ومنهم بالطبع من هم اكبر منها ثم رأت مجموعة شباب تقف مع مجموعة من البنات وقد علت اصواتهم من الضحك ) قالت منى في سرها : ايه قلة الادب ديه واقفين كده عادي مع بعض وبيضحكوا الشيطان : يا حبايبي يا حلوين انتو كده تمام اوي وزي الفل لا بجد صحابي هنا عاملين شغل جامد مسيري اخليكي زيهم ثم رأت فتاة تضع جميع الالوان التي تتخيلوها او لا تتخيلوها في وجهها وترتدي ملابس تكاد تتمزق من على جسدها رأتها مقبلة على تلك "الشلة" واذا بها تسلم على جميع الواقفين باليد بنات وشباب ذهلت منى مما رأت وقالت : بتسلم كده عادي على الولاد كأنهم واحدة صاحبتها وايه اللي هي عاملاه في نفسها ده احنا مش بنات على كده احنا ملايكة الشيطان موسوسا : شوفتي بقى يعني لما حطيتي شوية احمر في وشك ما حصلش حاجة انتي احسن من غيرك بكتير انتي ملاك يا بنتي ملااااااااااك منى: اما اتصل بالشلة اشوفهم فين منى : الو .... انتو فين ....اه اه خلاص شوفتكوا اهو ذهبت منى لتسلم على صديقاتها وتعانقهم بحرارة فهي لم تراهم من منتصف الاجازة الصيفية ندى: بجد ليكي وحشة جامدة يا بت يا منى ايه قوليلي بقى عملتي ايه في الاجازة منى : وللا حاجة عادي الايام كلها شبه بعض كنت ناوية احفظ قرآن السنة ديه كسلت كالعادة السنة الجاية ان شاء الله بقى الشيطان : ده على جثتي طبعا ده انتي لما كنتي لسه طالعة من ثانوي وبتدعي وتصلي ما خلتكيش تحفظي ... يبقى حتحفظي وانتي في الجامعة انسي منى : ها وانتو عملتو ايه يا بنات دينا : انا رحت الساحل اسبوع ما انتو عارفين رنا : ايوه يا عم شغااااااااال دعاء: حلو الساحل بقى انا نفسي اروحو مرة دينا : يجنن وخصوصا حفلات بالليل مش حقولكو منى : امممممممممم حفلات قولتيلي.. وايه نظام اللبس في الحفلات بقى دينا : هههههههههههه عادي زي كل سنة شهقت البنات شهقة جماعية تدل على الاستنكار (لمن لا يعرف سبب الشهقة هو ان دينا عندما تذهب الي المصيف تخلع حجابها وتسير بجميع انواع الملابس المعروفة في تلك الاماكن) (دينا فتاة متحررة وهي محجبة ولكن الحجاب "اياه" عنيدة ومكابرة في كثير من الأحيان ولا تعترف بالخطأ تحب الظهور كثيرا والسيطرة ولكنها مرحة واجتماعية وطيبة من الداخل ) منى : طيب حتى ما احترمتيش نفسك شوية السنة ديه ترد دينا : يعني ...في اخر حفلة لبست الفستان اللي روحت بيه فرح اخويا (بالطبع بدون حجاب) تعود نفس الشهقة الجماعية دينا مبررة : لا بس عليه شال ما تخافوش انا بابا ما رضاش ينزلني كده تاني الشيطان: يابخت الشيطان اللي انتي تبعه مسهلاله كل حاجة قال بابا ما رضاش ينزلني كده هو مسمعش الحديث اللي بيقول " ثلاثة قد حرم الله عليهم الجنة : مُدْمِن الخمر ، والعاق ، والديوث الذي يُقِرّ في أهله الخبث " ولا يسمع ليه هو كده كويس اوي لا بس حلوة ديه هي ديه البنات وللا بلاش منى ترد باستنكار: هو انتي محجبة وللا انا بيتهيألي ترد دينا : فكك ما تبقيش معقدة بقى منى وهي غاضبة : معقدة ايه وبتاع ايه افرضي ملك الموت جالك وانتي لابساه حتقولي لربنا ايه دينا : عادي حقوله كنت في حفلة هههههههههه نظر الجميع بصمت وباستغراب شديدين لـ دينا رنا : استغفر الله العظيم ما تحترمي نفسك يا بت انتي وبطلي هزار في الحاجات ديه ندى : ايوه ندى معاها حق احنا نهزر ونضحك بس كله الا كده دعاء: انا لو الساحل بالمنظر ده مش عايزه اروحو دينا : ايه انتو كلكو عليا وللاايه منى: مش عليكي احنا خايفين عليكي وعايزين مصلحتك الشيطان : مسيري ابطلك النصايح ديه روحي انصحي نفسك الاول وللا اليه انتي كده زي الفل اي نعم دماغك ناشفة شوية بش معلش مسيرك تقعي خالص والغريب ان بتبقي لسه عاملة ذنوب وتغضبي جداااا لما تلاقي حد بيعصي ربنا او يجادل في الدين بس معلش مسير كل ده يتغير دينا: يوووووووه خلاص بقى طالما بابا وماما موافقين ما حدش ليه دعوة يخيم صمت رهيب على المكان دنيا تحاول كسر الصمت : هي اول محاضرة فاضل عليها اد ايه دعاء: فاضل تلت ساعة تقريبا منى : طب يللا يدوب نلحق باقي الشلة : يللا ذهبت الفتيات الي مدرج المحاضرات ترى ماذا سيحدث بعد ذلك ؟؟؟ وهل ستظل دينا على حالها تابعوا الحلقات القادمة ويا رب الحلقة تكون عجبتكم |
رد: د: @@## يوميات .........تلبيس إبليس ##@@
اقتباس:
جزانا واياكم اسعدنى مرورك حبيبتى وردة اقتباس:
تسلم حبيبتى من كل شر آميييين اسعدنى مرورك حبيبتى ريناد |
رد: د: @@## يوميات .........تلبيس إبليس ##@@
جزاك الله خيرًا على النقل الجميل
البداية مشوقة ؛ إن شاء الله أتابع معك باقي القصة اللهم أصلح بنات وشباب المسلمين واجعلهم هداة مهتدين اللهم نجنا من الفتن ما ظهر منها وما بطن |
رد: د: @@## يوميات .........تلبيس إبليس ##@@
أسعدك البارى فى الدارين حبيبتى ....
ونفع بك الإسلام و المسلمين إن شاء الله نتابع معاك حبيبتى |
رد: د: @@## يوميات .........تلبيس إبليس ##@@
وعليكم السلام ورحمة الله وبركاته ما شاء الله على أختيارك .. حبيبتي التائبة مواضيع جديده .. أفكار رااائعة .. وحلقات مشوقة اللهم جنبنا الفتن ما ظهر منها وما بطن متابعين معكِ بإذن الله يا الغالية وفي انتظار باقي الحلقات بارك الله فيكِ ولا حرمنا منك ولا من مواضيعك القيمة حفظك الله ورعاكِ |
رد: د: @@## يوميات .........تلبيس إبليس ##@@
اقتباس:
ان شاء الله اللهم آميييين نورتى حبيبتى ام معاذ |
رد: د: @@## يوميات .........تلبيس إبليس ##@@
اقتباس:
ان شاء الله اسعدنى مرورك امى الحبيبة |
رد: د: @@## يوميات .........تلبيس إبليس ##@@
اقتباس:
ربنا يبارك فيك امى الحبيبة عجز قلمى عن الرد آميييين ان شاء الله |
رد: د: @@## يوميات .........تلبيس إبليس ##@@
الحلقة الثالثة توجهت شلة الفتيات الى قاعة المحاضرات فوجدن القاعة قد بدأت بالازدحام وبالطبع فكثير من الفتيات يجلسن بجوار الشباب ويتبادلن أطراف الحديث " وسلطة ما هو اول يوم كلية بقى " منى : ايه ده هو عادي كده ان الولاد يقعدوا جنب البنات ويهزروا كدهعفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] دينا : اه عادي احنا في كلية يا بنتي مش في مدرسة ندى : انتي مش بتتفرجي على افلام وللا ايه يا بنتي ده بيحصل اكتر من كده منى : اه بتفرج بس كنت فاكراه كلام افلام يعني دعاء : اهو اديكي جيتي لأرض الواقع وشوفتي الشيطان : اااااااااااااااه ارض الواقع ملعبي وهو اللي بيحصل في ارض الواقع بيجي غير من الفرجة على الافلام والمسلسلات هو انتو لسه شوفتو مني حاجة وتدور عيني منى في قاعة المحاضرات فترى الكثير من الفتيات والشباب ثم تقع عينيها على فتاتين احداهما منتقبة والاخرى ترتدي خمار يجلسان بعيدا عن جو الاختلاط وترى ايضا مجموعة او "شلة من الشباب" منهم الملتحي ومنهم غير الملتحي ولكنهم يجلسون ايضا بعيدا عن هذا الجو فتحدث منى زميلاتها : بصوا الشباب دول ما شاء الله عليهم مش زي الباقي دينا : اوووف الناس اللي بتطول دقنها ديه انا بترعب منها ندى: اه عندك حق يا دينا دول بيبقوا متشددين جدا وخنقة الشيطان:( انا اصلا بكرهم بكرههم اصعب ناس ممكن توسوسلهم بس برضه احنا مش حنغلب انتو ليكوا سكك تانية غير سكة الناس الضايعة ديه خالص احنا ورانا ايه يعني ) ثم تعود منى بلغة اثر عليها الشيطان لترد: اه عندكو حق دول بيبقو متشددين اوي انا حتى لما بشوف درس دين من الشيوخ اللي مربيين دقنهم مش بسمع منهم كل حاجة يعني حاجات حاجات يللا وللا بصوا اللي منتقبة هناك ديه ديه مستحملة الحر ازاي انا بكبيري يوم ما ربنا يهديني البس طرحة طويلة وللا حاجة عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] ثم يوسوس لها الشيطان : او توسعي لبسك يعني مش لازم طرحة طويلة وانتي اصلا كده لبسك محترم يعني مش محتاجة ثم تقطع رنا هذا الحديث قائلة: يا بنات شوفوا مين هناك فالتفت البنات فاذا بــ أميرة زميلتهم من ايام ثانوي هي ليست عضوة بالشلة فهي فتاة ملتزمة الى حد ما وتتجنب احاديث تلك الشلة التي يدور معظمها حول الافلام وما شابه ولكن كل اعضاء الشلة يحبونها الشيطان : انا مش بطيق البت ديه لابسالي طرحة طويلة وخنقالي نفسها ولا اغاني ولا افلام ولا ولاد وحاجة تحرق الدم شيطانها بيقولي انها تاعباه معاها اوي ليل ونهار استغفار وكمان بتصلي الصلاة في وقتها يعني حاجة تقصر العمر يا عيني عليك يا خويا الشلة : ازيك يا مرمر اخبارك ايه واحشانا موت أميرة : انتو اكتر يا بنات الشلة: في مكان فاضي لينا وللا حد قاعد جنبك أميرة: لا ما فيش حد قاعد تعالو حملقت أميرة في وجه منى وقالت باستغراب : ايه ده ايه التطور ده يا منى انتي بتحطي ماكياج وللا ايه احمر وجه منى وقالت بارتباك : ايه ده هو فيه حاجة باينة ده انا يدوب حاطة حاجات بسيطة دينا : ليه ده حتى حلو عليها ده انا ماصدقتش لما شوفت ندى : اه حلو عليها اوي (للعلم ندى اقدم صديقة لــ دينا وهي توافقها في كثير من ارائها أمام الشلة حتى لو كانت متيقنة انها على خطأ وذلك خوفا منها في ان تخسر دينا او "تتقمص منها ") رنا : اه صحيح انا كنت عايزة اعلق على الموضوع ده بس نسيت دعاء: ااااااااااه تخيلي منى العسكري بتاعنا بتحط ماكياج منى في نفسها : انا اللي غلطانة اني حطيت الشيطان يوسوس لها : ليه بس عادي ما كتير بيحطو ماكياج اشمعنا انا وبعدين انا وللا دينا اللي بتقلع الحجاب في المصيف وللا البنت اللي شوفتها الصبح (اسكتوا بقى حتبوظولي دماغ البت) منى في نفسها: وانا ابص لدينا ولا لاي واحدة لبسها وحش ليه ماابص لأميرة ما شاء الله عليه مش بتحط ماكياج ووشها ماشاء الله عليه و محترمة جدا في لبسها ومطولة طرحتها مش الكارينا اللي انا لابساها الشيطان يوسوس لها : مالها الكارينا ما هو كل البنات لابساها ديه موضه اصلا وبعدين ما انتي لابسه فوقيها بدي واسع وكمان الكارينا نفسها مش ضيقة اوي زي ما البنات بتعمل فكيها بقى اما صحيح انك عسكري فعلا زي ما دعاء بتقول منى في نفسها : لا مش عسكري ولا حاجة بس انا.......... ويقطع حديث منى الداخلي دخول الدكتور قاعة المحاضرات الشيطان : كويس انه دخل كنت حدخل في كلام ومناهدة وانا مش ناقص البت ديه شكلها حيتعبني لكن انا وراها والزمن طويل صعد الدكتور على منصة الشرح واخذ يطرق برفق على المنضدة التي امامه لينبه الطلاب وعندما تنبهت البنات الي دخول الدكتور صاحت دينا وندى برفق في صوت واحد :ووواااااااووووعفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] واخذ الشيطان يثبت عيني منى على المنصة ما الذي سيحدث في المحاضرة ؟؟؟ وماذا سيحدث بعد ذلك وهل ستفيق تلك الشلة من غفلتها ام لا ؟؟؟ تابعو الحلقة القادمة ..... ها يا بنات قولولي تعليقاتكو بصراحة |
رد: د: @@## يوميات .........تلبيس إبليس ##@@
الحلقة الرابعة عندما صعد الدكتور للشرح على المنصة انطلقت صيحات الاعجاب من دينا وندى وحملقت منى وباقي الشلة ثم اردفت ندى تقول: ده احنا ما كانش بيدينا اساتذة على كده دينا : انا شكلي ححب المادة ديه:SnipeR (13): ( المذكور أعلاه أي الدكتور شاب في اواخر العشرينات او اوائل الثلاثينات طويل القامة وشديد الوسامة يرتدي سترة انيقة للغاية ونظارة طبية ويحمل في يده شنطة "اللاب توب" ) علقت رنا : على ايه يعني ده شكله رخم اساسا وقالت دعاء:هو حلو يعني بس نص نص وشكله ممكن يرخم دينا : بس بس ايش فهمكو انتو رنا : كفاية انتي فاهمة كل حاجة دعاء: خلاص بقى يا بنات فككو انتو حتتعاركو وللا ايه ركزو في اليوم اللي مش معدي ده (كانت رنا ودينا على خلاف دائما " زي الشريك المخالف" فكانت رنا لا تحب تحرر دينا الزائد وكما يقال"دايما بتديها على دماغها"):SnipeR (88): اما منى فلم تشارك في الحوار وظلت محملقة في الدكتور لفترة ثم وسوس اليها شيطانها : البت ندى عندها حق احنا ما كانش بيدينا اساتذة منى لنفسها : ما تتلمي بقى عيب كده الشيطان موسوسا مرة اخرى: بس بس بصي كده شوفي الشياكة وللا الاب توب ده ماركة ايه ده واول مرة اشوف حد لايق في النظارة كده وللا الشوز اوووووووو تحفة ده شموا ده وللاايه منى لنفسها : كفاية بقى كده ركزي في المحاضرة احسن ...ده الدكتور بتاعك يعني تلمي نفسك انتي جاية تتعلمي وبس اخذ الدكتور يقول : اعرفكم بنفسي انا اسمي دكتور حازم الـ.... لم يدع الشيطان منى تستمع لباقي الكلام فهو يرد انتهاز فرصة انها "خام" ويحاول ايقاعها في اي زلل: سامعه كمان اسمه حازم وما فيش فرق كبير في السن بينكوههههههه يعني ممكن تـ..... لم تدع منى نفسها لتلك الوساوس وقالت تنهرنفسها : ممكن ايه وهبل ايه ايه اللي انا بقوله ده اصلا غباااااااااااء يا ربي اتلمي بقى وخلي يومك يعدي على خير بدل ما المك تخلصي المحاضرة وما تتكلميش كلمة على الدكتور بعد المحاضرة انتي مخك ضرب باين من اولها كده كلام فارغ تبدأ المحاضرة ويعرف الدكتور الطلاب بالمادة وتحاول منى جاهدة الا تشغل بالها باي اوهام فارغة الشيطان:ماشي عاملالي في مش عارف ايه بلااااااش الدكتور انا حخليكي تفضلي تتنحيله و تدققي في ملامحه وبس اهو اخليكي تاخدي ذنب عدم غض البصر وخلاص احسن من ما فيش ثم ينظر الشيطان فاذا بشاب ينظر لـ منى:( بسسس انت كده زي الفل خليك معايا ثانية واحدة) ثم ياخذ الشيطان عين منى الي الشاب فتجده ينظر اليها فتدير وجهها على الفور فهي محافظة وغير معتادة على هذا الكلام وتقول في نفسها : ماله ده ..... ده عبيط ده وللا ايه الشيطان موسوسا: لا ده بس تلاقيه اعجب بيكي وللا حاجة منى في نفسها : اعجب ايه ونيلة ده احنا لسه يدوب بنقول يا هادي الشيطان موسوسا : وفيها ايه يعني وبعدين انتي دورتي وشك ليه ما تبصيله يمكن يجي يكلمك بعد المحاضرة وللا حاجة وتكونوا شلة شباب وبنات زي الناس كلها وللا انتي حتفضلي طول عمرك مقفلة كده وما بتكلميش ولاد منى في نفسها : لا طبعا شلة ايه وبتاع ايه بقى انا بعيب على الناس اللي بتعمل كده اقوم انا اعمل نفس الحاجة لا يمكن .... افرضي بابا جه الكلية في يوم من الايام وشافني الشيطان موسوسا : بس بابا ايه اللي حيجيبه الكلية يعني منى لنفسها : افرضي... وبلاش بابا يا ستي ... ربنا انتي عايزة تعصي ربنا من اولها فاكرة لما كنتي بتدعي ليل نهار ايام ثانوي ان ربنا يدخلك الكلية ديه فاكرة لما كنتي بتصلي وتقري قران وخلاص خايفة لا ما تدخليش الكلية اللي نفسك فيها الشيطان موسوسا: بس ايه معصية ربنا في كده ده مجرد تعارف باحترام يعني وانتي لايمكن تعملي زي اي حد وحتكوني قمة في الاحترام عادي منى في نفسها : بلا قمة بلا قاع ركزي في المحاضرة اللي حتروح ديه احسن ...مش حبتدي كده من اولها الشيطان : ده انتي بت دماغك ناشفة بس كل حاجة حتيجي واحدة واحدة وكله بيجي بنظره ده غير شياطين الانس سرهم باتع وحيسهلولي كل حاجة احنا ورانا ايه انتهت المحاضرة وذهبت الشلة الى الكافيتريا وفي طريقهم قالت دينا : شوفتو المحاضرة كانت حلوة اوي ندى بسخرية : المحاضرة هي اللي حلوة برضه قالت رنا : المحاضرة حلوة؟؟ ...انا اصلا ما شوفتكيش كتبتي كلمة طبعا كنتي متنحة ديناوهي تضحك : هههههههه عادي يعني وبعدين ديه اول محاضرة يعني فكك قالت دعاء لـ منى بلهجة ذات مخزى : ايه مالك يا منمن ساكتة يعني هي المحاضرة ما عجبتكيش وللاايه منى وهي تتذكر انها وعدت بعدم الكلام في هذا الموضوع : عادي يعني فككوا من الكلام الفاضي ده انتو دماغكو فاضية اصلا ردت دعاء: ماشي يا ام دماغ مليانة قالت دينا يللا نجيب اي حاجة ناكلها وبعد كده نطلع على المحاضرات سارت الفتيات في الطريق فإذا بمنى تلمح مجموعة من الشباب ينظرون لدينا بملابسها الملفتة فشعرت بالغيرة الشيطان موسوسا:شايفة بيبوصلها ازاي طبعا لازم يبوصولها عشان لبسها والماكياج اهي ديه البنات اللي يتبصلها مش انتي اهو مش بيبصولك وبيوصولها منى في نفسها : وانتي عايزاهم يبصولك ليه وبعدين انا مالي يعني ما انا كويسة كده ....وبعدين انتي عايزة تلبسي زيها كده وللا تحطي كمية الماكياج ديه الشيطان موسوسا : وفيها ايه يعني ما اهو اي واحد لما يجي يفكر يرتبط لازم يختار واحدة حلوة منى في نفسها : لا بس الشباب بيبقو عايزين واحدة محترمة الشيطان موسوسا : ومين قال ان انتي مش محترمة يعني فكيها شوية وللا انتي مش نفسك تتخطبي منى في نفسها :يووووووه خلاص خلاص بعدين نبقى نشوف الموضوع ده الشيطان فرحا: ايوه كده بقى ده انتي كنتي تعبتيني من الصبح انا لسه حوريكي فيه اية بتقول (وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ وَكَانَ رَبُّكَ بَصِيرًا) انا بقى حخليكي تبصي للبنات عاملة ازاي والناس تبصلهم ازاي ومش حخليكي تصبري على رزق ربنا يا سلام اهو كده الواحد يشتغل بنفس مفتوحة انا كده عرفتلك سكة :s7n: عندما شعرت دينا بنظرات الشباب اليها قالت في خيلاء وبصوت مسموع بلهجة المسيطرة: يللا يا بنات بقى نروح نشتري الحاجة عشان المحاضرة اللي جاية اووووف الجو حر اوي انهاردة تعالو نجيب حاجة تتشرب:SnipeR (48): قال احد الشباب الواقفين لزملاؤه بصوت تسمعه هايدي: فعلا ده حر اوي جدا خاااالص بس برضه حلو اوي اوي فانفجر الشباب في الضحك رفعت دينا رأسها ونظرت اليهم بغرور ثم سارت في طريقها و تبعها باقي الشلة ومنى تكاد تنفجر من داخلها :box: واشتروا ما اشتروا ثم عادوا الى محاضراتهم.... وانتهى اليوم في الجامعة وعادت كل فتاة الى منزلها ..... ترى ماذا ينتظر منى في المنزل ؟وماذا سيفعل معها شيطانها بعد تلك الغيرة ؟؟؟؟؟؟ تابعوا الحلقة القادمة ها يا بنات عايزة اعرف ارائكم |
رد: د: @@## يوميات .........تلبيس إبليس ##@@
الحلقة الخامسة عادت منى الى المنزل مرهقة بعد يوم شاق فهي لم تعتاد الامر بعد... دخلت المنزل ودخلت غرفتها مسرعة لتبدل ثيابها وتستريح ونادتها والدتها :منى .....يا منى تعالي قوليلي عملتي ايه انهاردة منى:ولا حاجة يا ماما بعدين احكيلك انا تعبانة وعايزة ارتاح الأم:كده برضه اخس عليكي بطلي غلاسة وتعالي احكيلي منى وهي تحاول ان تقول المختصر المفيد: عادي رحت الكلية قابلت اصحابي وحضرنا المحاضرات وقعدنا شوية وبعد كده مشينا الأم: طب واخدتو مواد ايه منى:يوووووووووه يا ماما بقى عايزة ارتاح بعدين احكيلك كل حاجة بالتفصيل الممل الأم:انتي غلسه صحيح .....طب قومي يللا اتغدي منى:لا مش قادرة اكل حاجة... انا جعانة نوم حنام شوية واقوم اتغدى الام:على راحتك تحبي اصحيكي منى : لا يا ماما انا حظبط منبه الموبايل الام : طيب يا حبيبتي ذهبت منى الي سريرها وتذكرت الصلاة (مع العلم انها بالطبع فاتتها صلاة الظهر ولم يخطر ببالها ان تصليها في مسجد الكلية) قالت في نفسها : اما اقوم اصلي الاول وبعد كده انام الشيطان موسوسا لها ويحاول ان يشعرها بالكسل: ياااااااااه حصلي الظهر والعصر سوا وانتي تعبانة ومش قادرة ...ما تنامي الاول وتصليهم لما تقومي منى في نفسها : لا اخاف انام يروحو عليا مش كفاية حصلي الظهر والعصر سوا الشيطان موسوسا : لا يروحو عليكي ايه لسه فاضل على المغرب حولي ساعتين كده نامي ساعة ونص وقومي قبل المغرب بنص ساعة صلي... اهو حتى تصلي نشيطة وللا انتي عايزة ينطبق عليكي الاية اللي بتقول (وإذا قاموا إلى الصلاة قاموا كسالى) عاوزة تصلي وانتي كسلانة كده وعايزة تنامي.. لا ما ينفعش ربنا يحاسبك :SnipeR (7): منى: خلاص حنام واقوم كمان ساعة ونص كده الشيطان منتصرا: هههههههه هو ده الكلام وحياتك لاخليكي تفسري الايات على مزاجك عدت ساعة .... ساعة ونصف والمنبه يرن ومنى من شدة التعب لم تسمعه..... ساعتين وجاء وقت صلاة المغرب وبعدها العشاء ثم تستيقظ منى في كسل وتنظر الي الساعة ثم تصيح مفزوعة: يااااااااا خبر انا نمت كل ده وراحت عليا صلوات اليوم كله استغفر الله العظيم يا رب كده حضطر اصليهم كلهم دلوقتي الشيطان موسوسا : ياااااااااااااه حتصليهم كلهم ده الظهر والعصر 8 ركعات والمغرب والعشاء 7 ركعات يعني 15 ركعة بحااااااااااالهم انتي كده حتتعبي اوي بصي انتي تصلي العشاء دلوقتي وبكرة تبقي تصلي اللي عليكي مع كل صلاة اهو تخففي عليكي شوية منى باستسلام: اه فعلا ...خلاص انا حصلي العشاء دلوقتي وبكرة اعوض الباقي ذهبت منى لتتوضأ وتصلي وبالطبع جاءها الشيطان في الصلاة موسوسا : يللا خلصي بسرعة معاد المسلسل التركي جه منى وهي تحاول ان تغلب تلك الوساوس : عيب بقى ركزي في الصلاة الشيطان : بصي ما انتي حتخلصي بسرعة يعني حتخلصي بسرعة ثم يوسوس لها : يللا احسن ما تلحقيش الحلقة من اولها ومش حتعرفي تشوفيها في الاعادة عشان حتبقي في الكلية وتستسلم منى للوساوس الشيطانية وتنهي صلاتها في عجلة ثم تذهب وتتسمر امام التلفاز وتتابع احداث المسلسل منى في نفسها : ياااااااااااه ايه الرومانسية ديه عقبالي كده:SnipeR (87): الشيطان موسوسا : ااااااااه ولا شوفتي البطل بيبص للبطلة ازاي ايه البصة ديه تجنن منى في نفسها : اااااااااااااه جتنا نيلة في حظنا الهباب :SnipeR (2): الشيطان : اتفرجي يختي اتفرجي انا حنكد عليكي عيشتك بالمسلسلات ديه ومش عليكي بس اصحابي قايمين بالواجب مع البنات اللي زيك خليكيو كده غرقانين في الاوهام وقصص الحب اللي مش موجودة اصلا في الواقع وخليكو كده تحلمو ببطل شبه البطل ده ويا سلام بقى لو واحدة متجوزة شافت المسلسلات ديه ياااااااااااااه تبقى حاجة فل اوي مش حخليها تطيق تبص في وش جوزها ولما جوزها يزهق منها يمكن اخليه يبص لغيرها وللا حاجة منى في نفسها : يا سلام لو الاقي واحد يحبني كده يااااااااااااااه اوعدنا يا رب الشيطان: ايوووووه واحد يحبك كده اوعي تفكري في واحد يحبك حب من نوع تاني وللا انتي حتعرفي النوع التاني ده منين خليكي في النوع ده احسن.. التاني ده انا بكرهه ومش بطيقه (الحب في الله) انا اصلا موجود عشان ما اخلكيش تقربيله انتهى المسلسل ولكن منى لم تنتهي من تخيلاتها ومن الحالة التي اصبحت عليها بعد انتهاء المسلسل و ظلت تفكر كثيرا وتراودها احلام اليقظة وغرقت في اوهامها ثم قطع تفكيرها صوت أبيها :ايه ده منى انتي صحيتي اخيرا منى : بابا وحشتيني بقالي كام ساعة ما شوفتكش الأب :ماشي يا نصابة منى وهي تضحك مازحة :لا بجد يللا بقى قولي حصل معاك انهاردة ايه ..عايزة تقرير شامل ومفصل الأب: انا برضه اللي احكيلك انتي يا أنسة اللي تقولي انهاردة كان اول يوم ليكي (منى مرتبطة كثيرا بوالدها وهو يحبها ويدللها كثيرا والعلاقة بينهما قوية ربما أقوى من والدتها وهي أقرب للصداقة من أن تكون علاقة اب بابنته وبرغم من "حنية" والدها الشديدة إلا انه غير ملتزم ) منى : اليوم كان متعب اوي بس ايه الكلية ديه حاجة والمدرسة حاجة تانية خااااااااااااااالص الاب: اه طبعا ده انتي لسه ياما حتشوفي ثم عاد ليقول مازحا: اعملي حسابك انا ممكن اطب عليكي في لحظة يعني خدي بالك اه قالت منى في نفسها : مش كنت لسه بقول كده انهاردة الصبح ثم قالت والدها بلهجة الواثقة :تشرف في أي وقت اهلا وسهلا ومرحبا احنا واثقين في نفسنا أوي على فكرة :SnipeR (48): ضحك والدها وقال : خلاص استنيني في اي وقت بقى واجي اقعد معاكي قالت منى لوالدها مازحة : لالالالالالا ما ينفعش تقعد معايا كده احسن ممكن يفتكروك البوي فريند بتاعي وللا حاجة وسمعتي تروح ههههههههههه ضحك والده : يا سلاااااااااااااااااااام بكاشة بشكل ....ثم عاد ليقول انا حقوم انام بقى عشان عندي شغلي الصبح يللاانتي حتنامي وللالسه قاعدة منى: لا انا حقوم انام ..رغم اني نمت يعني بس عايزة انام تاني من التعب الاب : طيب يا حبيبتي تصبحي على خير منى : وانت من اهل الخير يا بابا انتهى اليوم ومرت الأيام متشابهة والشيطان مسيطر على منى وبدأت منى في تضييع الصلاة شيئا فشيئا ولكنها بالطبع لا تضيع مشاهدة الأفلام او مسلسلها التركي المفضل أو سماع الأغاني واصبحت تحاول تقليد دينا في الملابس فهي تريد لفت نظر الشباب وربما ايضا تحدثت مع بعض الشباب في المحاضرة من باب "الزمالة" وهكذا مرت ايام منى ثم جاء يوما ليس كباقي الأيام!!!!! ..... ترى ماذا سيحدث في هذا اليوم ؟؟؟وهل ستفيق منى من غفلتها وتعود لربها أم ستظل تحت سيطرة الشيطان تابعواااا الحلقة القادمة .... ها يا بنات عايزة رأيكو |
رد: د: @@## يوميات .........تلبيس إبليس ##@@
حلقات جميلة ومشوقة
أتابع معك إن شاء الله جزاك الله خيرًا حبيبتي وبارك فيك وفقك الله لما يحب ويرضى |
رد: د: @@## يوميات .........تلبيس إبليس ##@@
[frame="7 10"]
صراحة مواضيعك اكثر من رائعه تبدولي كاتبه ماهره يسر الله لك امرك وبارك في عملك [/frame] |
رد: د: @@## يوميات .........تلبيس إبليس ##@@
بسم الله ماشاء الله
حلقات رائعة ومعبرة جدا وهذا فعلا حال الواقع معنا بدون ان ندري اللهم ثبتنا يارب متابعه معاكي يا جميل سلام مؤقتا :lines30: |
رد: د: @@## يوميات .........تلبيس إبليس ##@@
قصة وعبرة
دعيني أنحي قلمي قليلا أقف أحتراما لكِ ولقلمك وأشد على يديك لهذا الابداع الذي هز أركان المكان راق لي هذا الطرح جدا لك ودي وتقديري دائما مميزة استاذة |
رد: د: @@## يوميات .........تلبيس إبليس ##@@
الحلقة السادسة
جاء آخر أيام الاسبوع ومنى ما زالت في غفلتها ذهبت للجامعة كالعادة وقابلت صديقاتها وجلسن في الكلية يتحدثن ويستمعن إلى الاغاني دينا : شوفتي حلقة امبارح في المسلسل التركي كانت جامدة منى : اه ديه كانت تحفة ندى : بس يا ترى حيحصل ايه انهاردة بقى رنا : انتو تافهيين حد يتابع المسلسلات التركي ديه ....ديه بتعقد اصلا دعاء: يا سلام يعني انتي مش بتتفرجي رنا : لا بتفرج طبعا عشان اتعقد انا بغلس عليكوا بس ههههههههههههههه ضحك الجميع ثم قالت ندى لدعاء: يا بنتي ما تغيري الأغنية ديه بقى ديه رابع مرة تسمعيها دعاء: اصلها عاجباني اوي ومش حسيبها الا اما احفظها الشيطان : احفظيها احفظيها ما هو ده القرآن بتاعي اوعي تحفظي حاجة تانية خليكي انتي كده تماااااااااام ندى : على ايه ديه حتى نكد دعاء: اسكتي انتي ايه فهمك انتي ( في هذا الوقت مرت أميرة من أمام الشلة ولكنها وجدتهم مندمجين في سماع الأغاني وقد علت اصواتهم بالضحك فلم تشأ الجلوس معهم ولكن رأتها رنا فنادتها :بسسسس بسسس أميرة ...أميرة الشيطان : لا لا لا بلاش تناديها انا بكرهها ومش بطيقها سمعتها أميرة فشعرت بالاحراج وذهبت اليهم أميرة : السلام عليكم الشلة في صوت واحد : وعليكم السلام قالت رنا : ايه يا بنتي مش عايزة تسلمي علينا وللا ايه قالت أميرة في إحراج : لا أبدا بس انتوا عارفين اني مش بحب اقف مع حد بيسمع اغاني قالت دينا في عند : ومالها الأغاني عادي قالت أميرة : لا طبعا مش عادي ديه حرام انا الحمد لله بطلتها ومش عايزة ارجعلها تاني الشيطان : انا خلاص حيجرالي حاجة بكرهههههههههههههها قالت ندى : ماشي يا ست الشيخة قالت أميرة : هو انا يعني لما اقولكو حاجة صح تتريقو قالت دعاء: بس يعني عادي طالما بنسمعها في وقت ما فيهوش عبادة زي الصلاة مثلا خلاص عادي الشيطان: هو ده الكلام منى: انتي تعرفي انا اصلا ليا كام اغنية كده ما ينفعش انام ابدا غير لما اسمعهم وبنام عليهم اصلا قالت اميرة وهي تحاول ان تتظاهر بالمزاح: يعني بدل اذكار قبل النوم يعني الشيطان : مشوها من هنا حتبوظلي دمااغ البت منى وهي تحاول ان تداري احراجها : لا ما انا ساعات بقول ايه الكرسي والمعوذتين قبل ما انام بس عادي زي ما قالت دعاء لو مش في وقت عبادة خلاص وبعدين انا سمعت ان الاحاديث اللي في الموضوع ده كلها ضعيفة أميرة : طيب انا حسألك سؤال وانتي تردي بنفسك يوم القيامة تفتكري الأغاني حتكون مع الحق وللا الباطل .... بلاش كده سؤال تاني وانتي اللي تجاوبيه بنفسك تحبي اخر حاجة تموتي عليها وانتي بتسمعي اغاني او بتندني بأغنية تحبي اخر حاجة تقابلي بيها ربنا وبدل ما تنطقي الشهادة تنطقي كلمات اغنية ؟؟؟؟ منى بخوف واحراج : لا طبعا قالت أميرة : لييييييييه مش هي مش حرام وعادي والاحاديث اللي فيها ضعيفة لو هي مش حرام بقى ممكن تسمعيها عادي وممكن برضه تموتي وانتي بتسمعيها واكيد طبعا مش حتتضايقى لما ملك الموت يجيلك وانتي بتدندني بكلمات أغنية ما هي مش حراااااااااااام ولا ايه ؟؟؟ صمتت الشلة ولم يعرف احد بماذا يجيب الشيطان : انا قولت البت ديه حتموتني انتي ايه اللي جابك اصلا بس انا برضه حخليهم ما يبطلوش اغاني ما هو لو انا خليتهم ما يبطلوش بعد الكلام ده حيبقى عذابهم اكبر لان الكلام ده حيكون حجة عليهم يوم القيامة لان ديه تذكرة ليهم بس انا حخليهم ولا كأنهم سمعوا حاجة قالت منى في نفسها : انا ...انا فعلا ممكن اموت وانا بسمعها انا ساعتها حقول لربنا ايه الشيطان موسوسا : وانتي ايه اللي حيموتك دلوقتي انتي لسه صغيرة عيشي حياتك منى في نفسها : وهو الموت ليه سن فاكرة قريبتك اللي ماتت وهي لسه ما كملتش عشرين سنة وللا الاطفال الصغيرة اللي بتموت كل يوم وللا الناس اللي بتبقى سليمة وفجأة يجيلها مرض انا ممكن اموت في اي لحظة انا ...... انا لازم ابطل اغاني الشيطان موسوسا : بس ازاي تسيبي الاغاني ده انتي لسه ما خلصتيش الالبوم الجديد اللي نزل امبارح منى في نفسها ما فيش بس : انا لازم ابطلها يعني لازم ابطلها وحدعي ربنا يساعدني...يا رب خد بايدي وما تسبنيش لنفسي يا رب انا عارفة اني بعيدة عندك وخلفت وعود كتير وعدتهالك بس انت عارف اني مش وحشة اوي يا رب بلاش اموت وانا بعمل معصية خد بايدي يا رب الشيطان ويكاد ان يصاب بالجنون : لا لا لالالا شغل سنين حتيجي البت ده تضيعهولي في يوم هو شيطانها مش قادر عليها وللا ايه انتي ايه اللي جابك هو اليوم باين من اوله ديه حتى انهاردة صلت الصبح بعد ما كان بقالها كام يوم مش بتصليه انا كنت متشائم من الاول بس انا اكيد ليه طريقة رنا : ايه الصمت الرهيب ده يا بنات ساكتين ليه دينا بلهجة ذات معزى : حنقول ايه يعني انا نفسي اتسدت ويومي قفل اصلا ما كنا مرتاحين أميرة وقد احمر وجهها من شدة الاحراج ولكنها تمالكت نفسها وقالت بثقة : عمر ما كانت الراحة في معصية الله ولا في البعد عنه وعلى العموم انا اسفة اني قفلتلك يومك بعد اذنكوا وانصرفت اميرة فقالت منى لدينا : على فكره كده ما يصحش اهي زعلت رنا : ايوه ايه قلة الذوق ديه لم ترد دينا وكأنها لم تسمع منى: انا حروح وراها اصالحها ....واسرعت منى في مشيتها لتلحق بأميرة ونادتها منى : اميرة .... استني يا بنتي ما تزعليش منها انتي عارفة دينا دبش أميرة : لا عادي انا اي نعم اتضايقت شوية بس الكلام ده بيحسسني اني صح والحمد لله منى : انتي عندك حق في كل كلمة قولتيها بالله عليكي ادعيلي ربنا ياخد بايدي ويهديني أميرة : حدعيلك يا منى بس انتي حاولي ما تستسلميش لشيطانك حتتعبي شوية بس بعد كده لما تقربي من ربنا حترتاحي اوي منى : ان شاء الله الشيطان : ايه ده هي بتتكلم جد وللا ايه لااااااااااا احنا فينا من كده انا لازم اتصرف بسرعة انتهى اليوم الدراسي وعادت منى الى المنزل بهمة عالية وهي مصممة على ترك الاغاني دخلت منى حجرتها وفتحت جهاز الكمبيوتر الخاص بها وحذفت جميع الاغاني وقامت وتوضأت وصلت صلاة الظهر واخذت تدعي ربها ان يعينها على الطاعة كانت تدعي بصدق فأعاذها ربها من الشيطان فلم يستطيع ان يقترب منها .... وفي اليوم التالي يوم الجمعة استيقظت منى ولأول مرة منذ فترة طوييييييييلة لصلاة الفجر وأخذت تدعي ربها أن يرشدها إلى طريق الطاعة ... والشيطان يكاد أن يصاب بالجنون ...... أنهت منى صلاتها ثم ذهبت لتشغيل جهاز الكمبيوتر وفتحت إحدى مواقع التواصل الاجتماعي فوجدت على صفحتها "قال صلى الله عليه وسلم : ( من قرأ سورة ( الكهف ) في يوم الجمعة أضاء له من النور ما بين الجمعتين) .....أوصيكم ونفسي بقرأة سورة الكهف " قالت منى في نفسها : ديه رسالة ليا من ربنا أنا لازم أقراها انا بقالي كتير اوي ما قريتهاش الشيطان موسوسا : طيب ماشي بس اقريها بعد ما تصلي الظهر كده ولا اقولك بعد العصر عشان انتي وراكي مذاكرة كتييييييييير انهاردة انتي ناسية ان عندك امتحان بعد يومين منى في نفسها : بس............. طيب خلاص حقراها بعد العصر وكمان عايزة انجز في المذاكرة عشان رايحة لخالتو انهاردة ما زالت منى غير متنبهة الى ان هناك عدوا يريد ان يمنع عنها الخير .... جلست منى تذاكر وتذاكر وأدت صلاة الظهر ثم العصر ولكن الشيطان أنساها قراءة سورة الكهف ..... ثم حان وقت ذهابها إلى خالتها وكالعادة وهي ترتدي ثيابها تذكرت السورة فقالت في نفسها : استغفر الله العظيم بقى .. انا كان لازم اقراها الصبح ... خلاص انا حقراها دلوقتي الشيطان موسوسا : طب انتي كده حتتاخري يعني صليها لما ترجعي انتي كده كده مش حتتاخري يعني (انتي عايزة تاخدي ثوابها وتقهريني ولا ايه انسي ) منى في استسلام : خلاص لما اجي عشان ما اتاخرش ذهبت منى الى بيت خالتها وكان هناك ايضا بعض اقاربها ... قضت معهم وقتا ليس بالقليل ثم استـاذنت للانصرف هي واحدى قريباتها وركبا سويا سيارة أجرة ...و بعد مدة شعرت منى وكأنما طعنت بخنجر في قلبها من الخوف .... وشعرت برأسها يدور ولم تتمالك عبرة سقطت من عينيها ....... ما الذي حدث ؟؟؟؟؟ وهل ستتخذ خطوة إيجابية في طريق التزامها ؟؟؟؟ وهل ستتنبه إلى وجود هذا العدو اللعين ؟؟؟؟ تابعوا الحلقة القادمة....... ايه رايكم في الحلقة يا بنات |
رد: د: @@## يوميات .........تلبيس إبليس ##@@
الحلقة السابعة
استقلت منى سيارة أجرة هي و إحدى قريباتها وكان السائق شاب ملتحي وجهه منير بكل ما تحمله الكلمة من معنى الشيطان : يعني ما فايش غير التاكسي ده انا قلبي مش مطمن كان الشاب يضع في مشغل السيارة أحد الدروس الدعوية وكان الشيخ المحاضر أسلوبه مختلفا أخذت منى تستمع بانتباه وكان الآتي هى لحظة... لحظة يا شباب .. فى لحظه تغمض عينك وتفتحها تلاقى نفسك فى عالم تانى .. النبض قطع النفس اتقطع . فلانه الطالبه الجامعية اللى ماتت فى لحظه .. وفلان اللى مات فى السكشن بتاعه .. وفلان اللى جابوه جثه من الجيش وفلان اللى مات فى حادثه .. ايه يا جماعه ده .. لازم نتوقف . لحظة ندم .. فى واحد مبيفوقش غير لما يصلى على واحد صاحبه.. وواحد مبيفوقش غير لما يتصلى عليه .. لحظة الصفر دى هنكون على طاعه ولا هنكون على معصيه .. انت عشت حياتك على ايه ؟.. وانتى عشتى على ايه؟ .. . صرخات من تحت التراب .. صرخات من ناس ماتت .. صرخات جايه تفوقنا احنا مالغيبوبه اللى احنا فيها . للبنات اللى فى غيبوبه .. انا عايزك تقفى تفتحى الدولاب بتاعك دلوقتى وتبصى فى اللبس .. ده اللى هقابلي بيه ربنا .. ده اللى انتى هتتحاسبى عليه حته حته قدام ربنا ؟!!!! صرخات من تحت التراب ..تعالو نقسم الشاشة نصين النصف الأول مشهد لداعية ماشى بعربيته ع الطريق السريع شاف عربية فيها ولد وبنت فى وضع غريب ظهر فجاة لورى الولد من لبخته بدل مايدوس فرامل داس بنزين لبس فى اللورى...جرى عليه الداعية يحاول يلقنه الشهادة قال له قول لا اله الا الله بص الولد وقال له:انا بكرهه بكرهه !! سمعت منى الكلمة الأخيرة وكأنما أصابتها صاعقة وشعرت برأسها يدور ولم تتمالك عبرة سقطت من عينيها وراحت تصرخ في أعماقها : ااااااااااااااااااااااااااااااااااااه بيكرهه بيكره مين انا ... انا مش قادرة اصدق يا رب رحمتك .... انا ممكن اموت كده انا ممكن يحصلي كده ؟؟؟ يا رب انا مش وحشة اوي يا رب انا بحبك يا رب وانت عارف انا حتى لما بعصيك بفكر فيك وببقى خايفة من عقابك يا رب انا مش عايزة اموت الموتة ديه يا رب ارحمني أرادت منى ان تسأل السائق عن اسم الشريط والداعية ولكنها شعرت بالإحراج واخذ الشيطان يوسوس : لا بلاش عيب وبعدين اصلا الجماعة الملتحين دول متشددين ممكن ما يردش عليكي اصلا منى في نفسها : لا انا حجرب واللي يحصل يحصل الشيطان : انا قلت ان قلبي مش مطمن هو ربنا عايز يهدكي وللا ايه ده على جثتي لا يمكن اخلي ده يحصل فمالت على قريبتها وهمست لها : انا عايزة اعرف الشيخ ده اسمه ايه قالت لها قريبتها : طب اسأليه ما فيهاش حاجة قالت منى للسائق : من فضلك هو الشريط ده اسمه ايه رد السائق عليها بكل أدب : ده شريط لشيخ اسمه حازم شومان اسمه صرخات من تحت التراب .... تحبي اكتبلك اسمه في ورقه ردت منى بامتنان : لا شكرا انا حفظته خلاص وصلت منى إلى منزلها ودخلت مباشرة إلى جهاز الكبيوتر وبحثت في المواقع عن الدرس وقامت بتحميله على جهاز المحمول الخاص بها لكي تستمعه بدون أن يراها أحد.. ذهبت إلى سريرها ووضعت السماعات في أذنها وافتعلت النوم لكي لا يزعجها أحد وبالفعل دخلت والدتها فظنتها نائمة .... اخذت منى تستمع وتستمع وأخذت دموعها تسيل بطريقة لا إرادية وعندما انتهى الدرس ظلت مشلولة التفكير وخائفة ان يفاجئها الموت في أي لحظة ..وتنبهت إلى الوقت فوجدت الساعة قد اقتربت من الثانية وتذكرت على الفور قيام الليل .. فقامت وتوضأت بخشوع شديد لم تعتاد عليه وذهبت لتصلي قيام الليل لاول مرة منذ شهور طويلة ...وعندما سجدت... عندما اصبحت في اقرب مكان للعبد من ربه أخذت تبكي وتبكي بكاء لم تبكيه طوال حياتها وأخذ الشيطان يبكي هو الأخر وكأنما اصابته مصيبه لم تكن في الحسبان جلست منى على سجادة الصلاة و كان لديها عادة قديمة تخلت عنها منذ شهور انها اذا شعرت بضيق دعت الله ثم تفتح مصحفها وتقرأ فيه ويمن الله عليها بآيه تخفف عنها فلقد قال الله تعالى "وَلَقَدْ صَرَّفْنَا فِي هَذَا الْقُرْآنِ لِلنَّاسِ مِنْ كُلِّ مَثَلٍ" أمسكت منى بالمصحف فوجدته قد تراكمت عليه الأتربة فبكت ثم أخذت تقرأ فيه إلى ان وصلت إلى قوله تعالى " لَّلذِينَ اسْتَجَابُواْ لِرَبِّهِمُ الْحُسْنَى وَالَّذِينَ لَمْ يَسْتَجِيبُواْ لَهُ لَوْ أَنَّ لَهُم مَّا فِي الأَرْضِ جَمِيعًا وَمِثْلَهُ مَعَهُ لاَفْتَدَوْاْ بِهِ أُوْلَـئِكَ لَهُمْ سُوءُ الْحِسَابِ وَمَأْوَاهُمْ جَهَنَّمُ وَبِئْسَ الْمِهَادُ (18) أَفَمَن يَعْلَمُ أَنَّمَا أُنزِلَ إِلَيْكَ مِن رَبِّكَ الْحَقُّ كَمَنْ هُوَ أَعْمَى إِنَّمَا يَتَذَكَّرُ أُوْلُواْ الأَلْبَابِ (19) الَّذِينَ يُوفُونَ بِعَهْدِ اللّهِ وَلاَ يِنقُضُونَ الْمِيثَاقَ (20) وَالَّذِينَ يَصِلُونَ مَا أَمَرَ اللّهُ بِهِ أَن يُوصَلَ وَيَخْشَوْنَ رَبَّهُمْ وَيَخَافُونَ سُوءَ الحِسَابِ (21) وَالَّذِينَ صَبَرُواْ ابْتِغَاء وَجْهِ رَبِّهِمْ وَأَقَامُواْ الصَّلاَةَ وَأَنفَقُواْ مِمَّا رَزَقْنَاهُمْ سِرًّا وَعَلاَنِيَةً وَيَدْرَؤُونَ بِالْحَسَنَةِ السَّيِّئَةَ أُوْلَئِكَ لَهُمْ عُقْبَى الدَّارِ (22) جَنَّاتُ عَدْنٍ يَدْخُلُونَهَا وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ وَالمَلاَئِكَةُ يَدْخُلُونَ عَلَيْهِم مِّن كُلِّ بَابٍ (23) سَلاَمٌ عَلَيْكُم بِمَا صَبَرْتُمْ فَنِعْمَ عُقْبَى الدَّارِ (24) وَالَّذِينَ يَنقُضُونَ عَهْدَ اللّهِ مِن بَعْدِ مِيثَاقِهِ وَيَقْطَعُونَ مَآ أَمَرَ اللّهُ بِهِ أَن يُوصَلَ وَيُفْسِدُونَ فِي الأَرْضِ أُوْلَئِكَ لَهُمُ اللَّعْنَةُ وَلَهُمْ سُوءُ الدَّارِ (25) اللّهُ يَبْسُطُ الرِّزْقَ لِمَنْ يَشَاء وَيَقَدِرُ وَفَرِحُواْ بِالْحَيَاةِ الدُّنْيَا وَمَا الْحَيَاةُ الدُّنْيَا فِي الآخِرَةِ إِلاَّ مَتَاعٌ (26) وَيَقُولُ الَّذِينَ كَفَرُواْ لَوْلاَ أُنزِلَ عَلَيْهِ آيَةٌ مِّن رَّبِّهِ قُلْ إِنَّ اللّهَ يُضِلُّ مَن يَشَاء وَيَهْدِي إِلَيْهِ مَنْ أَنَابَ (27) الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ (28)" أخذت منى تتوقف عند كل أية وتبكي فلقد تيقنت أن هذا الكلام هو رسالة من الله إليها وتذكرت حديث الرسول صلى الله عليه وسلم (من أراد أن يكلم الله فعليه بالصلاة ومن أراد أن يكلمه الله فعليه بالقرآن ) فقالت في نفسها : يعني ربنا بيكلمني أنا ؟؟ وربنا سامعني أنا ؟؟ أنا ولا حاجة أصلا أنا ... بيكلمني أنا .. وأجهشت في البكاء ولم يقطع بكاؤها إلا صوت أذان الفجر فقال في نفسها : ياااااااااااااااه انا بقالي أد ايه ما صليتش الفجر ... انا بقالي اد ايه ما قريتش قرأن ... وأخذت توبخ نفسها : يااااااااه فاكرة لما كنتي بتدعي ربنا ولما عطاكي اللي نفسك فيه خلاص نسيتيه ونسيتي نفسك وكل ده وربنا حليم وصبور معاكي .. ده انتي لو ربنا عاقبك بذنب واحد بس من ذنوبك حتروحي فيها ...ده كفاية الوعود اللي وعدتيها لربنا وما وفيتيش بيها ديه لوحدها كافية انها تخلي ربنا يعذبك طول عمرك لكن ربنا حليم اوي وكريم اوي وصبور اوي ثم قامت وصلت الفجر بخشوع واخذت تبكي وتدعو ربها في صلاتها .....ترى هل سيكون هذا اليوم بداية للتغيير في حياة منى ام ستعود مرة أخرى ؟؟؟ وماذا سيفعل شيطانها ؟؟؟؟ تابعوا الحلقة القادمة |
رد: د: @@## يوميات .........تلبيس إبليس ##@@
ما شاء الله حبيبتي الحلقة الأخيرة جميلة جدًا
متابعة معك إن شاء الله يسر الله أمرك ، وبارك لك في وقتك ، ووفقك لما يحب ويرضى |
رد: د: @@## يوميات .........تلبيس إبليس ##@@
اقتباس:
ان شاء الله اللهم آميييين اسعدنى مرورك حبيبتى ام معاذ |
رد: د: @@## يوميات .........تلبيس إبليس ##@@
اقتباس:
اقتباس:
اقتباس:
اقتباس:
جزاكم الله خيرا اشكرلكم مروركم الكريم تابعوا معانا ان شاء الله تعجبكم |
رد: د: @@## يوميات .........تلبيس إبليس ##@@
الحلقة الثامنة
بعدما انهت منى صلاة الفجر وجلست قليلا لتقرأ القرآن ..ذهبت وتناولت فطورها وارتدت ملابسها ولكنها هذه المرة لم تضع اي نوع من مساحيق التجميل وبالطبع فلم يتركها شيطانها ... الشيطان موسوسا : وشك بهتان جدا من غير ماكياج منى في نفسها : مش مشكلة بهتان بهتان انا خلاص مش ححط ماكياج تاني الشيطان موسوسا : طب حتى قلليه بالتدريج عشان ما حدش يلاحظ التغير المفاجئ ده ويستغربوا شكلك منى : لااااااااا مش ححط انا نويت اتغير بجد مش حعمل اي حاجة تعصي ربنا الشيطان موسوسا : وفين المعصية في كده انتي بتعملي ايه يعني اهم حاجة اللي جواكي منى وهي تهز رأسها نفيا وكانما تحاول طرد الفكرة : لا لا يمكن ابد اده ربنا قال " وَلا يُبْدِينَ زِينَتَهُنَّ إِلَّا مَا ظَهَرَ مِنْهَا" الشيطان موسوسا : اهو الا ما ظهر منها يعني تحطي ماكياج براحتك منى في نفسها : يا سلام طب ما ربنا قال في أيه تانية " وَلا يُبْدِينَ زِينَتَهُنَّ إِلَّا لِبُعُولَتِهِنَّ" الشيطان موسوسا : وهي بعولتهن ديه حتيجي ازاي من غير ماكياج لازم يبقى شكلك كويس وللا ايه ؟؟ منى : ولو.. مش ححط يعني مش ححط حتى ولو حصل ايه الشيطان : انا بقول هو يوم باين من اوله ذهبت منى إلى الجامعة والتقت بصديقاتها .............. دينا : ايه ده مال وشك بهتان كده ليه انتي تعبانة الشيطان موسوسا لـ منى : مش قلتلك منى في نفسها : عادي ولا يهمني قالت منى لـ دينا : لا ولا تعبانة ولا حاجة تلاقي بس عشان مش حاطة ماكياج دينا : طب كنتي حتى حطيتي حاجة خفيفة كده منى في نفسها: انا حقولهم اني مش ححط ماكياج تاني الشيطان موسوسا : لاااااااااا انتي عايزاهم يقولو عليكي معقدة بلاش دلوقتي جيبهالهم واحدة واحدة منى لـ دينا : لا اصلي انهادة مش عارفة كده مخنوقة وماليش مزاج احط حاجة دينا : مممممممممم طيب ندى : بقولكم ايه معايا حتة اغنية تحففففففة بتاعة المطرب اللي انتي بتحبيه يا منى صمتت منى برهة ولم تجرؤ ان تقول أنها أقلعت عن سماع الأغاني منى : هه .. امممممممممممم ماليش مزاج اسمع حاجة بقولكوا انا مخنوقة انهاردة ندى : استني بس انا حشغلها حتخليكي تغيري مودك شوية منى : يووووووه بجد مش عايزة انا حقوم اجيب حاجة من الكافيتيريا ندى: مالها ديه دينا : سيبيها دلوقتي تبقى كويسة وفي المحاضرة جلست "الشلة" تتحدث إلى أن دخل دكتور "حازم" وفجأة غيرت ندى من جلستها واحمر وجهها فنظرت اليها منى باستغراب وقالت : ايه مالك فيه ايه ؟؟ ندى : ما فيش حاجة مالي يعني ؟؟؟ منى : مش عارفة شكلك غريب .... دينا مالها البت ديه دينا : ههههههه لا عادي مخها فيه حاجات كده منى : ممممممممممممم حاجات طب نبقى نشوف بعد المحاضرة وبعدما انتهت المحاضرة ذهبت ندى مسرعة لتتحدث إلى الدكتور بأي حجة ندى : دكتورمن فضلك الجزء ده انا مش فاهماه اوي الدكتور: طب ما سألتيش ليه في المحاضرة ندى باحراج : لا ما هو اصل انا عايزة أسأل في المحاضرة ديه وحاجات في المحاضرة اللي فاتت الدكتور : خلاص بصي انا دلوقتي عندي محاضرة ممكن تيجي بكرة المكتب انتي واي حد من صحابك مش فاهم برضه ندى وهي تتحدث برقة : ميرسي جدا يا دكتور الدكتور : العفو ما فيش حاجة ذهبت ندى الى الشلة ومالت على دينا: دينا عايزاكي في موضوع مهم بس لما نبقى لوحدنا دينا وقد فهمت المغزى:خييييييييييييير هو انتي كنتي بتقولي ايه للدكتور بالظبط ندى: بعدين بقى رنا : انتوا بتتوشوشوا بتقولو ايه بالظبط منك ليها ندى بارتباك : عادي يعني .. وبعدين انتي علطول مدخلة نفسك في كل حاجة كده رنا : ماشي يا خبر انهاردة بفلوس .... منى : اه يا ندى صحيح ايه بقى فيه ايه بالظبط ندى : في ايه؟؟ ف ايه ؟؟؟ منى : والله!! ... دكتور حازم.. انا واخدة بالي من كل حاجة هههههههه ندى : لا يا شيخة !.. انتي مخك فاضي منى : مممممممممم طيب على رأي رنا بكرة نعرف كل حاجة جلست الشلة تتحدث وتضحك وربما أيضا تعرضوا لاحداهن بالغيبة !!!! والشيطان يضحك ويشعر بنشوة الانتصار ومنى في غفلة تماما وكأنها لم تكن ساجدة بين يدي الله تدعو يوم أمس انتهى اليوم وذهبت منى الى المنزل والشعور بالذنب يقتلها ... ذهبت فورا لصلاة واخذت تناجي ربها : يا رب انا حاسة اني منافقة انا لسه يدوب قررت اتغير وما فيش فايدة فيا يا رب انا لما بقعد معاهم بنسى نفسي .. يا رب علطول ذكرني لما اعمل معصية وردني اليك ردا جميلا ... يا رب ما تسبنيش اسيبك ما تخلينيش اضل عن طريقك يا رب انا بجد عايزة اتغير خد بايدي وساعدني يااااااااا رب وقامت منى من مصلاها وامسكت فورا بمصحفها واخذت تقرأ وتقرأ إلى أن لفتت نظرها أية وكأنما رأتها لأول مرة " إن الشيطان لكم عدو فاتخذوه عدوا إنما يدعو حزبه ليكونوا من أصحاب السعير" قالت منى في نفسها : اتخذوه عدوا !!! صدقت يا رب انا ما حدش مضيعني كده غيره ما حدش بيصدني عن السبيل كده غيره الشيطان : اسكتي .... اسكتي .... مش حسيبك برضه بكرهك بكرهك منى : في نفسها يا رب أعني وقويني اني احاربه وما تنصروش عليا ابدا يا رب ابدا وقوي ايماني يا رب وابعده عني ونبهني لما يوسوسلي يا رب انا سمعت في درس مرة ان كل ما الواحد يكون ايمانه ضعيف بيشوف الشيطان كانه وحش بالنسباله وكل ما كان ايمانه قوي بيشوفه زي الذبابة .... يا رب قوي ايماني وخليني اشوفه كده يااااااا رب الشيطان : ذبابة .... انا احسن منك مليون مرة ومن بني ادم كلهم مش حسيبك مش حسيبك وكلامك ده حتدفعي تمنه غالي منى : يا رب ما تسبنيش وما تنسنيش حتى لو انا نسيت نفسي ما تسيبنيش يا رب يا رب هل بدأت الحرب بين منى وشيطانها ؟؟؟ ام ستعود منى من حيث بدأت ؟؟؟؟ وماذا سيحدث مع ندى صديقتها ؟؟ وهل ستخبر منى صديقاتها عن تغيرها ام ستظل مترددة؟؟؟؟؟ تابعوا الحلقة القادمة |
رد: د: @@## يوميات .........تلبيس إبليس ##@@
الحلقة التاسعة
في صباح اليوم التالي ذهبت منى إلى الجامعة ولكنها لم تجد "الشلة" كاملة منى : ازيكم يا بنات ... ايه ده اومال فين دينا وندى دعاء : راحوا لدكتور حازم منى : دكتور حازم ؟؟؟!!!! رنا : اه شوفتي ... البت ندى ديه مخها ضرب باين دعاء : بس شكلها معجبة بيه جدا قالت رنا والشرر يتطاير من عينيها : معجبة ايه وبتاع ايه ده وهم ده يا بنتي منى : هما مشوا من بدري دعاء : لا لسه يدوب ماشيين منى : مممممممممم طيب على الجانب الاخر كانت دينا وندى تتحدثان ... دينا : مممممممم واخرتها ؟؟؟ ندى : مش عارفة بقى دينا : بصي هو الدكتور صغير ومحترم وكل حاجة بس برضه اوعي الموضوع يقلب معاكي بجد احنا اللي بنقوله ده كله هزار في هزار ندى بارتباك : هه اه اه طبعا دينا : اه اه طبعا .... طب امشي امشي شكلك اما نشوف اخرتها وعند مكتب الدكتور طرقت ندى الباب ودخلت : السلام عليكم يا دكتور الدكتور : وعليكم السلام اتفضلوا ندى : انا جاية لحضرتك عشان الجزء اللي مش فاهماه زي ما قلت لحضرتك امبارح الدكتور : طيب تعالي بقى وريني اللي مش فاهماه راحت تسأل والدكتور يشرح وبالطبع فهي لم تسمع كلمة مما قال ولكنها ظلت تحرك رأسها متصنعة الفهم وعندما انتهى قال : ها كده تمام وللا محتاجة حاجة تانية ندى : لا شكرا يا دكتور تعبت حضرتك معايا الدكتور : ولا تعب ولا حاجة ولو احتاجتوا اي حاجة انا مكتبي مفتوح قالت ندى : ميرسي جدا على ذوق حضرتك ... ثم وقفت برهه محملقة فاخذ الدكتور ينقل عينيه بينها وبين دينا في استغراب ثم قال : خير فيه حاجة ندى وقد احمر وجهها وارتبكت : هه لا يا دكتور شكرا قصدي ما فيش حاجة بعد اذن حضرتك دينا : ايه اللي انتي هببتيه ده ندى : غصب عني اعمل ايه يعني دينا : غصب عنك ايه وبتاع ايه افرضي حس بحاجة ندى : طب ما يحس دينا : لا والله طيييييييب ماشي ذهبت الفتاتان الى "الشلة " ثم قالت دينا: شوفتوا ندى عملت ايه فصاحت بها ندى : دينا فتجاهلتها دينا وسردت القصة والجميع في ذهول رنا : انتي يا بت مخك ضرب وللا ايه ندى : يووووووه عادي انا مش واخدة الموضوع جد يعني رنا : لا ماهو باين قالت منى انا حروح اجيب حاجة من الكافيتريا ما تيجي معايا يا ندى دينا : لو عايزة تقوليلها حاجة قوليها هنا منى : خليكي في حالك انتي يا غلسة ذهبت منى وندى فبدأت منى حديثها : ها بقى فيه ايه ندى : عادي يعني انتي اخدتي الموضوع جد ده انا بهزر منى : عليا انا برضه انا واخدة بالي من زمان ومطنشة على فكرة ندى : بصي بقى ومن الاخر انا معجبة بيه منى : طب وبعدين ؟؟؟؟ ندى : مش عارفة منى : بس يا ندى ده الدكتور بتاعك ندى : بس سنه صغير يعني عادي منى : صغير ماشي بس فرق السن بينكوا اقل حاجة عشر سنين اذا ما كانش اكتر..... بلاش كده افرضي خاطب ... متجوز ندى بقلق : لا ده مش لابس دبلة منى : وايه يعني ما فيه كتير مش بيلبسوا دبل ... وبعدين ده دكتور ومستواه الفكري عالي يعني يوم ما يفكر لازم واحدة نفس تفكيره وللا ايه ؟ ندى : انا عارفة انه عمره ما حيفكر فيا بس اعمل ايه منى : تعملي ايه يعني ايه تشيلي الموضوع ده من دماغك طبعا ... يا بنتي اللي انتي فيه ده وهم مش اعجاب انتي بس شوفتي واحد محترم وتفكيره عالي وذوق فاتمنيتي واحد زيه لكن انتي بيتهيألك انك معجبة بيه انتي لو فضلتي في الوهم ده ولا حتعرفي تذاكري وحتفضلي علطول مكتئبة ده غير بقى انه ممكن ياخد باله وساعتها حيبقى منظرك ايه قدامه ؟؟؟ ندى : ربنا يسهل ادعيلي ...بس تعرفي انتي عند حق انا فعلا اتمنيت واحد زيه بس منين منى : بكرة تلاقي مستعجلة على ايه ربنا يهديكي ويشيل الزواحف اللي بتمشي في دماغك ديه ندى : ههههههههههههه بس انتي ايه العقل اللي نزل عليكي فجأة من السما ده منى : ههههههههههه ماشي يختي اتريقي براحتك يللا بينا بقى عشان ما نتاخرش على البنات ذهبت منى وندى إلى الفتيات فوجدتهن قد جلسن يستمعن إلى الأغاني فقالت في نفسها : يا رب انا حقولهم وخلاص خليك معايا الشيطان موسوسا : ما تخليها بكره حتى عشان بعد الكلام اللي قولتيه لندى ما يفتكروش انك بقيتي مصلحة اجتماعية منى في نفسها : لا انا حرة في تصرفاتي اقتربت منى من الشلة فوجدت دينا تستمع إلى أحد أغانيها المفضلة فوسوس إليها شيطانها : يا سلااااام أكتر أغنية بحبها منى في نفسها : اثبتي يا منى ابدا مش حيحيصل انتي خلاص بطلتي الشيطان موسوسا : طب المرة ديه وبس حتى تبقى اخر مرة تسمعيها عشان بعد كده الشيطاااااااان ما يغلبكيش وتسمعي اغاني تاني منى في نفسها : لا انا حقطع كل حاجة وان شاء الله ربنا يعني وما يغلبنيش تاني الشيطان : ممممممممم اما نشوف دينا : موني تعالي اسمعي مشغلة الأغنية اللي بتحبيها صمتت منى قليلا ثم قالت : دينا اقفلي البتاع ده عايزة اقولكم حاجة مهمة اوقفت دينا الأغنية ثم قالت : خير فيه ايه وانصت الجميع باهتمام .......... قالت منى وهي تتصنع الجدية : بصوا يا بنات انا جمعتكوا انهاردة عشان اقولكوا . . . عشان اقولكوا ثم قالت بفرح :انا بطلت أسمع أغاني باركولي ما ان انهت منى جملتها الأخيرة حتى انفجر الجميع من الضحك نظرت اليهم منى بحزن شديد وهي تسمع كلام كل واحدة منهم دينا وهي لا تستطيع ان تلتقط انفاسها من الضحك : وده من ايه ده ... منى ... منى تبطل تسمع اغاني هي القيامة قامت وللا ايه ندى : وانا اقول برضه البت بقت عاقلة فجأة مش بعيد بعد كده تقيم علينا الحد لو شافتنا بنسمع اغاني دعاء : بس ايه سر التغير المفاجئ ده منى في سرها هي تكاد تبكي : يا رب خليك معايا يا رب الشيطان موسوسا : مش قولتلك بلاش تقوليلهم اهو بيضحكوا عليكي منى في نفسها : مهما كان ماهو كانوا اكيد حيعرفوا استجمعت قواها وقالت : ايه جرا ايه يا بنات انتوا بتتريقوا عليا انا وللا بتتريقوا على كلام ربنا والرسول لو بتتريقوا عليا انا عادي لكن لو على ربنا لا يمكن اسامح في كده ابدا صمت الجميع وشعروا بالاحراج من انفسهم ثم قالت رنا : لا يا منى بس احنا ما توقعناش التغير المفاجئ ده منى : انا قررت اقرب من ربنا بجد وديه ما فيهاش مفاجئ ولا غير مفاجئ ..... وبعدين معقولة كلام أميرة ما أثرش فيكم معقولة عدا عليكم الكلام كده دينا : اهي المواعظ حتبدأ اهي ندى : يووووووه هو كل واحدة تبطل الأغاني كام يوم تعمل فيها شيخة بقى منى وهي تتحدث برفق : شيخة ايه وبتاع ايه هو انا عشان بنصحكم يبقى خلاص .... انا نفسي بجد نغير حياتنا انا لسه في اول طريقي عايزاكوا تساعدوني عايزة كلنا ناخد بإيد بعض .. ونسيب الأغاني و الماكياج واي حاجة بتغضب ربنا ... دينا : تحبي اجيبلك كمانجات يعزفوا وراكي ههههههههه وعاد الجميع للضحك مرة اخرى نظرت منى إليهم ويكاد قلبها يعتصر من الحزن والألم وبالطبع لم يترك الشيطان الفرصة فقال لها موسوسا : شوفتي ربنا ... اني بتطيعيه وسايبه الاغاني عشانه وهو ما وقفش جنبك وسايبهم يضحكوا عليكي منى في نفسها ويكاد ايمانها يتزعزع : لا طبعا معقول ربنا ما يكونش استجابلي وقبلني الشيطان موسوسا : وليه لا انتي ذنوبك كتير منى في نفسها : ايه اللي انا بقوله ده ربنا رحمته وسعت كل شئ ده اكيد اختبار من ربنا ليا .... ياااااااا رب ثبتني هل ستتأثر منى بما يقولون أم ستصمد وتكمل الطريق ؟ وهل ستترك منى تلك الشلة أم لا ؟ وماذا سيفعل شيطانها ؟؟؟ تابعوا الحلقة القادمة...... |
رد: د: @@## يوميات .........تلبيس إبليس ##@@
الحلقة العاشرة
ذهبت منى إلى منزلها والحزن والألم يعتصران قلبها وبالطبع لم تسلم من محاولات شيطانية لزعزعة إيمانها .... دخلت غرفتها مسرعة وراحت تفكر في كلام صديقاتها .... منى : انا ما اتصورتش ابدا انهم ممكن يكونوا كده ... الواحد ممكن يضحك من اي حاجة اللا كلام ربنا الشيطان موسوسا : ايوه فعلا دول زودوها اوي دول كفرة !!!! منى : لالالالالالا مش للدرجادي يعني هو انا خلاص عشان بدأت امشي في طريق ربنا حكفر الناس... بس دول اتريقوا عليا انا لا يمكن اصاحبهم تاني بعد انهادرة الشيطان موسوسا : وتسيبي صحاب عمرك دول معاكي شوفي من أد ايه منى : بس دول ممكن يرجعوني تاني للي كنت فيه الشيطان موسوسا : لا ما انتي حتفضلي تنصحيهم منى : بس دول طول ما هما قاعدين بيسمعوا اغاني وبيغتابوا الناس الشيطان موسوسا : عادي ممكن لما يسمعوا اغاني تمشي انتي تروحي تجيبي حاجة من الكافيتريا ولما يتكلموا على حد قوليلهم بلاش نميمة وخديها بهزار او بلاش تشتركي في الحوار اصلا منى : بس انا خايفة يأثروا عليا وارجع تاني ... انا حسيبهم خالص وابقى انصحهم برضه من بعيد لبعيد الشيطان : عشان تقربي من ربنا وكمان تاخدي ثواب نصحك ليهم ....انسي الشيطان موسوسا : طب لما تسيبيهم حتبقي مع مين ... حتبقي لوحدك وهما يفضلوا يبصوا عليكي من بعيد ويضحكوا عليكي منى : لا هما مش حيعملوا كده الشيطان موسوسا : وانتي ايه عرفك ما هما عملوا كده من انهاردة .... حتسيبيهم ازاي ولسه عقبال ما تعرفي اصحاب تاني وتثقي فيهم.. وبعدين انتي لازم تنصحيهم ده انتي حتاخدي ثواااااااااب كبير جدا ...تسيبيهم ازاي انتي عايزة ربنا يعاقبك عشان سيبتيهم كده منى : صح ممكن ربنا يعاقبني وانا لسه بقول يا هادي انا لازم انصحهم وان شاء الله مش حيأثروا فيا ابدا الشيطان : اما نشوف ............ ثم عادت لتقول في نفسها : بس انا برضه حستخير ربنا في موضوع اني اسيبهم ده الشيطان موسوسا : هو حد يستخير ربنا في الخير ده انتي حتاخدي ثواب ( استخارة قال دي عايزة تموتني) منى : ايوه طبعا الاستخارة بتكون في كل وقت و كمان الامتحانات بعد اسبوع وانا مش حنزل الكلية الاسبوع ده.. فرصة برضه اخد قراري . مرت فترة الاسبوع ومنى تذاكر باجتهاد وتصلي فروضها أول بأول وربما ايضا اخذت قسطا من الراحة استمعت فيه الى درسا او قرأت مقالا دينيا ولم يحدث اي اتصال مع إحدى صديقاتها في تلك الفترة ... وفي ليلة الامتحان أخذت منى تدعو الله كثيرا أن يوفقها في الامتحانات وان يوفقها لما فيه الخير مع اصحابها ... جاء يوم الامتحان والتقت الشلة ...... دينا : هي منى فين كل ده رنا : ما اعرفش ممكن تكون جت وما شوفنهاش دعاء : ما حدش فيكوا كلمها الكام يوم اللي فاتوا دول ندى : انا اتصلت بيها مرة في البيت وقالولي نايمة ... قلت اكيد يبقى مش عايزة ترد عليا فمتصلتش تاني رنا : لا مش للدرجادي انتي عارفة منى يعني مش بتحب كده تلاقيهم نسوا يقولولها عادي دينا : لا ممكن تكون فعلا مش عايزة تكلمنا رنا : بصراحة احنا زودناها معاها ندى : ما هي اللي عملت فيها شيخة فجأة رنا : ولو.. برضه هي ما عملتش جريمة احنا ضحكنا كأنها بتقول نكتة مثلا ... وهي عملت حاجة صح وقربت من ربنا دينا : انتي بتتكلمي وكأنك ما ضحكتيش معانا رنا : اه ضحكت ... بس لما روحت البيت ضميري كان بيوجعني اوي وكلامها وجعني اوي خصوصا لما قالت انتو بتتريقوا عليا انا وللا على ربنا .... انا خفت اليوم ده ربنا يعذبني دينا : يوووووووووووه انتي حتبتدي انتي كمان وللا ايه هي ايه حكاية الشلة ديه انتوا بجد بقيتوا تخنقوا رنا : هو الصح بقى يخنق دلوقتي دينا : ولما هو صح مش بتعمليه ليه يا فالحة .... ده مش صح ده ذمت وتعصب وتخلف احنا بنرجع لورا وللا بنتقدم ديه بقت حاجة تقرف رنا : لا صح ... مش معنى اننا مش بنعملة ما يبقاش صح ... بس هي ربنا هداها قبلنا هي وأميرة ..فاكرة كلامها انا فعلا اليوم ده اتهزيت جامد وخفت اوي اني اموت وانا بسمع اغاني ده انا مرة سمعت شيخ بيقول .... لم تدعها دينا تكمل جملتها وقاطعتها قائلة : شيوخ ايه بس دول عايزين يرجعونا لورا الشيطان : ما انا بقول كده برضه بس دول مش حيرجعوكوا انتوا لورا ... دول حيرجعونا احنا لورا رنا : يعني بذمتك ... بذمتكوا كلكم انتوا مش خايفين تموتوا وانتو بتسمعوا اغاني وللا بتتكلمواعلى حد وللا بتعملوا اي حاجة تغضب ربنا .... انتي يا ست دينا مش خايفة تموتي بلبسك وبشعرك في المصايف اللي بتروحيها ديه صمت الجميع ولم تجب إلا دينا المتكبرة وبلهجة شيطانية : لا انا مش ناوية أموت دلوقتي اقشعر بدن الجميع من الكلمة ومن اللهجة التي توحي بمدى العصيان وجمود القلب ثم قالت رنا وهي مذهولة : خافي من ربنا يا بنتي انتي ايه؟؟ هو في كده في الدنيا !! الكلام اللي انتي بتقوليه ده انا بسمع عنه بس ... اول مرة اشوف حد كده بجد وما كان من دينا إلا ان نظرت لرنا نظرة ذات مغزى وابتسمت في سخرية واشاحت بوجهها عنها في اقصى درجات الغرور والكبرياء ووسوس إليها شيطانها قائلا : دول غيرانين منك اصلا.. شايفينك ستايل وفسح ومصايف وعايشة حياتك وشبابك فقالوا ازاي بقى .. لازم نخليها تبطل اللي هي فيه وتلبس لبس يجر وراها في الارض.. ناس متخلفة كانت نفس دينا أمارة بالسوء بل هي اكثر من ذلك فقالت في نفسها ردا على الوساوس الشيطانية : طبعا غيرانين بس انا حعرف ازاي اوقفهم عند حدهم على الجانب الأخر كانت منى قد وصلت إلى الكلية وقد تخلت عن لبس "الكارينا " وارتدت احد ملابسها الواسعة وقابلت أميرة في الطريق .. أميرة: منى ازيك واحشاني جدا ردت منى بلهجة الغريق الذي وجد طوق النجاه منى : انتي اكتر بجد أميرة : ما شاء الله وشك منور وأحلى من غير ماكياج على فكرة منى في حرج : ماشي ماشي بتجاملي انتي ..... بس خلاص ان اشاء الله ما تشوفينيش تاني بماكياج عشان افضل حلوة علطول ههههه أميرة وهي تضحك : اوعي يكونوا دول شوية كده عشان الامتحانات وبعد كده لما تطلع النتيجة ترجعي تاني..ده انا اقطعك اربا اربا ههههههه منى :هههههه اربا اربا ....لا وعلى ايه الطيب احسن ... ثم قالت بجدية : اميرة بجد انا عايزة اتغير انتي ما تتصوريش كلامك عمل فيا ايه انا بطلت اغاني خلاص ونويت اتغير بجد انا مش معايا حد دلوقتي يعيني على الطاعة انا .. قاطعتها أميرة قائلة : كده بقى جينا للكلام اللي يزعل اومال انا رحت فين ...مش معنى اني بعدت عنكم شوية يبقى خلاص ما بقيناش صحاب بس انتي عارفة انا بعدت ليه ... منى : عارفة... بس دلوقتي انا عايزاكي تنصحيني اعمل ايه في الشلة اسيبهم خالص وللا ايه أميرة : تسيبيهم خالص ؟!! ليه هو انا في الاول سيبتكم خالص يا منى .... دول صحاب عمرك وانتي تعرفيهم اكتر ما تعرفيني كمان ... انصحيهم واعملي اللي عليكي ولو عملوا اي حاجة انتي شايفة انها غلط انصحيهم وبعد كده لو برضوا صمموا سيبيهم وامشي وقوليلهم انا حمشي دلوقتي عشان انا ما صدقت اقرب من ربنا ومش عايزة حاجة ترجعني لورا او كلام باي اسلوب انتي عارفة انو ممكن يأثر فيهم وافضلي كده لحد ما تبقي خلااااااااااص فعلا حاسة انك مش قادرة تكملي معاهم ..... فاكرة انا قعدت انصحكم اد ايه منى : 3 سنين بتوع ثانوي وما كنتيش بتزهقي ابدا رغم التريقة أميرة : وحتى لما انشغلت وسيبتكم كنت بدعيلكم ربنا يعلم منى : طب دلوقتي انا خايفة اروح اكلمهم اصلي لما كلمتهم اخر مرة وقولتلهم بس اني بطلت اغاني انا حتى ما لحقتش انصحهم فضلوا يضحكوا عليا وانا اتخنقت جدا أميرة :" أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ" ربنا بيختبرك بيشوفك حتتهزي من جواكي ولا لأبيشوف ايمانك صادق وللا لأ .... انتي عارفة الاختبارات ديه هي اللي بتثبتلك انك ماشية صح منى : انتي كلامك ريحني جدا ربنا يكرمك ياااااا رب .... انا حروحلهم دلوقتي تيجي معايا أميرة : اكيد بس خلي بالك فاضل نص ساعة على الامتحان منى :ان شاء الله ما نتاخرش ذهبت منى وأميرة إلى الشلة فوجدت رنا ودينا تتشاجران منى : ايه مالكم في ايه يا بنات دينا : اهلا اهلا بالناس اللي حتوقع الدنيا في بعضها رنا : منى وأميرة ما لهمش دعوة ... خلي كلامك معايا انا منى : بس فهموني في ايه قالت أميرة برفق: يا جماعة بالراحة شوية صوتكم عالي ما ينفعش كده دينا : انا اعلي صوتي براحتي اصلا ما حدش له عندي حاجة .... وبعدين من فضلك ديه حاجات تخص الشلة وبس.. مش كفاية بسببك من الاول حتوقيعنا في بعض منى : في ايه يا دينا توقعنا في بعض ايه البنت جاية كافية خيرها شرها ما عملتش حاجة أميرة : انا اوقعكوا في بعض لا حول ولا قوة إلا بالله وكانت ستهم بالانصراف لولا يد منى التي كانت تمسك بها كالمستغيث رنا لـ دينا : ايه يا بنتي انتي محسساني كأني بقولك اكفري مثلا دينا : رنا ممكن كفاية كلام لحد كده في الموضوع ده رنا : ماشي يا دينا انا مش حتكلم معاكي اكتر من كده وبجد ربنا يهديكي دينا : اعمليلينا فيها شيخة انتي كمان بقى يللا عشان تبقوا انتوا التلاتة منى بحدة : في ايه يا دينا بجد كده ما ينفعش انتي زوديتها بجد نظرت أميرة لمنى نظرة عتاب على حدتها في الحديث ففهمت منى أميرة وقالت وهي تحاول تمالك اعصابها : بصي يا دينا انا ما اعرفش ايه اللي حصل بس انا قولتلكوا اخر مرة انا نفسي بجد كلنا نتغير للاحسن حاولت دينا مقاطعة منى فاستوقفتها منى باشارة من يدها وقالت بهدوء: مش حنتكلم في أي حاجة دلوقتي احنا ورانا امتحان ندخل الاول نحل وما نفكرش في أي حاجة وبعد كده نتكلم براحتنا .... تري ماذا سيحدث بعد الامتحان ؟؟؟ وهل ستتغير دينا للأحسن؟؟؟؟؟ تابعوا الحلقة القادمة ..... مستنية أرائكم في الحلقة أحبكم في الله |
| الساعة الآن 01:59 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة وبرمجة