مشكـلتي | زوجـي ترك الوظيفـة وأنا أتحمل مصاريف البـيت !
 

السلام عليكم
وكل عام وانتو بخير
حبيت اكتب مشكلتي ليلة العيد يمكن ألقى منكم دعوه
والله كريم

انا إنسانه متزوجة من ثلاث سنين وعندي ولد عمره سنه
هو اللي مصبرني الله يخليه لي

المهم زوجي كان عسكري وترك الوظيفه واحنا مخطوبين وعلى أساس انو بيرجع وظيفته
بعد الزواج والحين دخلت بالسنه الثالثة وماصار شي

والله أني ادفع الإجارة من حافز ومصروف ولدي من اهلي
قسم بالله صرت اتفشل منهم تصدقوني لو اقولكم تجي علي أوقات ما ألاقي أكل لي انا والولد
وأحاول ادبر نفسي بكره العيد وما يدري أصلا اذا انا عندي لبس انا وولده والا لا
والله غير امي الله يحفظها اشترت للولد ملابس العيد ولي
المشكله انه لو يرجع راتبه فوق الممتاز بس مافيه فايدت تعبت وانا أتكلم
يمكن فيه منكم يقول أني تافهه عشان الفلوس متضايقه
بس تعبت من نظرة الشفقه علي انا وولدي
قسم بالله كرهته مو متحمل مسؤليه مايسأل اذا الولد عنده حليب والا لا
انا اكثر ملابسي وأغراضي من اخواتي وكمان أجار البيت والكهرباء
هو بس يبي حقه الشرعي ويجلس يلعب كوره
قولولي وش الحل أخاف اروح بيت اهلي يأخذ ولدي مني
وأهله مو وجه مسؤليه أموت ولا اترك ولدي عندهم
يَ كثر مايجلس يبكي لما يشوف ألعاب بيد عمه الصغير مايكلفو خاطرهم يجيبو له
قسم بالله مره وجع قلبي وهو يبكي على اللعبه غير دقيت على وجابو له ألعاب
انا لولا الله ثم اهلي وش صار فيني انا والولد

شورو علي يَ ناس انا نفسيتي تعبت




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]