منتدى روضة القرآن - مشكـلتي | زوجـي والتسـوق قبل العـيد

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم،
ياليت تنزلون موضوعي لاني احتاج مساعدتكم

مشكلتي شوي طويله بس اتمنى مساعدتكم ضروري جداً.
انا متزوجه من 11 شهر
عمري 26 زوجي 31،
من بداية زوجي ماحسيت بأي سعاده مع زوجي
كنت اتوقع فقط البدايه صعبه،
المهم مع الايام اكتشفت زوجي يحشش
ماكبرت المشكله لاني ودي تستمر حياتي
وحسيت انه ممكن ينصلح مع الايام،
كلمته مره الاولى انكر، المره ثانيه كان صامت ولارد،
سكتت عن الموضوع لانه طيب ويحترمني ويعاملني زين، ولاني بنفس الفتره طلعت حامل
-
زوجي انسان مايهتم بنفسه يعني مستحيل يتروش يومياً وريحة انفاسه تسد نفسي، عن كل شي حتى العلاقه اتهرب منه،كلمته ولا كن لاحياة لمن تنادي.
-
مايطلعني من الشقه ابداً مايمشيني غير بندة ،
يطلع من الصبح الى الليل توه يرجع ولايطل علي
ميته حيه!! كلمته ولا كن لاحياة لمن تنادي
-
هذي الفتره قبل العيد قلت ابي اروح اشتري للعيد،
سألني تروحين مع خواتي ولا معي،
جاوبته بكل وضوح انا استحي من اخواتك ماقدر اتسوق معهم برروح معاك انت!!
اليوم الثاني طلعت للسوق ولقيت معه اخواته بسياره قلت عادي اهلن وسهلن
وحطييت ببالي انه بينزل معي لان عطيته خبر من اول اني استحي من اخواته ، بس وصلنا المجمع نزلنا وراح،،
وانا ماعرفت اتسوق معهم لان مافيه ميانه ابداً،
رجعت البيت من دون اشتري شي،
بعد يومين قلت له ابي اروح السوق ،
قال ليه ماشريتي هذاك اليوم قلت انا استحي معهم قلت لك ،
قال انا حالف ماوديك السوق ، طيب ليه،؟؟
قالي محد بيأدبك غيري، ليه
ع اساس اني مسويه منكر،
حاولت فيه بكل الطرق مارضى وانا من تزوجت مارحت السوق غيير مره ، وهذي المره بس ،
وملابسي كلها من زواجي ونفسي بشي جديد للعيد، المهم زعلت وجلست ابكي وقفلت ع نفسي باب الغرفه طول اليوم وهو نزل نام تحت بيت اهله،،
وعيدت بملابسي القديمه حسبي الله عليه،
المهم واليوم عيدنا وانتهى الموضوع،
بس هو الحين يبي يقلب علي الموضوع ومسوي هو الزعلان ونام اليوم بعد تحت عند اهله،

الحين شلون احل هذي المشاكل لاني اذا تناقشت معاه ينهي النقاش بكلمة طيب!! ولا في فائده
انا ماقدر اتجاهل هالاشيا اكثر لانها تتعب نفسيتي وانا احتاج حل ، ؟؟
انتظركم

المصدر: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] - من قسم: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

la;Jgjd | .,[Jd ,hgjsJ,r rfg hguJd]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]