حل يرضي كل الأطراف
 

ا متزوجة من سنتين ..بأواخر العشرين وزوجي كذلك
مشكلتي مو كبيرة لكن تزعجني كثير
انا زوجي عنده أخوات ودايما افكر فيهم
مثلا اذا جيت اطلع لازم اقول لهم
واذا بجيب لنفسي شي غالبا اجيب لهم وهكذا
لكن هالشي ما يعجب زوجي بالعكس يعصب
ويبيني اسوي كل شي لنفسي ولا كأن له خوات
اخر موقف حصل اليوم كنت بروح للمول وقلت لهم يروحون معاي وزوجي زعل وعصب وكان بيكنسل الطلعة كلها

أنا أرحمهم وافكر فيهم لأني فيوم من الأيام كنت أخت وماحد يفكر فيني عمر ماأحد جا وقال تعالي معي اشري اغراضك
أو تعالي وسعي صدرك معنا
يدخل الشتاء ويطلع ما اذكر احد من اخواني او زوجاتهم فكر فيني
فحاطه نفسي مكانهم
بس زوجي ليش كذا يزعل ويعصب ويستثقل المشوار اذا كانو بيروحون معنا
المفروض يقدّرني مو مدحاً فيني والله لكن هذا الواقع كثير من الزوجات تعادي أهل زوجها وتقاطعهم استحق شوية تقدير على محاولة برّي بأهله
مع اني اسوي هالشي لوجه الله بس مو معقولة راح استمر كذا انا احاول واقدم وهو يحطمني ويعصب علي لكن قدامهم هو أفضل ابنائهم ما يوضح وانا مااقول لهم طبعا انه يعصب
ايش الحل مع اني سبق وحاولت ماافكر بغير نفسي بس والله ما قدرت




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]