منتدى روضة القرآن

نفرض مثلا ان
واحد رايح (interview) عشان يشتغل ....
أول ما دخل على ال (interviewer) وكان متأخر جدا.....
- أحلى مسا عليك يا فندم !!!
- أهلا وسهلا ... اتفضل استريح !!!
الواحد دا أول ما قعد ، عجبه أوي الديكور !!
وعمال يبص يمين وشمال و في السقف !!!
- ال(interviewer): حضرتك خريج سنة كام ؟؟!!
- وهو مش مركز خالص ،
يقول وهو بيهرش في ودانه بكل استهتار: أللا الصورة الجميلة دي جابينها منين ؟؟!!!
شكلها جميل أوي !!!
على فكرة التكييف عالي أوي!!!
ظهرت علامات التجهم و الإستغراب على ال(interviewer) !!!
- هو حضرتك مش جاي عاوز تشتغل ؟!!
- و هو يبص على جزمته.. ويعدل الكرافتة ... : بص يافندم ،
أنا جاي اشتغل طبعا .... مش شايفني جاي فورمال خالص إزاي؟؟!!
بص بقه .. أنا عايز مرتبى ميقلش عن 4000 ،وعايز عربية بعد شهرين ،
و اشتغل على لاين مشهور مش محتاج شغل كتير ، وسنة كده وللا حاجة و أبقى (supervisor)!!..
وبعد المقابلة ما خلصت صاحبنا خارج واثق انه كدا خلاص يعتبر اشتغل في الشركة !!!
لأنه عمل اللي عليه في المقابلة الصراحة !!!
أنت مستغرب ليه ؟؟!!
على فكرة.... احنا تقريبا كلنا بنعمل كده !!!
إزاي !!!
الواحد مننا بيروح يقابل ربنا في الصلاة وهو مش مركز خاااالص !!!! (للأسف)
وبيكون أساسا جاي متأخر ...
وتلاقيه واقف ... عمال يفكر في كل حاجة إلا حاجة واحدة بس (الصلاة) !!!
و عمال يكلم ربنا وهو دماغه في موضوع تاني خالص !!!
يهرش ف راسه ... ويعدل ف هدومه ...
و مش عارف احنا ف الراكعة الكام !!!
لدرجة إن فيه ناس بتقول دعاء الركوع في السجود !! والعكس
وممكن يدعي ربنا وهو مش مركز ف الدعاء كمان !!!
و المشكلة الأكبر أنه معتقد إن الصلاة مقبولة !! (والله أعلم بالقبول )
و أنه كده بلغ الرسالة و أدى الأمانة !!!
بالله عليك
‫#‏ينفع_كده‬؟!!
.
‫#‏اللهم_ارزقنا_الخشوع‬

منقول