|
سمراء وخطبت من رجل ابيض
عازبه 29 سنه
اعمل بمدرسه اهليه وأحب عملي كثير واعمل مدرسه بدار قران العصر امي وابوي منفصلين وكل واحد منهم متزوج وبعيد انا حصل كم مره يجون خطبه يشوفوني انا واختي ويختارون اختي اللي اصغر مني واختي رافضه تتزوج قبلي :( ولا مره احد طلبني بالاسم او حدث نظره شرعيه لي من رجل ., انا من جد محطمة نفسيا وماطورت من شكلي او غيرت اللوك الحمدلله ملامحي وطولي وشعري حلوين بس اني سمراء مو سمار فاتح ولا غامق لا وسط انا انشغل بقوا بعملي بس مجرد يجي طاري خطبه كذا اعيش الدور بالاخير مايصير شئ وان شاءالله خيره بس مااكذب ان قلت حاجه تألم والله واجلس بعدها كم يوم ابكي وادعي الله واقول بنفسي ي كثر بنات ماتزوجوا وعاشوا وناجحات بحياتهم وما ان انسى وانخرط بمجال عملي من جديد يصير خطوبه وهلمجرا , المهم قبل كم يوم دقت امي وقالت ابيك ضروري قالت امي ان دق عليها رقم غريب وحده من النسوان قالت لها انتي ام فلانه ؟ بنتك فلانه واصلني مدددح عليها ملتزمه ومو راعيه تبرج ومن الكلام وكذا المهم ان صار ولدها مطلق زوجته وعنده طفل والسبب لبسها تقول اننا اخدناها جميله بس اخلاقها الله يهديها ومو مهتمه بولدي ولبسها وعبايتها ماتبي تغيرهم واحنا ناس متدينين ومو من عاداتنا وقالت خوذي اسم ولدي الكامل وصورت بطاقته وكتبت مكان عمله وعطت امي حساباته ع برامج التواصل مااخفيكم فرحة شعور السبب الاول ان اول مره احد يطلبني باسمي ولأن ام الرجل من جد متحمسه وترسل لأمي كل شوي وتقول ان حتى ولدي مثلي كل شوي مزعجني يقول هاه فلانه وشصار عليها والسبب الثاني انها قالت ان عادتهم كل اولادي مو انا اشوف زوجاتهمم كلهم يوصلن كلام عنهم ولا هم من قرايبنا ارسل ولدي يشوفوها ومالي الا اجهز زواجهم وانا فرحت لأن نظره الرجل غير المرأه بس من رحت شفت حساباته الرجل وسيم وجمييل ماشاء الله وبياضه شامي فتحطمت اكثر :( قلت لامي ماسألتي عن المواصفات اللي هو يبيها ؟ قالت اكيد عندها خبر بما انه عن طريق ناس وجلست امي تقول الحمدلله مايضر وتعطيني امثله هذي متوفقه وزوجها احلى منها ووو فسألتها امي عن المواصفات قالت ايه ولدي يبي بيضاء ونحيفففه ! قالت امي لها اجل بنتي اسمر من ولدك والله يرزقه ويوفقه من دقت امي وقالت اللي صار حسيت كأن الدنيا اظلمت وتلخبط كلامي صرت اقولها الحمدلله يمه مستخيره ولايضيق صدرك والخالق هو نفسه الرازق وووو .. وجلست ابكي وادعي قبل ماانام والله اول مرا اتأثر كذاا كنت اقول بنفسي حتى المطلق مايرغب بي لأني سمراء ؟ بعدها بيومين تقريبا ارسلت الأم تقول قلت لولدي وولدي يقول ابي اتواصل مع ابو البنت او اخوها ف ابوي الحين جالس يسأل عنه وبعد كذا بيتواصل معه الحين انا من صار الكلام جد خفت لاني انجرحت بما فيه الكفاايه من كثر اللي يجون ولا اعجبهم متوكله ع ربي بس كذا حسيت شوي باستخفاف مو معارضه بفكره ان جميل يتزوج فتاه عاديه قد انه كان يبي بيضاء ونحيفه والحين يقول يبي يشوفني ؟ ولا ابي ارمي نفسي اتزوج اي شخص بس لأن عمري راح اقول لامي بس خلينا نبطل كل شئ وامي تقول الزواج ستر وعز لمتى جالسه مشتته ؟ لا انتي عند ابوك معززه ولا انتي متزوجه لك بيت واحترت لدرجه ماقدرت اكل ولا انام ولااستخير زين انتو الرجال ايش رايكم لما يكون ف بالك وبخاطرك شكل معين هل تقبل بغيره ؟؟ الزواج توافق ورغبه وانا مو مستعده يعيب بلوني لانه كان يبي بيضاءء المصدر: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] - من قسم: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] slvhx ,o'fj lk v[g hfdq عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
| الساعة الآن 06:15 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة وبرمجة