|
أنـا أكـره أبـوي بشكـل فضـيع
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] السلام عليكم ورحمة الله وبركاته أولاً : أشكر كل القائمين على هذا الصرح الجميل أنا من المتابعين بصمت ومن المعجبين بأعضائه دائماً ردودهم وآرائهم تدل على رقي فكرهم ورزانة عقلهم وهذا ما زاد جمال المنتدى بعيني باقات من الورد لكم ..:jwlh: أنا شاب عمري 30 سنة خطبت بنت الحلال وباقي الملكة ممكن بعد شهر عسى ربي يتمم على خير .. دعواتكم :m7: أبوي آخر مره شفته قبل 26 سنة تركنا وكان عمري 4 سنوات تقريباً بحياتي كله ما أذكر منه إلا موقفين الموقف الأول : كنت طالع من بيتنا ومعي حافظة طعام على أساس أنزله عند جيراننا بعد ما نزلته ورجعت حصلته على باب البيت معصب مسك يدي ودخلن بالمجلس وقفل الباب بعد ما دخلت جت عيني على الملقاط منزله على النار كان محتمي ولونه أحمر ما أدري بوقته وش كانت نيته لكن من داخلي حسيت أنه ناوي على شيء بدون شعور بكيت من الخوف سحبني وثبتني بالأرض وهو يصارخ ليش تطلع ؟ وش قلت لك أنا ؟ مع أني ما أذكر أي موقف قبل معه ولا أذكر أنه كان يحذرني من الطلعه مسك رجولي وجلس يحرقهن بالملقاط هذاك آخر علمي بنفسي أغمى علي ولا أدري وش صار بوقته صحيت بعده بفترة وكنت منسدح بالدور الثاني وأمي ماسكه رجولي تصيح وتدهن بفازلين إذا ماخاب ظني ولفت عليه شاش كان رافض أطلع للمستشفى عانيت من تعذيبه لي كان قاسي حيل وقلبه مثل الصخر ما أدري وش فيه مسحور وألا فيه مرض نفسي وش علته ما أدري ! الموقف الثاني : كنت أنا وأمي وأخواني معه بالسيارة ورايحين لبيت خوالي وحنا بالطريق قال كلمة إلى هاللحظة ما أنساه قال : أنا مسافر بخليكم عند خالكم لين أرجع . نزلنا عند خالي وهذيك آخر لحظة شفته به بعد ما كبرت فهمت ليش كذب لأنه طلق أمي . الله لا يوريكم العيشه اللي عشناه فقر وظروف ما يعلم به إلا الله مرت سنوات على نفس الحال ما تحسن وضعنا إلا قبل كم سنه تخيلوا لحظة طفولتك وشبابك كله حرمان حاجات كثير كثيييييييييييير كان نفسي به وما قدرت أحصله حاجات لو أذكره لكم بتقولون تافهه لكن على وضعنا المادي كنت أنحرم منه لما أكون جالس مع عيال خالي أو خالتي وكل واحد يتكلم عن أبوه أجلس أيام أصيح بفراشي لين أنام لما أشوف أب يحضن أبنه يتقطع قلبي لما ولما لما قسم بالله لحظات عشته ما أتمناه لعدو شششعور ما يوصف ! . الحمدلله اللي عدت أمورنا وما أنسى فضل خالي علينا وقف معنا وقفات ما أنساه له :jwlh: أكره أبوي بشكل فظيع ولا أحب أحد يتكلم به ولا أحب يفتحون موضوع أني أشوفه أو أروح اسلم عليه ما أبي أتواصل معه مهما كان المشكلة البعض يقول أقل شيء خله يحضر ملكتك ؟ يعني أب يسوي بعياله كذا بالله وش بيكون شعوري تجاهه ؟ يعني لو كنت بمكاني وش بتسوي ! لما تروح تخطب أو تملك وعرفوا أهل البنت أن ابوك مطلق هل يقدرون موقفك أنك جاي ومعك خالك أو أخوك بدون ما يكون حاضر ؟ المصدر: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] - من قسم: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] HkJh H;Jvi HfJ,d fa;Jg tqJdu عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
| الساعة الآن 01:56 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة وبرمجة