زيارة اهلي
 

السلام عليكم ..
عندي مشكله اتمنى تساعدوني بحل لها
بالبدايه زوجي يومين في الاسبوع يكون عنده استلام بالعمل يوم كامل بالدوام وثاني يوم يرجع
طبعا انا كنت اروح عند امي باليومين ذي ..لكن الحين لا اقعد بالبيت لحالي منجد صرت اطفش واحس بالغبنه لما اقعد لحالي ..وحتى لما يجي زوجي ويطلعنا مثلا ..برضه ماارتاح لاني ابي امي واهلي ..
بتقولون ليش مااروح لهم هنا المشكله امي مرة ماتتحمل ولدي وتفرح فينا في البدايه بس بعدين مرة تنزعج منه ، ولدي عمره سنتين والله ولا حلفتوني لكنه عادي جدا لا هو كثير صياح ولا شقي بزياده زيه زي الاطفال العاديين بس يمكن لان امي تعودت على الهدوء ماصارت تتحمله لا هيا ولا اختي بالرغم اني اشيل مسؤوليته كامله انا اغيرله واسويله رضاعه وانظف وراه مع ان فيه شغاله بس امي مره تزعل قول لا تخلوها تهج ومستحيل اذا خرب ولا ولا كب شي هي تنظف انا انظف
طبعا انا اقول هذا الكلام لان بدون مبالغه كل اللي حولي بمجرد ماتزور اهلها عيالها ماتعرفهم لان اخواتها يشيلون ويريحونها سلفتي مثلا تقول لما اروح لاهلي بنتي اخواتي يمسكونها وانا ارتاح ومو بس هيا كلهم كذا والله اني انقهر فوق مني شايله المسؤوليه في البيت وعند امي لكن محد يتحمل
ولدرجه لا جا الليل واذا مانام ولدي عشان المكان متغير امي تحطنا بمجلس الرجال وتقول لا تخرجوا واذا خرجت تخاصم تقول ارجعي الحين ولدك يصجنا وتشرد الشغاله! وفعلا نقعد لحالنا بالمجلس حتى اختي ماتجي مع ان سريري موجود بغرفتها لكن ماترضى انام عندها عشان لا يزعجها ولدي
وبعد مانروح تعطيني امي محاضره عن الاهتمام واني مقصره وانه هذا مو اسلوب وكلام كثير
والله قلبي يوجعني نفسي اقولها طيب انا شايله المسؤوليه وكل اللي اعرفهم يروحون لامهاتهم او اهاليهم ينبسطون ويرتاحون الا انا بس طبعا اسكت
عشان كذا صرت اقعد لحالي مو زعلانه من امي مثلا لا هي تقول لا تجون اذا عند زوجك استلام تعالي بالايام العاديه ولما اجي كل شويه تتأكد انه زوجي جاي ياخذنا!
منجد مرة احزن وانغبن لما اشوف سلايفي كيف اهاليهم يشيلونهم من الارض شيل
انا منجد ابي حل لان بدأت نفسيتي تتعب دايما افكر لو لا قدر الله صار لزوجي شي اموت ولا كيف؟!
حتى اخواني لو اموت مستحيل يودوني لأي مكان باختصار بهذله دايما واذا زوجي مو موجود وكنت محتاجه شي اعرف انه من سابع المستحيلات احد منهم يودي ولا يجيب
وامي تقول اذا جبتي ولد ثاني لا تجوني منجد تعبت ولا افكر بالحمل نهائيا واحيانا احقد على ولدي احس غير حياتي وكره اهلي فيني
مع ان من يوم نطلع وهما ارسلي صور ولا فيديو للولد! لكن من يوم يجي يتضايقون!
منجد وش اسوي بالايام اللي اقعد فيها لحالي وكيف اتكيف مع وضع اهلي؟!




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]