مقبله على الزواج وخائفه من تدخل زوجي في مشاريعي ؟
 

السلام عليكم

انا بنت عمري 32 ماسبق لي الزواج من قبل .. حاليا اعمل معلمه واكره عملي لاني مالقيت نفسي بالتدريس .. مشكلتي اني مااحب احد يامر علي ويتحكم فيني .. أحب ادير اعمالي بنفسي واتخذ قراراتي بمفردي وغير كذا احب اني لما اتعب على شي واتميز فيه القى نفعه يعود علي مو على غيري !

وهالشي معدووم بالتدريس .. لذلك قررت ان ابدا مشروع جديد ولازلت في بداياته .. بس طبعا المشروع ماخذ كل وقتي وتفكيري ويحتاج مني اسافر كثير ويحتاج مني مراقبه مباشره

لما تقدم لي خطيبي فرحت كثيير لاني كبرت ولازم اتزوج وتعبت من سواليف المعلمات اللي كلها عن الزواج .. انا فرحت كثير لاني راح اتزوج اخيرا ,, بس بالمقابل افكر بمشروعي الجديد
والفلوس اللي حطيتها فيه اخاف من زوجي يتدخل في الموضوع .. لان من سوء الحظ الرجل العربي بشكل عام يركز تفكيره على السيطره على زوجته وتملكها .. مايفهم معنى الشراكه وانه كل طرف له حياته الخاصه ويقددر يتصرف كما يشاء ..

والله خايفه كثير .. وماادري خطيبي من اي نوع من اي نوع من الرجال بس اكيد انه عربي :(

تو سمعت سالفة وحده من قريباتي متخانقه مع زوجها بسبب انها اشترت ارض بدون ماتقول له .. ومن فلوسها وتعبها :(

ياربي اقسم بالله اني اكره الرجال .. لكن اللي حادني على الزواج ( كلام الناس يتعبني + ابي اطفال ينادوني ماما ) اما الرجال وربي مااثق فيهم ولااجد سعاده وراحه معهم .

انا خايفه على مشروعي اللي حطيت فيه كل مااملك ولازلت في البدايه .. شوروا علي وش الحل ؟؟




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]