ابو زوجي والغصه الي مالها حل
 

السلام على الجميع اشكر فيكم روحكم وحلولكم الحكيمه التي يستفيد منها كل صاحب مشكله انا عضوه معكم وياما شاركت واعطيت حلول بس للأسف مشكلتي هذه مالقيت لها حل يمكن لان العاطفه تدخل فيها طول عمري احب الناس ومعطاءه واعفوا عن من ظلمني لقناعتي ان الحياة بالتسامح اجمل قلبي يكون مرتاح ودعائي مجاب عند ربي وان ظلمني احد اكتفي بالصمت والله حسيبه عمي ابو زوجي كنت احترمه ومنغشه فيه وحطيت له منزله مو طبيعيه من الحب لكن اكتشفت انه شخص عكس ذلك على مدار 15 سنه كان يغلط علي وابوس راسه لاجل الماي يروي العشب والحياة تستمر خصوصا انه جد اولادي يسوي حركات الحريم ويبحث عن المشاكل ولما ازورهم علاقتي ببناته جيده ولما اجلس معاه بالمجلس يقول انتي قلتي لبنتي كذا وانتي سويتي اقول بقلبي لاحول يقول كلام بهتان زور مهما احاول اعرفه الحقيقه مايقتنع انت كذا انت كذا وانا اطوف واقول ماشي ابو زوجي اقول ياعمي ترى الكلام هذا غلط خلني اشرح لك يقول مابي افهم اطظر اقوله ماشي عشان حياتي ماتخترب مع زوجي الي ورث نفس الطبع 15 سنه عمري ماقلت لزوجي ابوك قال اوعمل لان ورث نفس اطباعه بنظره هو مايغلط المهم جاريت حظي وابتعدت عن كلشي على اساس اعيش والله رزقني بيت وابتعدت عنهم واهلي وارحب فيهم بالمناسبات الي حصل ان زوجة اخوهم طفح فيها الكيل وكلمتني مره وقالت انا تعبانه ابي افضفض لك وفعلا بطينا الجربه وفضفضت لي وفضفت لها وودعنا بعض ومسحنا المحادثه وصلينا ونمنا الي حصل جلست ص الي زوجة ولدهم على زلزال تلفونات من الصباح استدعاء لزوجها من ابوه احضر حالا وشوي رجع لها ومسك جوالها يقلب فيه مالى محادثات تحقيق تكلمي من البارح وجالسه 3 ساعات قري والا توصل لطلاقك قرت المسكينه اكلم فلانه ويروح يعلم ابوه تكلم فلانه قال له طيب احضر انت وياها استدعاء لمجلس عمي ويسوي التمثيليه ويقول لها محادثتكم كلها وصلتني ومو عيب تتكلموا علينا وتحشوا فينا 3 ساعات وهي لانها مسكينه وضعيفه خضعت للتحقيق وخرت كلشي من مواقف حكيناها والله يشهد اني ذكرتها لتحءيرها لانها قالت رحت لعمي اشتكي المهم انا ماقدر ينفس علي كتب في قروب العيله عن النفاق والغيبه ويافهيم افهم طبعا انا حيرني الموضوع وقلت احط زوجي بالصوره وكلمته وقلت البارح شفتني تأخرت بالنوم كنت اكلم زوجة اخوك وكانت تشكي وانصحها وسوالف حريم اليوم ابوك حاط بالقروب هذا الكلام وبس هذا الي قلته له عشان لو صار شي انت عارف الموضوع وشكله عنده مقصد لان مدور على الصور ومكبشر الشاشه مسكين يتعب على هالسوالف ههههه تراه متقاعد ومستقعد للحريم المهم راح هو وكلم اخوه وعرف ان ابوه طول الليل يراقبنا انا ثنتينا متصل وشك انا نكلم بعض طيب وخير كلمنا بعض وافترض سوء النيه الي متعود عليها وجر زوجة ولده وروعخا وخدعها وقال لها عندي المحادثه وادري عن ايش تكلمتوا وكانها بتحقيق المهم انا الحين ماهمني كل هذا زوجي رجع مكتم وهب ولاكلمه مو قادر يلومني مثل عادته ويهاجمني لان تصرف والده يسود الوجه بنفس الوقت مو قادر يكون طبيعي معاي ولا اقدر اقول ابوك بس كلمه ما اقدر لان ماخذ طبع ابوه باي شي يمس عيلنه ففضلت السكوت طيب الان ابو زوجي يراقب حالتي ويشوف كلما كتبت شي رد عليه بصوره بالقروب مثل حركات الاطفال وانا ملتزمه الصمت لا اشارك وصرت ما اقرا حتى وعزمت اقطع العلاقه وافتك من المشاكل لازيارات ولا مكالمات ولا مواجيب له مني الي يرضي الله وبس عياله يشوفهم مع ولده وانا خلاص تعبت من تصرفاته وظلمه لكن المشكله ان نفسيتي .... ماحب العداوات ماحب البغضاء وبنفس الوقت ماحب المؤمرات ونقل الحكي واللقافه والتدخل في الخصوصيات وكل كبيره وصغيره هل معاي حق اقطع علاقتي انا فقط مالي دخل فيه ولده وعياله انا بس عفتهم خلاص هل توافقوني بهالشي هل انا معذوره طبعا انا ذكرت لكم موجز والا مشاكله تطول وكلها تدخل في الخصوصيات والامور الشخصيه بين الزوجين والاولاد واسمحولي على الاطاله




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]