|
قصة جلال والفول (مسابقة القصة المميزة)
السلام عليكم ورحمة الله وبركاته محمد احمد أبو النور هايحكى لأصدقائه وخالاته فى المنتدى قصه جميله ان شاء الله وهادفه حكتها انا له زمان وأمى كانت حكياها لى ربنا يرجعها بالسلامه. طبعا محمد حكاها لى بالتفصيل بس انا هاختصر جلال والفول =========== صلوا على النبى كان فى مرة واحداسمه جلال مامته مرة عملتله فول على الغدا قال لها بغضب انا لا احب الفول أنا لا آكل الفول مامته زعلت منه وراحت للعصايه قالت لها تعالى يا عصايه اضربى جلال علشان هو يعصينى ويقول ان لا احب الفول...أنا لا آكل الفول .العصايه قالت:"انا مالى ومال جلال"الأم راحت للنار قالت لها تعالى يا نار احرقى العصايه علشان العصايه مش راضيه تضرب جلال وجلال مش راضى يأكل الفول قالت لها :"أنا مالى ومال جلال"راحت للمايه تعالى يا مايه اطفى النار علشان...قالت انا مالى ومال جلال..راحت الأم للبقرة تعالى اشربى المايه...مارضيتش..راحت الأم للجزار تعالى يا جزار اذبح البقرة علشان....قال انا مالى ومال جلال..راحت الأم الغضبانه من عصيان جلال للحبل تعالى يا حبل اضرب الجزار علشاااان وحكت الحكايه قال الحبل انا مالى ومال جلال راحت الام للفأر قالت له يا فار تعالى اقرض الحبل علشان الحبل مش راضى يضرب الجزار و....قال:"أنا مالى ومال جلال" راحت الام للقطه قالت لها يا قطه تعالى كلى الفار علشان الفار مش راضى يقرض الحبل والحبل مش راضى يضرب الجزار والجزار مش راضى يذبح البقرة والبقرة مش راضيه تشرب المايه والمايه مش راضيه تطفى النار والنار مش راضيه تحرق العصايه والعصايه مش راضيه تضرب جلال وجلال يعصانى ويقول"انا لا احب الفول...انل لا آكل الفول" ************** القطه قالت فأأأأأأأأأأأأأر هو فيـــــــــــــــــــــــ ـــــــن؟ جرت القطه خلف الفأر.. الفأر خاااف وجرى خلف الحبل... الحبل خااااف وجرى خلف الجزار... الجزار خاااف وجرى خلف البقرة... البقرة خافت وجريت خلف المايه... المايه خافت وجريت خلف النار... النار خااافت وجريت خلف العصايه... العصايه خافت وجريت خلف جلال... جلال خاااف وجرى يأكل الفول واتأسف لمامته وقبل ايديها وقال لها سامحينى انا هاكل الفول وهأكل اللى تعمليه ولما شافت الكائنات الأخرى رضى الأم عن جلال راحت وما رضيتش تأذى بعضها والحمد لله. ?????????? ايه رأيكم يا أصدقائى ويا خالاتى الغاليين حلوة القصه؟ فى أمان الله عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
| الساعة الآن 09:42 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة وبرمجة