زوجي يشرب !
 

السلام عليكم

اختكم في الله محتاجة مشورتكم لاني بجد ماعرفت كيف اتصرف

باختصار انا اكتشفت ان زوجي يشرب بس مو دايما صارحته اول مره انكر والحين لما رجعت من الدوام قالت لي الخادمة ان كان يستفرغ كثير وقالت واضح ان زوجك يشرب خاصة ان الخادمة هذي جايه من ديرة مفتوحة والاسلام فيها قليل وهي اساسا مو مسلمة واكيد يعرفون هذي الاشياء ومن يتعاطاها بسهوله
طبعا هو محترمني ومدلعني وتعامله معي راقي
لي منه طفله يشوفها نور عيونه
علما انه مطلق من قبل وعنده عياله وكان من بداية زواجه الاول مشاكل مع زوجته الاولى وطلقها مرتين خلال زواجهم ومو عارفه اذا كان هالشرب من زواجه الاول ولا تو بدا فيه انا ماصار لي معه سنة وشوي
هو انسان ينام كثير عصبي وبسرعه يندم ويعتذر

ابي منكم حل هل اواجهه للمره الثانية ولا اسكت خاصة انه يخاف ان صورته تهتز قدامي هذا الي فهمته من تصرفاته وكلامه

علما انه موظف بتخصص راقي وانا كذلك ورواتبنا عالية وانا مااطلب منه شي ومع ذلك خلال اسبوعين راتبه يخلص عذره انه يصرف على عياله ويمشيهم ويعوضهم عن غيابه بالفلوس خاصة انهم متعودين مايلبسون الا ماركات ومايكفيهم بالمناسبات لبس واحد او اثنين لازم اكثر ..




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]