زوجـي يطـلب مني أن أجهض طفلي !
 

السلام عليكم ورحمة الله تعالى وبركاته
انا امرأة عمري 20 سنة تعرفت على زوجي في زواج احدى صديقاتي لم نطيل التعارف كثيرا بعد شهر من التواصل احبني كثيرا فطلب مني ان يأتي لخطبتي فوافقت هو موظف وراتبه ممتاز جدا و هو حنون وعاطفي جداا لكن صارم في نفس الوقت المهم خطبني وقبلوا اهلي واستمرت الخطبة اربع شهور ماحبينا نطول كثير صار الزواج وانتقلنا لبيت لوحدنا المهم بعد الزواج بايام صارحني انو مابدو اولاد انا مافهمت ليش وماطولت معو بالموضوع كثير قلت لحالي يمكن لانو بدو نعيش فترة لحالنا مرت الايام كل يوم كنت عم حبو اكثر وهو كمان كان دايما يقلي انو اسعد يوم بحياتو اليوم يلي التقى فيني ومن هالحكي المهم مضى عام واحنا متزوجين و لا صار في حمل لاني كنت باخذ حبوب بعدين تركت الحبوب بدون علمو بعد 4 شهور صرت حس بدوخة وقيء و غثيان عملت تحليل وطلعت حامل قلت بعملوا مفاجاة لانو انا كثير بحب الاطفال حضرت حالي وزينت البيت عشان اخبرو بالليل المهم اجا من الشغل بكير لاني كنت مخبرتوا انو في شي بدي احكيه معو و تعشينا و كان ناطر شو بدي احكي المهم انا خبرتوا وكنت مستنية انو يفرح مثل ردة الفعل الطبيعية لكل الرجال بس مافهمت كيف عصب وصار يصرخ ماترك شي ماقالوا حسيت انو رح يقتلني مافهمت ولا شي حاولت اسئلوا ليش مابدوا وليش عصب بس ماجاوبني على شي وترك البيت وطلع عنجد كسر بخاطري وخلاني اكره حالي شو ذنبي يعني المهم الليلة كلها ما اجا الصبح اجا و كان افضل من الليلة السابقة سألني بهدوء لماذا اوقفت الحبوب خبرتو اني بدي بيبي سكت شوي فكرت انو رق قلبوا بعدين طلب مني اجهض البيبي بالرغم من اني تجاوزت الشهرين و حرام اني اقتل البيبي صدمني كثير و الاكثر اني ماني فهمانة ليش عم يعمل هيك المهم مر اسبوع وهو على رأيو خيرني يا هو يالبيبي انا بالرغم من كل محاولاتي ما قدرت افهمو منو السبب دلوووني شو اعمل الله يجازي كل مين رح يرد شو اختار شو اتصرف محتاارة وعنجد نفسيتي تعبانة




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]