|
شـك زوجـي الـدائم وندمي على الزواج منه
السلام عليكم ورحمة الله وبركاته
انا بنت عمري 23 متزوجة وعندي بنت وادرس بالجامعه اول ماتزوجت كانت حياتي سعاااااده ولله الحمد لكن زوجي معقدني باشياء كثير اول حاجه من ناحية الجامعة وتدخله الزايد من الجدول والمحاضرات والاوقات حتى اوقات الفراغ يحاسبني عليها وجلستي صديقاتي الي تسببله حاله من القلق اتصالات كثيرة وتحقيق ومع مين جالسه والساعه كم تبدا المحاضرة والخ .. وكمان لما ازور اي احد يتصل متى حترجعي والوقت الفلاني وانتي ف البيت سواء رحت لجيراني او قرايبي او قرايبه هو هذا غير تفكيره السلبي من كل ناحيه والثقه المعدومه حتى اهلي مايخليني اروح معاهم المشاوير والتماشي والزيارات الا بموافقته اوكي مانختلف استاذن لكن احيان من غير سبب يمنعني ويخليني بالبيت لحالي عقدني وطفشني حتى سرت اسوي من وراه والمصيبه ع طول يقفطني شلون مادري وكمان جوالي كان ايفون وشريحتي باسمه يعرف وين اروح ووين اجي ومين اكلم ومين يتصل علي ومن يرسلي طبعا مو المضمون بس يطلع عنده الرقم الفلاني ارسلي وكدا وهوا لما يروح لاهله خلاص يهملني ولا يكلمني الا اذا ابغا شي وكذا طبعا اكون عند اهلي لكن لما اخرج من البيت شوفوا القلق والاتصالات الي بتفجر الجوال ولما اروح للجامعه ما يحب يشوفني اكشخ للجامعه ياناس ليه الاستعباد دا معقول الزواج كذا معقول الرجال كلهم كذا ازواج اخواتي مرا غيررر مخلين اخواتي ع راحتهم يكره التماشي الكثيره يعني بالشهر مرا او بالشهور بالبيت طيب ليه لا الي انت رحمتني ولا خليت رحمة ربي تنزل عليا احسو مايحبني تعبت من حركاته هذا غير اني قد مسكت عليه انو ع علاقه بوحده اول ماتزوجت وسامحته عليها لاني شوفت الندم بعيونوا والله يوم اشوفه يجلس لحاله او يطلع برا البيت اتخيله يكلم ياناس غيرههه تاكلني اكل اقول ياربي انا توي ببداية عمري ومن الحين هم وغم طبعا الطلاق مستحيل لانو سبق 2 من اخواتي تطلقو لكن الي تزوجت مرا ثانيه والي رجعت لزوجها بس انا صعب اتطلق كمان وخصوصا عندي بنت اااه وربي حتى شكلي تغيررر في شي ثاني كمان حابه اقولو وهوا الي بدأ يكدر حياتي اكثر انا قبل لا اتزوج كان فيه واحد من قرايبي خاطبني ومن زمان وكان يحبني حب مو طبيعي وأما جا وقت الخطبه انا رفضت لاني ماكنت ابغا اتزوج ذيك الفتره ورجع خطبني بمحاولات من اهله ومن اخواتو واتا رافضه قال بجلس انتظرها لين تخلص دراستها لمتى ماتبغى لكن ماكان مني غير الرفض ورفضي كمان كان سببه الاكبر امي الله يهديها ماكانت تبيه تقول شكله مو حلو ووضعه المادي مو زين الزبده انا ماكان فيني اي احساس فجاه بعد ما اتزوجت انا وعشت هالحياة كلها بديت اندم يا ناس بديت اتقطع لما اسمع طاريه خصوصا اني كل اجازه لازم نجتمع وهوا موجود مجرد م احس بوجوده احس بعذاااب ليتني تزوجته ليت ليت ليت ابغااااااه ابغاااه بكل مافيني بتقولو حاولي ما تسمعي طاريه ما اقدر خصوصا اختي متزوجه اخوه تسولف عنه احيان يمكن هالندم بسبب حياتي مع زوجي ابغا حب يا ناس من حقي احس فيه زوجي اتوقع فهمتو مشكلتي ابيكم كلكم تردون تكفون لحد يقرا ويطلع خصوصا انتوا يالرجال اعطوني حل معاااه ومع حياتي وسلامتكم .. المصدر: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] - من قسم: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] aJ; .,[Jd hgJ]hzl ,k]ld ugn hg.,h[ lki عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
| الساعة الآن 06:37 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة وبرمجة