هل مشكلتي تعتبر عائق عن الزواج ؟
 

السلام عليكم ورحمة الله وبركاته .

بدخل في الموضوع على طول 💔

أنا كنت انسانة طبيعية ، بعد مادخلت المتوسط صديقاتي تركوني لأني كنت ( عاقلة ) وهم طاحوا بحركات البويات والإعجاب ، المهم عانيت كثير حسيت اني وحيدة لدرجة انه اذا جاء وقت الفسحة اجلس بالحمام لما تخلص
وصرت ( حساااسة مرة ) والحساسية سببت لي قلق ومع الوقت صرت اهتم بنظرة الناس لي واخاف يقولون عني كذا واخاف يحسبوني كذا ، وهالشي اثر على نفسيتي كثير لدرجة طول الوقت متوترة ويديني تعرق من التوتر
كل هذا الحمدلله راح عني صرت مااهتم لنظرة الناس مره لكن مشكلة التعرق الى الحين معي


مشكلتي هنا:
الحين انا بالجامعة وكم مرة يتقدم لي خطاب كفؤ لكن ارفض عشان ( تعرق اليدين والرجلين )
أحسه مسبب لي أزمة مررة وطول الوقت افكر واخاف تعرق يديني بعدين تبدأ تعرق

اما اذا كنت لاهية ولا جالسة لحالي القاها ناشفة تماما

والحين متقدم لي شاب ومتحسفة فيه لكن مشكلة التعرق أحسها عائق في الحياة الزوجية

هل تحسون أن هذا سبب ولا جدًا تافه؟

أتمنى ترشدوني وتدعون لي 🌹
وعذرًا على الكلام الغير مرتب




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]