مشكلتي صديقات اخواته
 

السلام عليكم
اكتب لكم و أنا مصدومه كثيير لكن الله يريح بالي
مشكلتي هي اخوات زوجي مره متفتحين
و عاد هاذي مشكلتهم لكن مشكلتي معاهم سوالفهم لزوجي عن صديقاتهم ووصفهم لجمالهم او افعالهم او مميزاتهم و اضافة بعض البهارات لأَنِّي اعرف صديقاتهم و معارفهم
و للمعلومية نادرا تكون هالسوالف امامي لكني أتفاجأ اذا سولفوا معاي بوجوده يكون عارف السالفه كلها و عارف صاحبة السالفه
هنا انا مشيتها و قلت عادي يمكن ما تربوا ان هالشيء خطأ و حرام يوصفون النساء لرجل و قلت فيه ميانه زايده
طبعا يعرف كل بنات جيرانهم بالأوصاف و يعرف صديقاتهم و صديقات أمه
هنا برضو مشيتها
المصيبه سناباتهم يصورون بنات بكل الأوضاع و الملابس سواء رقص او ضحك او أكل او اي. شيء و أخوهم متابع
طبعا بالبدايه وحت صارحته اني أغار و انه هالشيء خطأ راح قدامي كلمها واتس و قال سوي لي تخصيص و تجاوبت معاه و عادي جدا وقالت اثق فيك مارح تشوفهم
بعدها بيومين صورتهم و هم يرقصون رقص وكل التصوير مركز لأماكن معينه
انا هنا لا شعوريا رحت مسكت جواله و سويت لها حظر بدون يعرف هو و اخته و الى الان محظورة
جاتنا اخته الثانيه تصوير و سوالف بس بدون رقص
حاولت اتابعها عنده قبل أضيفها وجاء يوم مصوره فتضايقت مره و سكتت بعدين مسك الجوال قدامي بس كأنه مو قاصد لأنه عارف رح أتكلم لكن مو عارف اني ما قد أضفتها بهاذيك الفكره
وارسلها انتبهي للتصوير عندك قالت نسيت منك
حاولت مره من المرات أجرها بالسوالف اني انا مااقدر أتصور مع احد معنا كنت اثق فيها لاني اخاف يكون اخوانها يشوفون
جات هي و مأيده لكلامي بقوووه و حتى انه تسب في هالاشكال انا قلت خب اقطع اخر خيوط الشك فيهم قلت بس بعضهم تنسى تسوي لأخوانها تخصيص قالت لا ياحبيبتي خير تنسى هذا حرام و لاأحد يرضاها
و بذاك اليوم بالذات كانت سمره مع زميلاتها و بعدها تقابلنا و تعمدت اقول هالسوالف حتى قبل أضيفها و مجرد أضفتها كانوا مصورين بعض
لما رجعت و مسكت جوال زوجي لقيتها منزله السنابات و هو شايفها
هنا جن جنوني وتذكرت كلامها وش هالنفاق و التناقض
و مدري وش اسوي
للعلم زوجي ما هو ظايف بنات لكن اعرف انه يشوفهم بكل الأوضاع في انستقرام و قروبات اخوياه
لكن اللي مجنني أخواته و طريقتهم
و انا علاقتي معهم سطحيه جدا و علاقته بأهله مره كويسه و يمونون على بعض كثييير
و كمان أضيف لكم اني الحمدلله واثقه من نفسي و لا ابغا امدح نفسي
و دوبنا من سنتين متزوجين و سبق و عرفت انه كانوا يبغون يزوجونه احد صديقاتهم و البنت جميله لكن رفضها يقول مراهقه
و سبق و حكوا لي عن احد صديقاتهم كانت تبغاهم يخطبونها له لكن هم ما يبغونها و كارهينها
انا هنا اشتعلت فيني الغيره بعد السنابات و كمان احيانا يصورنه بالسناب بكل حالاته
و كمان هو ما يحب أتكلم بأي شي عن أهله على طول يعصب و ينعمي




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]