زوجي وضربه لي
 

السلام عليكم

باختصار مارأيكم بالزوج الي يضرب زوجته عند المشاكل انا تزوجت من 3 سنة باول العشرين خلوقه وع دين وجميلة الحمدلله عندي بنت اذا صارت مشكلة وهواش بيني انا و زوجي وكبرت ع طول انضرب ضرب مبرح وبعدها يستسمح مني عادي واسامحه..!!

لدرجة صارت عندي فوبيا من اي هواش حتى لو صغير و زوجي طبعه عصبي ويحب الامور ع كيفه ماعنده ليونه مع انه متدين ويحبني وطيب معي لكن اذا ختلفنا ب راي وصارت هوشه زي كل زوجين يرفع صوته علي ويسبني واحيان يسب اهلي ف ارد عليه بكلام عادي مثل احترم نفسك او لاتسب اهلي بصوت واطي..!!

ع طول يجي يضربني ويشوتني ويشد شعري ما اقوم الا وانا متكسره وجسمي كدمات كله ووجهي منتفخ اقوم لحالي وابكي يجي لعندي ويعتذر واسامحه يقول غصب عنه وان يحبني واني انا السبب مع انو هو الي يبدا يصرخ ويسب ومايبغاني ارد عليه ويقول كل الازواج كذا معقوووله..!!

وانا والله اطيع شوره واحترمه ولا مرة طلعت من البيت او سويت شي الا استأذنه فيه وربي الشاهد وانا يتيمه معندي ابو ولا اخوان الا صغار ومو قد المسؤوليه وامي ما ابي ازيدها هم والله لو عندي سند كفو والله لا اروح وما ارد الا بشروط لكن الله يصبرني الحمدلله الحين خف عن اول بالاحرى انا صرت اتجنب المشاكل بقدر المستطاع..!!

ولكن بداخلي للان مقد نسيت اهانته وضربه لي والكدمات الي تخلفها انجرح من داخلي واحقد عليه وصرت احسد اي حرمه تذكر هواشها او زعلها ع حاجه تافهه مع زوجها وانه يدلعها ومايرضى عليها اتقطع من داخلي اقول انا الوحيدة الي انضرب وانضربت من اول سنه لي احسني ناقصة ع الحريم استغفر الله قولولي هل في امل انسى او حتى اتناسى واذا في حلول اطرحوها هنا بارك الله فيكم..!!




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]