تعبت من ذكراها
 

السلام عليكم
راح احاول ادخل بالموضوع دايركت
انا شاب تزوجت من كم شهر
وصارت بيني وبين زوجتي الكثير من الخلافات والمشاكل
وتطورت الى ان وصلت لاهلها وكبرت المواضيع
فعرفت ان حياتنا الزوجيه لا يمكن تستمر
وحالياً لها فترة طويلة عند اهلها ماخذه اغراضها وزعلانه
الا ان الكثير من الاصدقاء والاهل انصحوني بالانفصال عنها خاصة ان مابيننا ذريه ..

و المشاكل بيننا كثرت ومالها حل ..

المشكلة يا اخواني وخواتي
اني لما اكون مع الناس تكون اموري طبيعيه وما اتذكرها وعادي ماتهمني

بس لما اكون سهران لحالي وماعندي احد اكلمه
ابدأ اتذكرها واتذكر طلعاتنا وسوالفنا ومواقفنا اللي مرينا فيها وغيره
وتخنقني العبرة ، وابكي احياناً
ادري اغلبكم بتقولون الحل بايدك ورجعها
بس ابداً هذا ماهو حل ...

لان وصلنا خلاص لطريق مسدود
ومابقى الا اني اسلمها ورقتها

المهم ابي نصايحكم لي كيف اقدر ابدأ حياتي من جديد ؟
واتخلص من هالشعور وغيره ...




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]