|
مشكلتي متعبه أبوي بصف البنات ضدنا
مشكلتي مشكلة مدري كيف اتعامل معاها .. زوجني ابوي من عائلة وانا ما عرف العائلة زوجتي محترمه مطيعه هاديه ما تحب الضحك الكثير ولكن سعدت بها و حمدت الله على كل شي بالبداية بعد زواجي 3شهور زواج كأني غريب بين اهلي .. ( دخلنا في موال زوجتك ما تسلم على اخوانك .. زوجتك ما تساعدنا .. زوجتك ما تتكلم .. زوجتك كأنها ضيفه .. المشكلة لا اعلم بالكلام الا من جهة والدي وانا متيقن يقين الكلام لا يصدر الا من نساء .. حاولت اهدي ابوي اتفاهم معاه كانه اقتنع.. ووووو الامثلة كثيره .. تمنيت لم اتزوج نع العلم مضى على زواجي اكثر من سنة .. كان ابوي يعزها معزة كبيره و يسال عنها و يكلمها و يهتم فيها و يعطيها .. و بقدرت قادر تحول الى كره .. صار عادي عنده ولا عاد يعاملها مثل اول و بعدها صار يرمي كلام يعني ( زوجتك من تكون عشان تلبس الماركات و الملابس هذي.. وو) طبعا ما رديت ولا شي سكت ولا ناقشته واما متأكد الكلام ما يطلع منه نهائي .. تزوج اخي الاصغر و سبحان الله قسمن بالله العلي العظيم يحمل لها مشاعر حب و احترام و تقدير و مكانه كبيره كبيرة كبيرة و سبحان الله ما حد تكلم بعد ما تزوج اخوي وقسم بالله صارت عند اهلي اغلى شي بحياتهم .. طبعاً ابوي زرع فيني الكره و الحقد من المعاملة يا ما غبت شهور كثيرة ويا ما درست و تخرجت و توظفت وقسم بالله ما شفت شي يرفع معنوياتي .. لم تخرج اخوي ما شاء الله ذيك الاحتفال تحلفون بالله ما بقى الا اهل الديرة يعزمونهم .. ولما توظفت و لما تزوج يعني ما يتركونه ما شاء الله عليهم وانا ادري ان السبب من الحريم هن المتحكمات بكل التصرفات ومين الي لها مكانه .. ابي ابي يكون لي عز و سند لقيت والديني يزرعون فينا البعد و النفور .. وقسمن بالله لما ادخل على امي انا و بنتي والله ما احس بضحكتها ولا شي .. لما يدخل اخوي و زوجته تحس تبلعها الارض من الفرحة والله ثم والله ثم والله اعطي امي الي بحاتي من هدايا و ابر فيها ولا عمري رديت لها طلب .. اما اخوي وقسم بجلال الله يركض لزوجته اكثر من امي و يعطي زوجته اكثر من امي .. ما احس بمشاعر الام احس بالنفور احس تكرهني ولا تبينا انا و بنتي حتى احيان تسوي حركات امي كانها بتقهرني مع اخوي يعني مثل ( جالسين انا وياه و ابوي قالت امي فلان يبي و مشتهي ذبيحه و يبشر فيها قال ابوي تم و يا الله جبوها له وهي تلتفت امي علي و تضحك ) حسيت كانها بتوصل لي رساله انقهر و عش مقهور و الامثلة كثيره كثيره ياما حطت علي ضنون سيئة و اتهامات شوهت صورتي بالبيت وعند اخواني و خواتي وربي بدون ذنب وربي بري من تهمها وربي اعيش بحالة متعبه و نفسيه محطمه و كل شي.. ابوي بصف البنات ضدنا ولو يغلطن علينا ما يهمه ولا يتكلم يحط حرته فينا و يهددنا وكل شي يسويه وحنا ما نبي الا انهن يحترمن و يقدرن فقط امانه نزلو موضوعي المصدر: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] - من قسم: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] la;gjd ljufi Hf,d fwt hgfkhj q]kh عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
| الساعة الآن 11:41 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة وبرمجة