تفسير حلم كتب كتابي علي خطيبي
 

السلام عليكم عدولاتي
وحشتوني و الله
انا النهارده حلمت ان اتكتب كتابي علي خطيبي مع العلم ان الموضوع ده شاغل دماغي جدا و دايما بفكر في كتب الكتاب و الشقه و كده
هو بإذن الله المفروض هنتجوز السنة دي
احنا مخطوبين بقالنا اكتر من سنتين بكتير يعني ماشين دلوقتي في تالت سنة
و انا حلمت اكتر من مره باننا بنكتب الكتاب او بنجهز لفرحنا
و النهارده حلمت اننا كتبنا الكتاب بس مشفتش المأذون و لا اي حاجه من مراسم كتب الكتاب انا بس حلمت اننا اتكتب كتابنا و انا كنت فرحانه و مستنيه خطيبي يكلمني لاول مره بعد كتب الكتاب و كنت متحمسه للمكالمه دي و في نفس الوقت هو مكنش بيتصل و زعلانه انه مش بيسأل
هو اصلا اليومين دول معتش بيسأل عليا زي الأول
عشان تشطيب الشقه و معدش فاضي انا بعمله اعزار عشان مزعلش
المهم انا عايزه اعرف ( تفسير حلم كتب الكتاب علي خطيبي ) و ايه معني كتب الكتاب عموما
انا بحثت من شويه و تهت في المواضيع مفيش موضوع واحد زي الي انا عيزاه
ارجو الرد بسرعة لاني مهتمه جدا بالحلم ده
و جزاكم الله خيراً



للوصول الينا ومتابعة كل جديداكتبي بمحرك البحث (منتدى عـدلات) او (3dlat)



عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]