طريقة عمل دوبارة حمص _دوبارة حمص الجزائرية_ من طبخ ايديا جبتلكم طريقة عمل دوبارة حمص
 

في الليل نغسل الحمص ونشمخو في ماء دافئ وساشي خميرة حلويات ونغطيه
في الصباح نصفيه في كسكاس ونحطو في لاكوكوط ونعمر عليه الماء عادي ونحطو فوق النار
كي يبدى يغلي نحي لكشاكش لي تطلع ونوجد الثوم مدروس مع الملح وضيفو عليه نزيد مغرف صغيرة راس الحانوت
وقليل عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] الزيت وورقة ولا زوج بوفجوخ ونغلق عليه واحد الساعة على نار قليلة حتان يطيب نكون وجدت الدرسة كالاتي
نقشر زوج حبات طماطم ونرحيها ولا نرابيها نحطها في وعاء ونضيف طماطم مصبرة كمون اخضر فلفل اخضر مقطع رقيق
دبشة مقطعة رقيق هريسة شوي ملح وخلاص هي الوصفة الاساسية كي تجي تسقي تحطي شوي من هذا الخليط في بول اوطبسي
وتحطي عليه الحمص سخون مع شوي مرق وتخلطي وديري زيت الزيتون وطرونش قارص لكن انا ندير طريقتي الخاصة والسهلة والنتيجة كيف كيف كي تجمل العايلة باش نتغداو نسخن الحمص حتى الغليان ونلوح الدرسة مرة وحدة يهز الغلوة ونطفي ونضيف شوي زيت في الاخير وهذا السر تاع الدوبارة اذا ضفتي الزيت في الاول تصبح مرق عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
ونسقي لولاد ولي يحب زيت الزيتون يدير ولي يحب الحار اكثر يزيد كل واحد واش ياكل مع طرونش قارص طبعا
ملاحظة اذا لقيتي الحمص موش خاثر وحبيتيه اكثر خثورة هزي شوي في طبسي امرسيه بفرشيطة ورجعيه للمرق تاع الحمص
الكتيبة بزاف لكن الطريقة سهلة حبيت يكون الشرح وافي





للوصول الينا ومتابعة كل جديداكتبي بمحرك البحث (منتدى عـدلات) او (3dlat)



عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]