منتدى روضة القرآن - أتى & جــآء .. !!

. عمرك فكرت ايه الفرق في القران الكريم بين الافعال " أتي - جاء " ؟؟

ممكن تكون حاجة جديدة لحضراتكم فى اللغة العربية ....وطبعا الفرق في القران لطيف زي ما اتعودنا ..يا تري ايه هو ؟! صلوا علي النبي الاول عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]😍 يقولك ( أتي الرجل الشئ ) يعني راح للشئ ده بسهولة ويسر من غير عناء مثلا يقول تعالى في سورة النمل { حَتَّى إِذَا أَتَوْا عَلَى وَادِي النَّمْلِ } موضوع ان جيش سليمان يروح عند النمل حاجة سهلة جدا وبالتالى قال أتوا .😀

..تمام ايه بقي جاء قالك والله جاء هي ان الواحد يعمل الحاجة بصعوبة او في محنة زي مثلا قوله تعالى في وصف اخوات يوسف لما رموه في البير و رجعوا عشان يكذبوا ويقولوا ان الديب كل يوسف وهما بيلعبوا { وَجَاؤُواْ أَبَاهُمْ عِشَاء يَبْكُونَ } هما جم ابوهم في حالة محنة او حزن فقال جاؤوا و لم يقل اتوا ....تمام 😐 ؟

...اما أجاء هي بنفس المعني بس فيها الف زياده في الاول لتدل علي زياده المحنة والصعوبة بلاضافة انها غصب عنك عشان كده ربنا قال في سورة مريم { فَأَجَاءهَا الْمَخَاضُ إِلَى جِذْعِ النَّخْلَةِ }المخاض وهو الام الولادة و الطلق جه للسيدة مريم في حالة ضيق و صعوبة بالاضافة انه غصب عنها فربنا استخدم أجاء ولم يقل اتي .😀

واحد يقولي وانا بقرأ قابلت قول الله تعالي { وَلَقَدْ كُذِّبَتْ رُسُلٌ مِّن قَبْلِكَ فَصَبَرُواْ عَلَى مَا كُذِّبُواْ وَأُوذُواْ حَتَّى أَتَاهُمْ نَصْرُنَا وَلاَ مُبَدِّلَ لِكَلِمَاتِ اللّهِ وَلَقدْ جَاءكَ مِن نَّبَإِ الْمُرْسَلِينَ } لاحظ كده قال #اتاهم ....في ايه تانية قال تعالي { حَتَّى إِذَا اسْتَيْأَسَ الرُّسُلُ وَظَنُّواْ أَنَّهُمْ قَدْ كُذِبُواْ جَاءهُمْ نَصْرُنَا فَنُجِّيَ مَن نَّشَاء وَلاَ يُرَدُّ بَأْسُنَا عَنِ الْقَوْمِ الْمُجْرِمِينَ } المره دي بقي استخدم #جاءهم ؟! ليه بقي ؟! الاجابة : ان في الحالة الاولي تكذيب الرسل شئ طبيعي لان اي رسول جديد لازم يبقي ليه اعداء وبالتالي جاء استخدام الفعل اتي لان نصر الله سهل يسير علي الله ولفظ اتي يدل علي السهولة ....انما في الحالة التانية الرسل حسوا ببداية يأس ودي مرحه صعبة اوي يوصلوا ليها وبالتالي الحالة كده فيها مشقة والم وبالتالي كان الاولي استخدام جاء لانها بتدل علي الصعوبة .

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]