زوجي العزيز فهمني غلط
 

مرحبا

مشكله بسيطه بيني و بين زوجي

انا في فترة النفاس و عندي شوي حساسيه و نرفزه بسبب لخبطه الهرمونات
انا وهو تمام بس رحت بيت ابوي عشان اخواتي يساعدوني بعيالي
ونحن ع اتصال دايم انا و زوجي و دايم يكلمني انه مشتاق لي و فرحان بولادتي ومشتاق للعلاقه الخاصه و متلهف لها :aaa61:

ف يوم كلمني ان البيت الي هو عماره يبنيها زوجي له و لأخوانه انها تحتاج منه يتواجد دايم
و ان تركيزه فيها ف انا اهون عليه و احفزه

ف تطرقنا ل الفلوس قال مابقى من القرض غير 10 الاف
قلت هانت
قال اي هانت و شقق العيال و قام يعدد كل شقه و ايش ناقصها
انا شوي كنت ارضع مولودتي و معصبه لاني اعاني من الرضاعه الطبيعيه الم شديد
ف قلت انا مابسكن هالبيت الا كارهته من كثر ماانت مقابله
قال بكيفك انا بسكنه و انا حابه
قلت و غيري بيسكنه ولاهو حاس بأي تعب لان غيره تاعب فيه
قلت يالله ان شاء الله بذوق العسل بعد المر
قال احمدي ربك حطيت لك دوور كامل و هما من شقه شقه
قلت حقي و من خير زوجي وباذن الله اني استاهل ولا تقارني بغيري شي طبيعي
وشقه كبيره عليهم مايدفعون الا شهريا الف وين الرواتب ولا متزوجين بعد و زيك زيهم مايفرقون عنك
وانا اتحمل و اصبر و عادي جدا ما ناكل ولا نشرب مابقى الا تصرف عليهم
قال ايش يعني ارميهم بالشارع اهلي واخواني
قلت لا كل واحد يحصل قد مايدفع
قال ايش قلت الي دفع اكثر يلقى اكثر
قالي والله هذولا اخواني و مالك دخل بيننا و انتي الطالعه وهما الداخلين
ولاتفكرين تفرقين بيننا و تبغين تعبين راسي و تكرهيني فيهم ! انتي اصلا مابيني و بينك الا ست سنين وهم الي عمري كله معاهم !و احنا واحنا واحنا قام اعلن الحرب

انا انهرت انه فهمتي غلط و عصبت زياده احاول افهمه اني مقهوره عليه (خصوصا انه يعاني من ديسك ف الظهر و هو لسا عمره35 ) مافاد ولا فهم
قالي يلا مع اللسلامه قفلت وانا حزينه

مانمت طبعا منهكه تعب و حزن و الم جاء اليوم الثاني حاولت اجدد نفسيتي لبست و تصورت له
انا و طفلتي لانه دايم يشتاق لها وحطيت مقطع اغنيه
و كتبت له اعتذار
أعتذر اني ضايقتك .. صحيح ست او سبع سنين تربطني فيك ، و الأهل ابدا و اولى و أعز مني .. بس انا الانسانه الوحيده الي حاسه فيك و اقدر كل جهدك و تعبك و صبرك و تضحياتك ، ولأنك انسان نادر في الوجود ولا يمكن ان يتكرر ، اتمنى تدوم لنا بصحتك و عافيتك و قوتك ولك طولة العمر ان شاء الله

مارد ولا كلمه لمده 24ساعه

رد هذا الرد


لوشفتي امي وابوي واخواني وخواتي ياخذون عيني تفداهم فلايحق لك تدخلين بينا تحرضيني عليهم…
هم عزوتي وعضدي وهم لحمي ودمي ووالله ما اقدم احد عليهم لا انتي ولا اولادي.
الولد لاراح يعوضنا بغيرة الله والزوجة تعوض
لكن الاهل مايعوضهم فلوس العالم.

وهذا الكلام قايله لك وانتي عند اهلك . واذا صرفت ع فلانه و علانه مالك دخل ولا لي دخل في علاقتك معاهم .
يقصد زوجات اخوانه ..!

ولا بين لي قبل اعتذاري ام لا و تجاهل الصور الي ارسلتها
انا حسيته نزل كرامتي تحت
تجاهلته تماما و لا كلمته صار لي اسبوع و زياده ما دري لو تشوفون المشكله بعين الاعتبار و تدلون برأي سديد بدون اي تجريح او اتهام .




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]