مين اختار؟!
 

انا كنت متزوجة و احب زوجي و هو يحبني و متفاهمين و كل شي تمام بس مشكلته الوحيدة انه يغار وااااايد و هالشي ما كان يهمني كنت احب اشوفه مرتاح بس لكن فيوم كان عنا جمعة عائلية بمناسبة تخرج اختي و كل عيلتي من البنات كانوا موجودات و كنا نبي نسويها في مكان معين لكن بعيد و من اجل عددنا الكبير ابن خالي اقترح يستأجر باص كبير من صديقه و يودينا اهو ، زوجي ما يحب ابن خالي هذا قال يحسه عينه مني و قاللي اعتذر عن الطلعة لانه زوجي كان مسافر قبلها بيوم و ما يقدر يوديني فانا وقتها ما رديت و قلت له تخرج اختي كيف ما اروح و كسرت كلامه و رحت و زوجي جن جنانه و تمشكلنا و قاللي انت كسرتي كلامي و جرحتيني و اكيد ابن خالك استغل الفرصة و يحلف و يتوعد و سفره زاد الطين بله لانه بعد عني و ما عرفت نتفاهم و سفره طال مدة شهر و نص كل يوم نتكلم بس نصارخ و ونتهاوش و نئذي بعضنا بالكلام و بعدنا كثير عن بعض و لما رجع من سفره بس شفته حن قلبي و حسيت بخطأي جيت اعتذر قاللي خلاص ما ينفع كل شي بينا انتهى و تطلقنا ، اهو قاسي بكلامه كان لكن باين انه دموعه كانت فعينه و ما دري احس انه طلاقنا ما كان بسبب المشكلة اللي صارت لكن الكلام و الخناق اللي جا بعد المشكلة خلاه يقوللي انت تغيرتي و صرت ما اناسبك ، صار لنا متطلقين 6 اشهر كل فترة و فترة ييجي يكلمني و احس الشوق بكلامه و انا احبه و اشتقت له لكن تعبت منه و هو يكابر بزعله ، من جديد تقدم شخص لخطبتي هو شخص كويس لكن ما احبه انا لساتني احب زوجي مو بعارفة شسوي ؟! قلت لزوجي تقدملي واحد جن و قاللي و انت بتقبلين ؟!! و حسيته يبي يموت من حرته ! لكن تاني يوم جاه و قاللي انه مسافر شهر و انه ما يبي الا راحتي و قاللي سوي اللي تبينه ، و انا يا ربي مو بعارفة شسوي ! اقبل الخاطب و اظلمه لان لسا قلبي عند زوجي ولا استنى عناد زوجي ينكسر ؟! انا ادري انه زوجي بعده يحبني لكن زوجي عنده كرامته بالسما و ما يسامح اللي جرح كرامته بسهولة ، شسوي استنى يسامحني و يرجعني ولا شنو ؟!! التفكير ذبحني !




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]