كل الناس مو طايقتكي..!!!
 

السلام عليكم اخواني واخواتي..
أتمنى اجد عندكم الحل لانه ماعندي احد اشكي له حالي وينصحني ..
اخترت هذا المنتدى لاني أتابعه من زمان ويعجبني ردود اعضاءة
مشكلتي طويلة نوعا ما ومتشعبة
انا من ام وأب منفصلين من زمان وبينهم مشاكل وصلت المحاكم
ممكن انا عشت هدا الوضع وأثر عليا او انا زوجي بيحاول يحسسني باني غلطانة ومايسند كلامه ماضي اهلي
تزوجت بعمر 19 وجلست معاه 9 شهور فقط وطلقني قبل ولادتي بأسبوعين (مع اني ترجيته بس يستنى الين أولد بس رفض)
وبفترة حياتي معاه كنت تعيسة وكان يضلمني كثير يعني أوقات يقفل عليا باب البيت بدون سبب ولاعمروا احد جا عندي بغيابه بس يعمل كدا عشان يعرف اني اخاف وياخذني لبيت اهله ويخليني انام عندهم عشان هو يسهر مع أصحابه بدون مايعطيني خبر عشان حتى أقلها اخد ملابس معايا وكانت امه تعطيني من عندها
كانت امه متعاطفة نوعا ما مع وضع اهلي
بس لمن شافت معاملة زوجي تغيرت وصارت زيه
سبب الطلاق هو ان مكافئتي وكانت 1000 ريال كنت اعطيها أمي لان ماكان لها بيت وامها وأبوها متوفين واعطيتها تستأجر فيها وترتاح
هنا زوجي تدخل ورفض وحاول يرجع المكافئة ودخل ابويا وأبويا رفض يتدخل بحكم انه حقي وانا حرة فيه وطلب امه تدخل ورفضت تتدخل ومن بعدها جلست بمشاكل لمدة 5سهور وتطلقت
ورجعت لبيت ابويا وذقت الظلم عنده عشاني مطلقة بعد سنه ونصف قدرت اروح لامي عن طريق المحكمة
لمن عرف زوجي بدا يتقرب مني وبعد 6شهور رجعني ..وكانت غلطتي اني رجعت
طبعا حطيت شروط منها اكمل دراستي ويدفع لي الرسوم ووافق
وكنت ادرس تمريض وحملت وجبت بنت وصار عندي الان بنتين والحمدلله توظفت ومضى على رجوعي لزوجي 5سنوات
مشكلتي هيا ان انا وأهلي دائما بمشاكل بالذات من جهة أمي وأبوي عالراتب
وعلاقتي بأهل زوجي متوترة لأنهم بصراحة مايحترموني ويتدخلوا بحياتي وبعدت عنهم جدا وبالنادر ازورهم
طبعا طول الخمس سنوات تعرضت للخيانة مرتين وطردني من البيت مرة
وضربني مرة ..ولاني كنت ضعيفة بالاول وعدت نفسي اني أخذ حقي بنفسي و كنت أرد له الصاع صاعين ولمن مد يده صفقته كف
واغلط عليه كثير بالكلام
هو تغير بس مو ذاك التغير
هو يبغا مني اثق فيه وهو مو قد الثقة
ويحاول يستولي على راتبي ويقنعني اطلع له سيارة
او اتشارك معاه براتبي كله وأصرف على البيت
لمن شافني خرجت من الموضوع بطريقة دبلوماسية صار جاف معايا ويخرج ويسهر ويهملني
وانا موظفة بقرية تبعد عن بيتي 150 كيلو
وإداوم أسبوع واجلس ببيتي أسبوع
قبل شهر ابويا يبغا مني فلوس وانا رفضت وزوجي قالي معاكي حق
انا كنت متنرفزة قلتله كلكم زي بعض
ومن وقتها زوجي قلب عليا لا يودي ولا يجيب وكل ماطلبت شي قال بعدين
اليوم رفض يجيب طلباتي وثرررت عليه وقلتله انا باخرج من البيت
قالي بناتي سيبيهم
انا انهرت وانقهرت وغلط بالكلام وغلطت وقالي انتي تعيشي معايا عشان مصلحة
قلتله اسمحلي أخذ البنات وشوف انا اجلس عشان مصلحة ولا امشي وصك الباب بوجهي
ورجع طلع قالي تجلسي بادبك ولاتمشي
قلتله لمن انت تصير صح أعاملك بأدب
قالي انتي امك وأبوك ماعرفوا يربوكي
رديت عليه وقلتله ولا انت تربيت ولاماتخون وتظلم وتقصر بطلباتي
قالي انتي بتسوي مع ابوكي كدا كيف تبغي تعامليني
وكل الناس مو طايقتكي وإدا بتمشي من البيت امشي والبنات تسيبيهم
مع العلم اني انا شايلة كل مصاريفي واغلب احتياجات بناتي وكثير انا اقضي ملابس الصيف او الشتاء ولمن انزل السوق وأشوف حاجة محتاجينها أجيبها
وهو متضايق عشان رفضت أساعده بمصاريف البيت
وأصدقاءه أصدقاء سوء اللي يسافر للحرام استغفر الله واللي ماخذ راتب زوجته
ومايصلي زوجي نهائيا
ابغا رأيكم لاني راح أخليه يشوف الموضوع
وجزاكم الله الف خير




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]