تعقيب للمره الاولى كل الناس مو طايقتكي..!!!!
 

السلام عليكم
هدا رابط موضوعي الاول
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


تعقيبي كان للتطورات اللي صارت وخلتني اتخذ قراري وأرجو إنكم تنصحوني
كل اللي قالوا ان زوجي وقف معايا وساندني انا ما أنكر الشي هدا
بس هو يبغا يسيل يده مني باي طريقة
مثلا انا من فترة اطلبه شغلة ويقول بعدين عشان مايدفع
قبل امس كنت باروح السوق ووداني وقبل انزل طلبته فلوس قال مامعايا (مع العلم قبل أتوظف هو كان اول مايوقف يطلع المحفظة ويعطي)
جلسنا 10 دقايق نتناقش على 100 ريال حقت العشا وأحاول فيه قال مامعايا الفلوس بالبيت
قلتله انا مامعايا بعد نقاش طويل أعطاني
قلتله يعني معاك
قال ماهي حقتي
ونزلت
اليوم قبل العصر استأذنت منه اهلي رايحين مطعم وباروح معاهم
قال طيب تجهزت العصر
وقبل نخرج قلت له ابغا منك فلوس
قال مامعايا
قلتله اعطيني اللي تقدر عليه
قال مامعايا ولا ريال وجلس يتكلم عن مقاضي البيت وحق مشوار دوامي قلتله حق دوامي عليا بس دحين اعطينا حق الغدا
قال انا ماني سواق
وخرج واتصلت عليه احاول ورفض نروح
يا ناس فين الرجولة يعني هو عارف رايحين نتغدا
يعني ادفعي ولا مو مودي
عايشة بقهر وظلم وكل يوم انام ودمعتي على خدي
فين مسؤوليته كزوج
فين كرامتي لما يقفل الخط بوجهي
فين كرامتي لما يقولي انتي مهانة وزي الشغالة
انا قررت انفصل وقلتله دا الشي مجرد تخلص الشهرين هدي مدرسة بنتي راح اسيب البيت
ما ابغا اهجولهم معايا
قالي بكيفك ومع السلامة
طبعا يفكرني بس أهدد
بس قلتله وقسما بالله أكون مهانة وشغالة لو رجعت او سامحت
افيدوني بمصيبتي والله ماتمنيت الطلاق لكن اما الطلاق وأما أتحمل اهانه ومصاريف وذل منه ومن اهله
حسبي الله ونعم الوكيل




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]