توظفت وبتطلق
 

السلام عليكم ..
انا طبيبة ومتزوجة من 3 أعوام ماتم تعييني الا قبل شهر ، زوجي موقع على شروط الوظيفة بعقد الزواج لكن يوم جت الوظيفة بدا يستثقلها علي ويتحجج بحجج واهيه ويبي الراتب تحت تصرفه اضافة الى انه عصبي وتعبت نفسيا معه ، اللي صار طلعت من البيت مع نية عدم الرجوع اليه وذهبت انا ووالدي وكملنا بقية إجراءات التعيين ، راح ابدا اداوم قريب ولي شهرين في بيت هلي ماجا وشكله مبيت النية بالانفصال لاني عاندته خصوصا انه تهديد الطلاق دايم على لسانه على أتفه الأسباب ، هلي قالوا الشور لك وقلت لابوي اذا جا كلمك قوله مابي ارجع ، اللي صار يوم صار عندي كل شي فلوس ووظيفة أحلامي الى اخره دخلت في حالة نفسيه فظيعه وبس ابكي احس اني احبه مع انه متاكدة ماهو متمسك فيني كثر ماانا متمسكة فيه ، امي وأبوي مستغربين مني يقولون اش تبين بالضبط ماتبين ترجعين له ولا تبين تنفصلين! أقولهم شي يؤلمني ماعرف اش هو بس قلبي يعورني غصبا عني شوروا علي هل حالتي طبيعيه،؟! تمنيت ان ماعندي شهادة لكن تعبي 7 سنين ماقدر أضحي فيه لأي شخص ولو كان زوجي ولاتلوموني ، لكن يتقطع قلبي لما أتذكر ذكريات شهر العسل ، هل بنساه هل هي مسأله وقت؟




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]