منتدى روضة القرآن - أتفشل في كل الجمعات والوزارات ويعدلوا الناس كلامي

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم ورحمة وبركاته

بدخل ع طول ف الموضوع ، كنت فتاة طبيعية ، جدالية ، أمتلك قدرة كبيرة ع الاقناع

حتى لما دخلت تخصصي (القانون) ، كثير قالوا لي بناسبك وحتبدعين فيه .

كثير كانوا ينبهروا بقدرتي اللغوية ، المهم بعد وفاة اختي تدمررررت فعلياً، ما اعرف ايش سار بالضبط

ما أعرف أتكلم والله وأتلعثم بين كل كلمة وكلمه لازم أقول اممم شسمه ذَاك الشي

لدرجة والله مره جلست أتكلم مع أحد عن المكيف لكن نسيت اسمه !! فسرت أأشر عليه وهوا قالي تقصدي المكيف!! أنسى كثير من المصطلحات اليومية !!

ما أعرف ايش سار لي ، سرت لما ابغا أتكلم أغلب كلامي شرح عشان يطلعوا المصطلح.

مره كنت أقرأ قدام ناس ، حسّيت لساني كلو لعاب مو قادر أطلع مخارج الحروف لدرجة كانت في وحدة تصحح

لي.!!! ، لما أجلس أتكلم مع أحد افجأة أوقف وما اعرف كنت أتكلم عن ايش ولا ايش ابغا أوصل !!

حتى لو وحدة قالت لي ، كنتي تتكلمي عن دا الموضوع ، استغرب ما احس كنت أتكلم عنه!!

سرت لما اجلس مع احد أتكلم ببببكل شي حتى الأشياء اللي ما تنقال بس عشان ابغا ارجع قدرتي ع الكلام!! (سارت لي مشاكل بسبب دا الشي)

سرت ع اي شي اتنرفز .

أفتكر مره رحت للرسبشن ف عيادة وابغا اسألها مين اللي يعمل الليزر والمشرف عليها دكتور أو دكتوره ، قلت

لها مين يسوي دا الشي ؟! قالت الليزر ؟ قلت ايوه

قامت تقول ممرضة، قلت ايوا اقصد اللي يوقف عندها أقصد اللي ترجع له أقصد اللي أروح أنا له وأرجع له

سكتت وقالت تقصدي اللي يشرف ع الممرضة ؟! قلت ايوه قالت دكتورة

كان عندي أسئلة كثير بس اخذتها من قاصرها وخرجت خفت أتفشل أكثر.

ساروا الناس يعدلوا لي كلامي ، أنا اشرح وهما يقولوا المصطلح ، سرت لما اقرأ قدام ناس يضحكوا واسمع

وشوشاتهم !!

ما اعرف ايش سار لي بالضبط ، أنسى أهم الكلمات .

للعلم أيام المدرسة كنت دائما ف الإذاعة وكان عادي عندي أخرج قدام الناس وأتكلم حتى لو مو محضرة

اللي بقوله ، وحتى دحين عادي اطلع قدام الناس وأتكلم ( عشان ما تقولوا رهاب اجتماعي) بس عارفه حنسى

المصطلحات ، اذا حتى مع اهلي سرت أنساها .

المصدر: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] - من قسم: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

Hjtag td ;g hg[luhj ,hg,.hvhj ,du]g,h hgkhs ;ghld

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]