السلام عليكم ورحمة الله وبركاته

الموضوع ومافيه الخياااينه انا من بدايت عرسي حياتي كلها جحيم في جحيم
زوجي له علاقه في حريم وكل ماكشفه يكذب ويحلف لي ورجع ثاني مره امسكه صبرت عليه
ورزقنا الله في مولود قلت يمكن يعقل ضل على ماهو لاحياة لمن تنادي اكشفه يقعد يحلف بالكذب
ومن غير الهم والضرب عيشني في جحيم وكتب الله وحملت بعد المولود مابينها وبين الاول الا سنه
وهو على مواله لاحترام وغزل ويصد عني وبس ماسكه جواله طقت سبدي صبرت عليه خمس سنين كل
يوم اقول يمكن يعقل عشان لاضيع عيالي المهم ولاجيت اقوله مشيني مايمشيني تصير خناق وادق على امي ويوم تكلمه امي يطلعني سوق مايودي مثل الخلق بس خناق صار يطلعني لختي اختي تبعد عن المنطقه الي انا فيه 50 كيلو ورسله اقوله ماتبينا نسري يقول شوي شوي بعض الاحيان وحده باليل وبعض الاحيان اربعه الصبح بس الحق انا ارسله بشوف هو يبي يسري ولا لا مره نزلني مايمديه ينزلني وخذ ساعه دقيت عليه وجاني عالطول كنت اطلع انا واختي وبنت اختي بعمري للاسواق لعب في الشيطان وجبت شريحه وتعرفت ع شباب قلت مثل ماهو لاهي بسوي مثله مثلا اليوم رقمني واحد وثاني يوم طلعت معه لمطعم وصار فيها حركات الشباب من .... الاخره بس مالمس شرفي ولا جاني والله شاهد ثالث يوم يوم جاء زوجي يسريني قلت له ماعاد بطلع لختي لاني بصراحه مابي ادهور روحي وضيع روحي في ذيك اليله مسك الجوال زوجي طار عقلي وقلت خربانه خربانه سالني من وين جبتي الشريحه قلت له سرقتها من وحده بالعب عليك مايمديني اجيبها الا انت لقيته المهم المهم قالت افتحي الجوال قلت ناسي الرقم السري عطني لين اتذكره اعطاني الجوال والتهى مع الوغدان دخلت الجوال ومسحت الواتس وتويتر والاستقرام وقفلته جاني يسال قلت ماتذكره المهم فتحته له قال حذفتيهم وصار خناق ويضرب المهم صار كل يوم يقول الشريحه لكي وبعد سنتين من السالفه اعترفت له اني طلعت مع واحد صحيح عصب بس قال الله ردها لي وسكت وبطل السوالف بس المشكله انا اشك فيه لاطلع من البيت ع انه مايطول ويرجع حتى من الشكه اخليه يطلع بقميص النوم الثوب مايلبسه نهائين الا وقت الدوام والا بيراجع وتعبت انا نفسينا هل انفصل
والحين احسن من اول يوديني ويمشيني حتى السوق يوديني بس لاسالته وقلت ليش تأخرت ويحس اني شاكه فيه يقوم ويعصب يقول انا تركت السوالف من سواياتك ولا انظر لحرام انا المفروض الي اشك عيشني بجحيم هل انفصل منه والا اكمل حياتي واصبر اعطوني حل 😢💔💔