عروس مطفره 🙂
 

السلام عليكم

عندي مشاكل تراكمت علي وانا مو ناقصه
اول شي زواجي بعد 13 يوم ولا احد من جماعتنا حفلني غير وحده من عماتي بالرضاعة جابت تعليقة خفيفه جداً وملبوسه عجزت تنظفها لي حتى
والباقين ماقصروا بيحضرون الزواج كلهم ولا مدوا علي بشي او ساعدوا
وبزواجات بناتهم وحفلات تخرجهم وباي مناسبه كل وحده من اخواتي تمد شي مع امي
وانا بتخرجي حتى ماده علي اسواره خفيفه ملبوسه والباقين من جماعتنا مامد شي علي
انا منقهره لان والله محتاجه اشياء كثير وناقص علي اشياء كثير ومنزنقه قد شفتوا عروس توها تشري جهازها وتروح تبيعه قبل الزواج
حتى صديقاتي ماقصرت معهم بشي والله اني ازنق نفسي واتسلف وادفع من دم قلبي و بالنهايه ماحد فيهن حفلني او اهداني شي
والمهر مايكفي الا مظلومه بالمهر كثير طالبه شي ووفروا لي اقل وزنقوني معهم
انا نفسيتي في انعدمت انقهر لما وحده تقول ارفعي لي كرت لزواجك بحضره من جماعتنا وصديقاتي
وهي حتى ماتسال اذا محتاجه شي او ناقصني شي
اقول ليش انا بالذات حظي كذا يوصل فيني الحال ابيع طقم جديد مالبسته لان الاغراض نقصت علي
والله بعت اغلب ذهبي الجديد وفيني الصيحه وماقعد فير طقم الزواج وناقصني اشياء اكثر
للامانه شي يقتل الواحد .. ماتقصر مع الناس وهم يقصرون معك ولا يستحون




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]