منتدى روضة القرآن - أحلام فتره الملكه

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بسم الله الرحمن الرحيم
اتمنى تعتبروني أختكم وتسدون علي بالرأي السديد المليء بالحكمه :aaa33:
هذا الله يبارك فيكم انا مملكه من شهر 4هجري ذي السنه على شخص ليس من الجماعة كتب الله لي نصيب معه بعد إستخاره وسؤال وبحث عنه عمره 33 لم يسبق له الزواج ولله الحمد عمري 29
كل شيء تمام واستطاع اخي معرفه إتجاهات سفرياته قبل كانت بين المغرب دبي والبحرين طبعا مشبوهه لكن مااقدر احاسبه ع ماضي وممكن مجرد سفريات يعني بالعربي مااقدر اظلم الرجال
وافقت وحصلت الشبكة وكانت من اجمل ما يكون وحسيت بفرحته لكن خجول ولا طلب رقمي استغربت ومرت الايام انقهرت شلون ما يكلمني ماعنده شغف الشباب ومن ذا الكلام الحساس وكانوا كل الي حولي مملكين غزل وحب وغرام ومكالمات
يعني كنت ابي مثلهم لان من قبل كنت متوقعه هذه فتره الخطوبه لكن انصدمت
تعايشت مع الوضع الا بعد فتره عمتي كلمت امي تبي تستأذنها يكلمني فرحت واسعد يوم كان وانتظر رسالته واتصاله وارتب كلامي ومشاعري وكيف اتعرف عليه واعرف تفكيره جاء اليوم الاول ولاشي اصحى من النوم امسك الجوال ولاشي الثاني الثالث نفس الهرجه بعد شهر بعد مانسيت السالفه ارسل بالواتس وعرفني عليه رحبت فيه كان راح يتصل بعدين اعتذر بمشاهده مباراه تركته ع راحته
بعدها بكم يوم تعرفنا ع بعض طبعا كتابه غزل وهيام مافي كلام خفيف نظامه كان يرسل بعد ثلاث اربع ايام سؤال عن الحال واذا محتاجه شيء
طلب زياره ورحبت فيه كان متردد ومستحي شلون يجي وحده وناوي مامته يجيبها ورفضت بس بعد مااتفق معي وتجهزت بنفس يوم الزياره اعتذر المهم كيف كذا تردها بخاطري ومن ذا الكلام وجاء وانبسطنا سواء
والرجال صار بعدها يقول فين راح يروح وكذا ويصور فين يكون وقال احبك ومن هالكلام وطلب زياره صرفته لان امي ماتبي يصير مالايحمد عقباه من سوالف الشبكه وكلمني مرا وحده اتوقع نهايه سته احس صوتي ماعجبه لانه قال صوتك مبحوح هههههههههههه قلت أي هو كذا ااخ قلبيmanshy
واحس بعدها خف تواصله شهر سبعه وثمانيه كنت ارسل يرد متأخر جدا اوبعد يومين او يوم انا مو من النوع اللزقه ابد ولا اتصل قبل رمضان قلت له بمسج من انا بحياتك رد زوجتي قلت كذا زوجتك تتركها كل هالفتره ماتسأل عتاب خفيف قال انشغلت رد الجاف:aaa33:
تركته كم يوم ثم قلت له بخاطرك شيء قال لا قلت لو تواصلي فيه ازعاج بلغني اوقف ولارد قمت عصبت حذفت الواتس بدايه رمضان عمتي كلمتني وهنئتني برمضان وكذا وانو ليش حاذفته رديه رديته ع مضض بس ماتواصلت معه لاني ماابي اطفشه ولاني مااعرف طبعه واظلمه
بليله العيد جات عمتي وباركت لي بالعيد ومعهاا عيديه من زوجي جدا جميله وورد وكذا هو ماجاء كان بمنطقه ثانيه وقالها مستحي اجي معاك وطلبت تتصور معي وتصورنا وقالت انو كذا طبعه وبادري انت وو و من هالكلام وان حتى مع اخته كذا مايرد ولاندري وش بخاطره حاولي تتصلي ترسلي مافيها شيء طبعا قلت امي وهي ادرى به
طبعا راحت وأستأذنتني ترسل صورتي له عشان يفرح قلت خذي راحتك طبعا بعد صلاه العيد مباشره ارسل تهنئه بالواتس ورديت وبعدها اتصلت واحسه مبسوط ولافيه شيء وقال ذا العيد غير ماطولنا لانه برى مع اهله
ثالث العيد اتصلت بكلمه مارد تركت مسج انو اتصل مارد بعدها بكم يوم ارسلت كلام حلو واني حابه اعايده كيف توصلك مارد ..!
ططبعا بس كلم اخوي انو راح يجي وللحين مااجاء يعايد اهلي طبعا اخذت ع خاطري وحذفت الواتس احس احرجت نفسي واحرجته هل تصرفه طبيعي تكفون احد مر بذا الشيء تعرفون الانثى تخاف الرفض او الوضع عادي وانا حساسه
صحباتي يقولون مو عادي والملكه افضل فتره ومن هالكلام المعتاد انا احس تعبت صراحه مرا ابكي ومرا اطنش يعني استخفيت الا شي بسيط اخاف يكون بوارد انفصال وتعرفون طلاق الملكه صعب ماتوقعت فتره ملكتي كذا تكون بخيالي راسمتها شيء ثاني وجات لي بشكل الحمدلله بس المهم طولت انصحوني وشكرا لكم .

المصدر: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] - من قسم: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

Hpghl tjvi hglg;i

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]