هل اسامحها؟
 

قبل كل شي بقولكن قصتي بالتفصيل وانا اسف جدا اذا طولت عليكم

يوم كنت مراهق قبل ما اتخررج من الثانويه كانت امي مهملتني وطز فيني ما ذقت لذتها كل ما اكلمها مطنشتني واذا اقترحت عليها شي انت باقي توك بزر انقلع عني تحطمت تحطيم هي خريجت جامعه وايام الثانوي اسألها وش التخصصات اللي بسوق العمل مطلوبه ووش تقترحين علي تقول لي وربي ذا ردها تقول انت افلح بالثانوي وتعال كلمني طس عن وجهي نسبتي ولله 95 شي يرفع الراس وكانت ماتعطيني فلوس ابوي كان بهذي ديون وحالته حاله كنت اطلب امي تصيح صياح يفقع الطبله وتذلني على فلوس ذل تطشها بوجهي اقولها وين اروح اشخذ ولا وش لا تطبخين ولا تسوي شي اكل ز... الله يكرمكم قالت ايه رح كله الكام ذا كنت ثالث ثانوي وحلفت بالله اني ما عاد اجيها قلت له ولله العظيم معد اجيك ولا اسامحك على الاشياء اللي سويتيها فيني اخةياي عندهم امهات يحسون فيهم وانتي صنم قدامي ماقد حسيت بطعمك ولكن الايام بيننا سحبت عليها واذا طلبتني اجيب شي اطنشها في كل شي تخرجت ورحت تعسكرت لان محد بيعطيني شي ومابقعد يذلها وابوي ضعيغ على ديونه وهمومه الا انه كان سند لي عشان كذا تعسكرت افتك من ذلها واساعد اابوي والحمدلله سددت ديونه والان يتاجر ومعه حلال طيب بعد ماتخرجت من دوره 9 اشهر وعليها استقبلتني ولكن عاملتها كاني ماعرفها وهذي طبيعه فيني اذا واحد شاف نفسه ولا سوى شي غلط بحقي اسحب عليه واعامبه كانه غريب وامي عمرها الان 39 وانا 25 تزوجت على ما اظن 13 او 14 نظام الطيبيبن اللي يشوغني جنبها يقول ذي اختك وذا شي كويس المهم ماعلينا بنت خالي تقدمت لها وخطبتها بس ماعلمت امي كلمت ابوي وقال هرج امك قلت كلمها انت عندي شغل وزي كذا راح كلمها ووافقت وخطبتها بس كلامي مع امي رسمي جدا مع ان الشي ذا حرلم ولكن احترق بداخل ورب البيت وكل ما اتذكر يرجع غضبي طفولتي ماعشتها كويس

تشوفني اكلم بنص الليل وانا اكون قاصد تشمع كلامي من مدح وكلام جميل ومره كشفت امي تتسمع فيني وانا ااكبم خطيبتي واخذتها فرصه رفعت صوتي وقلت اخ الحمدلله طحت فيك انا ولله ماعشت كويس ماكان احد يهتم فيني ولكن بعد ماخطبتك ارتحت كثير وقلت اشياء ثانيه بعدها اليوم الثاني ورب البيت سوت لي فطور واحلى دلع استمرت معاي اسبوع وبنفس المعامله.


بس جتني قبل امس وتاسفت لي وقعدت تبكي وتقول سامحني كنت جاهله ولا مقدرتك بس سكت وطلعت وكل ما اقابلها لوحدنا تبكي وتطلب مسانحتي ولكن اكتفي بسكوت واطلع كسرت خاطري ورب البيت ما ارضاها ولكن ولله مرت علي ليالي ورب البيت اني شردت عشان ابغاها تحس فيني مره طلعت من العصر الى ساعه وحده باللي ابيها اسح ولكن استقبلتني تقول ليتك ضعت وافتكيت منك وربي قالت كذا.



وش رايكم انتم انا ودي اسامحها وودي اشوي لها مفاجاه بس ولله مادري شيطان يوسوس فيني وضميري يأنبني مهما كان ذي امس وربي امرني ببرها انا ابر فيها حاليا بس كل مابكت عندي اطلع واتركها




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]