كيف اغير زوجي؟!
 

السلام عليكم .. انا متزوجة من سنة بعد خطبة 4 سنوات من شخص حبيته و تم النصيب .. مشكلتي الحمد لله مو بكبيرة مثل باقي المشكلات الموجودة بس تفكيري تاعبني ، انا و زوجي شخصياتنا مختلفة انا اجتماعية مرحة شخصية قوية مثقفة ذكية الحواليني بيصفوني اني اعطي حياة لكل شي احب الفن مبدعة اقضي وقتي بعمل اشيا فنية بالبيت مع اني ادرس في مجال علوم الصحة و لكن انا احب اكون نشطة في حياتي اكره الخمول احب احس اني دايم اقدم شي للمجتمع ، زوجي انسان هااادئ بيتوتي مرح جداً لكن فقط مع اهل بيته اقل مستوى فكري مني بكثير ، دائماً فقط يفكر بالناس شتقول عنه ثقته بنفسه مهزوزة شوي خجول ، اذا لاحظتوا انا و هو نختلف بكل شي لكن ما ادري حبيته و لمن كان بيتم النصيب كل حواليني قالون لي لا ما حتتفقون انت تستحقي انسان يشبهك انسان يزيدك حياة و طاقة لكن ما ادري حبيته و هو انسان كويس و يحبني و كل شي ، لكن شوي شوي في فترة الخطوبة بدا يتحكم فيني وايد و يمنعني من نشاطات كثيرة حصرني في صديقة واحدة فقط و صرت اي مكان اروحه لازم يعمل عنه استخبارات ، هو يغار كثير ، فالبداية كان الحب عاميني و كنت اسمع كلامه لين بعد 3 سنوات من الخطبة صحيت لقيت نفسي وحيدة و كئيبة حتى شكلي تغير نشاطي قل وزني زاد و حاسة اني مخنوقة و كبرت مية سنة حتى الناس ما عادت تعرفني مثل كني اختفيت فجأة الكل يسأل انا وين شفيني ، قمت كلمت رفيقات لي قدام و قمت اخرج معهم و كذا و صرت ازيد بخروجاتي و الاشيا اللي اسويها و خطيبي ما عجبه ذا الكلام و صارت بينا مشاكل و انا حسيت اني ما ابيه و انه مو بالانسان اللي بحلم فيه حسيت انه مقيدني مقيد طاقتي عندي كثير اشيا ابي اسويها فحياتي و هو عبارة فقط عن عقبة في طريقي فخلاص كنا بننهي كل شي لكن بعد فترة ما قدرت طلبت منه يسامحني و بيرجع كل شي متل الاول و فعلاً صار كذا و مرت الايام و تزوجنا ، و الحين الحال اسوأ صديقتي الوحيدة سافرت و انا مو بعارفة شسوي احس اني وحيدة و بنخنق ، ما اسوي شي حاسة اني غريبة بين الناس مو قادرة اسوي صداقات جديدة حاسة اني نسيت كيف الناس تعيش و تكون اجتماعية انا ما اقدر اكون كذا احس اني بموت فمكاني ! و زوجي بدا يمل من كثر ما اطلب منه يجلس معايا ، مو عارفة شسوي حاسة اني كبرت على اني الاقي صديقات جداد و على اني ابدا حياة جديدة ، كل الناس عندها رفيقات و ما يحتاجون احد جديد و ما اظن انه في احد بعمري لسا يدور على رفيقة ، ما ادري كيف اغير زوجي انا مو حابة ارمي اللوم على زوجي بنفس الوقت انا. عارفة انه بسببه انا وصلت لهنا ، انا كنت اجتماعية وايد كل يوم مع رفيقة كل يوم نشاط ما عمري تخيلت اوصل للمرحلة هذي اطالع صوري القديمة و اقوم ابكي انه ليش كذا مش ذي الحياة. اللي انا ابغى اكون فيها حاسة اني مسجونة و ما اقدر اطلع ، شسوي كيف اغير زوجي ؟ الحين زوجي يحبنيي كثير و يحب يسعدني و يحاول لكن يحب اني اكون تحت عينه بدائرة رسمها لي مع الناس اللي يبيهم ، اقوله ابي اتعلم لغة جديدة يقولي لا تعلميها بالبيت ، ابي اشتري اشياء يقولي اششتريهم اونلاين او بوديك انا ، لو يصح له انه يحبسني بقفص ما يقصر او يربطني معاه فكل مكان يروحه مع انه حرام اهو ما يقصد كذا لكن هو يغار زيادة ، و المشكلة اني اذا بحاول اعوده على حياة اوسع من كذا يقتنع فترة بعدها يزعل و يقولي انت ما تحبيني انت تبي تعيشين لنفسك انت تبين حياة ثانية و ما دري شنو لين ارد كيف يبي ، احسه اناني شوية احس اني امه مو بمرته اسويله كل شي اتفه الاشيا اسويله حتى بالجامعة كنت ادرسه مع انه اهو تجارة و انا طب لكن كنت ادور ع طريقة حتى افهم دراسته بعدها ادرسها له ، و انا تعبت و احنا الاثنين رافضين الانجاب الحين ما بي اطفال اصلاً انا احس اني عندي طفل اصلاً .. ابي مشورتكم




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]