مشكلتي زوجي ومزاجيته وتسلطه اللامعقول
 

السلام عليكم
مشكلتي
زوجي ما يحب اطلب منه شي
اذا طلبت منه السوق يعصب ويهدد بالزواج
ويكرهني عيشتي

كل شي مو ضروري عنده ومو لازم .
لازم ما اطلب منه اذا طلبت منه برا البيت جنه استنقاص او امر او افرض رايي ..

وقته كله بالاستراحه ومتعلق باصحابه حيل ما يغيب عنهم يوم ..


يقول لا تطلبين مني .. كل شي ع مزاجي انا
بمزاجي اطلّع بمزاجي اوديكم واطلعكم


امنيتي اذا قلت ابي كم شغله من المول يقول يالله حاضر مشينا
كله يأجّل ويماطل ..
امنيتي اطلع مع عيالي اونسهم واخلص شغلي بنفسي


تفكيره عيب الحرمه تطلع بروحها مع عيالها
لانه شكّاك وكله يفكر بالحريم تفكير شين
كله يفكر انه الحرمه اذا طلعت برا البيت تسوي شي مو زين


وما يخلينا نروح الا معاه .. والطلعه معاه تضيّق الخلق .. بس يراقبني ويطالعني طول فتره الطلعه ..
ويعرفني عدل اني ما ألف لا يمين ولا يسار .. ومحترمه نفسي حيل من قبل لا اشوفه ..




وكله يهتم للناس انهم مراقبينه ويشوفونه
لان هو يراقبهم وبس يناظر بعيونه يمين ويسار



الحل !!! الله يجزاكم خير

متضايقه حيل من هالموضوع
احس مضيق علي عيشتي
ومكرهني بكل شي .. من كثر ما اقعد بالبيت جتني نفسيه والله ..

يحب الناس تعرف عنه انه شديد وماسك بيته




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]