ام زوجي قالت عني خدامه
 

السلام عليكم

متزوجه لي سنتين ومتفاااهمه مع زوجي ويحبني واحبه وعندي ولد منه وساكنه ببيت اهل زوجي بشقه مستقله


المهم اهل زوجي احبهم واعاملهم زي اهلي وهما حسبت انهم يحبوني بس للأسف انصدمت بعد هالسنتين اللي عشت معهم تحسفت على كل ثانيه عاملتهم بالطيب وعلى كل كلمه أمي قلتها ل أم زوجي

المهم
انا متعوده بعد مايجي زوجي من الدوام يتغدى وينام وانا انزل تحت ل أهله اسوي حلا وقهوه نتقهوى وبعدها اقوم ارتب البيت اخدمهم من طيب خاطر والله لدرجه مرات اغسل لهم الحمامات الله يكرمكم

انبسط معهم وبعدين ارجع لشقتي

بيوم نزلت تحت ع الظهر كان ناقصني حاجه بالحلا قلت اخذه من عندهم
وانا نازله سمعت ام زوجي وبنتها يتكلمون وماانتبهو لي
سمعت ام زوجي تقول لبنتها مافي داعي ترتبي البيت بعد العصر تجي حرمه اخوك ترتب زي الخدامه وبنتها تضحك
اول ماسمعتهم سجلت صوتهم بجوالي
بعدها قالت اذا تبغيها تخدمك وهي تضحك بس امدحيها وهي غبيه تشتغل زي الخدامه
وبعدين بنتها قالت ايوه تذكرين يوم عزمت صحباتي جلست امدح حلاها بس عشان تسوي لي حلا وعشاء وتضحك

انا بعدها ماتحملت دخلت عليهم فجأه اول ماشافوني ارتبكو ام زوجي قالت هلا ببنيتي طالعت فيها كذا

وقلت لها
اذا انا اعاملكم زي اهلي واخدمكم هذا لأني متربيه عند أهلي
محترمتكم وعمري مااغتبتكم وهذا يدل على تربيه أمي
بس انتي ....... وسكت وطلعت شقتي وانا ابكي
وجا زوجي وانا ابكي وعلمته بكل اللي صار وسمعته التسجيل وقلت له انا و ولدي مستحيل ندخل بيت اهلك

بعدها نزل لهم وكلمهم بكل هدوء وعاتبهم امه قالت ماكان قصدي واذا تبيني اعتذر لها بعتذر قال لها زوجي لا الحرمه معصبه اللحين وخلي لين الامور تهدا

وجا زوجي وعلمني انا سكت ومارديت ..


انا احس اني انهنت وانمسحت بكرامتي الارض ومابي لها اعتذار

لاني اعرف اعتذارها بس عشان ارجع اخدمهم
كيف اتعامل معهم وارد اعتباري لاني بجد مقهووووره




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]