يصرف على بيتين ويقولي وفري اشلون
 

السلام عليكم

انا متزوجة قبل ست اشهر والحمدلله زوجي طيب وحنون الله لايغير عليه
وانا انسانة قنوعة وطلباتي قليلة جدا

ظروف زوجي المادية صعبة شوي لانه موظف ع شركة وراتبه ثلاثة الالاف وشوي
ساكنين بشقة مع اهله يعني السكن ببلاش الحمدلله

من فترة دايما اي شي اطلبه يجيبها لي بس بعد مايشتري يقولي نوفر ونوفر طبعا لايروح بالكم بعيد طلبات جدا بسيطة
للمطبخ اغلبه اكل صرت اتردد اذا بطلب شي خاصة اذا اكلة جديدة او ابغا ابدع له

اليوم قلت له وش احتاج لرمضان من مواعين واطعمة يقولي وفري ومادري ايش وصل حساب
البقالة الف وشوي ومن هالكلام انا قلت غررريبة الف واحنا ناكل وجبة باليوم وموفرين مرا وسكت

طبعا زوجي هو يقضي ل خالتي ( ام زوجي ) وعندها بنتين وولد يدرس بالجامعة
عندهم دخل ظمان لكن اغراض المطبخ من الى عليه
انا ماعندي مشكلة يقضي لاهله لكن مو كل شي عليه عنده اخ اكبر منه وساكن قريب
ولايصرف ريال عليهم ع رغم ان دخله ممتاز جدددا مقارنة بزوجي

اليوم يقولي كنسلي مقادير الحلا وحاجات كثيرة للرمضان
بس الظروريات وقبل فترة يقولي احب تنوعي لي للفطور

طبعا انا ماتكلمت معه على سالفة ان اخوه يساعده ويخفف عليه
او اقل شي يقطون ويعطون امهم مبلغ خاص لاغراض مطبخها
ودي افتح الموضوع معه بس خايفه يزعل او يفهمني غلط
وبنفس الوقت مقهورة بكرة بيكون عندي اطفال
راح يقصر علينا ويضغط على نفسه

ووراي عيد واغراض الله يعين

اشلون افهمه واتكلم معه




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]