بخل الزوج على زوجته واولاده
 

السلام عليكم وحمة الله وبركاته
انا مرأه متزوجه من 8 سنوات عمري27 وزوجي 37
اعاني من بخل زوجي* ويغطي على بخله بأنه يقول انا اخش الفلوس عشان اكون مستقبلكم
اخشهم لليوم الاسود اولادك لما يكبرون وكل واحد يخط له شنب يبون مصاريف مع العلم ان اولادي صغار الكبير 7 سنوات والوسط 4سنوات والصغير 9 اشهر* يعني ناوي يستمر بهالبخل بحجه اكون مستقبلكم
اي شي احتاجه انذل والله*
اطلب منه بادب احتاج تشتري لي عطر مثلا يصرخ وصوته يوصل للجيران ينكد اليوم عليي انا والاطفال ويفضحني عند الجيران
انتي ماتفهمين انتي ماتنعطين سر يوم دريتي عندي فلوس قمتي تتطلبين لكن والله ماامشي وراك انتي بتضيعيني
انتي انانيه انتي .....
اي مناسبه تصير عندي مااحظر طبعا اقصد مناسبات قرايبي
لان مايرضى يشتري لي فستان او يعطيني مبلغ للصالون
صارت المناسبات عندي ضيقه وهم واذا بحضر اكون باكيه قبل المناسبه
يقولي لو تبين تأدين واجب كنتي رحتي بعباتك سلمتي وطلعتي لكن انتي رايحه للفشخره ولفت النظر وانا ماعندي ادفع* واخسر عشان فشخره* اقوله هذا شكلي قدام اهلي ترضى يقولون حالتها حاله وزوجها شكله مقصر عليهم* يقولي تبين تأدين واجب روحي بعبايه وحجاب* واذا تبين زينه وتتفخفخين مافي روحه
ولما يشتد النقاش يقولي ماتروحين* ولو في امك خير عتبي عند الباب
طبعا في كل مناسبه نفس الكلام مع اختلاف الطريقه اللي اطلب فيها
مره رساله واتس عمري ابي 500 ريال بشتري فستان ناعم وبحط مكياج في الصالون
يرد مابي اغلط عليك انتي* ماتفهمين وووو...
.....
واوقات احاول اكسر خاطره اقوله ع الاقل هالمره خلني احضر هالمناسبه وانا لابسه شي حلو يهزأني وانتي ماتنعطين وجه
اضطريت اصرف كل فلس عندي فلوس مخبيتها من مكافأتي لما كنت ادرس في الجامعه** فلوس حافز مبلغ بقى من مهري كل شي عندي صرفته مرت 8سنوات* ع زواجنا واهو نفس ماهو
اولادي ملابسهم انهرت وانا كرهت عمري
حتى الاكل يوفر فيه لما نروح نتقضى للبيت يرجع نص اللي احطه بالسله كل شوي يقولي لاتلعبين لاتاخذين شي مو ضروري
ليش العصير!* وليش ماخذه البرينجلز وليش ماخذه هذا ورجعي هذا مع العلم ان راتبه زين
اتمنى اتوظف واصرف على نفسي واشتري كل اللي بخاطري لكنه رافض اتوظف بوظيفه مختلطه
يقولي مالك الا التدريس !.
عطوني رايكم.




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]