تعقيب للمره الاولى ام زوجي تقول عن زوجي خروف العيد
 

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]




للأسف اغلبكم ساء الظن في زوجي وماعرف ايش المشكله بالضبط

انا اختصرت لكم لدرجه انكم مافهمتوني ..


زوجي من اول ما حملت عمل حساب مقفل ب أسمي وقال هذا لعيالنا وكل شهر يحط فيه اللي يقدر عليه
ولما قلت له عن السكن بشقتي قرر انو بدل مايدفع اجار ياخذ الفلوس ويحطها بحسابي المقفل وماشاء الله من وقتها وكل شهر يحول اكثر من قيمه الايجار ...
لاني عارفه زوجي رجال يعتمد عليه طول فتره زواجي منه والله لارحت السوق يرمي علي بطاقته الصراف ويقولي خذي اللي تبغي مع انو انا موظفه وعندي مع هذا يصرف علي ..


وبالنسبه ل امه والله والله والله مو مقصر معها وقلت لكم قبل زواجنا اخذ قرض ب ١٠٠ الف واثث بيتها وعلى ذوقها والباقي اعطاها كاش بيدها .. وحتى بعد الزواج مو مقصر معها غير لها المجلس

زوجي عنده ٣ اخوان كل شهر يعطون امهم ٥٠٠ ريال الا زوجي يعطيها ١٠٠٠ ريال وابو زوجي يعطيها ٢٠٠٠ كل شهر يعني مو مقصرين معها ابد ...

بس الله يهديها مدري ليه تتعامل معي ومع زوجي كذا ..

اتذكر يوم ولدت وكنت ببيت اهلي ماشاء الله بيت اهلي فيلا كبيره وعندهم شغالتين لانو عيلتنا كبيره لما جات ام زوجي تزورني ببيت اهلي ومعها حريم عيالها ماقعدت نص ساعه على بعضها مشت .. لما خلصت الاربعين رحت ازورها ومع السواليف قالت لي امك اللي مسويه نفسها بنت بالعشرينات ( امي من يومها ماتترك الرياضه ومهتمه بنفسها بالحيييل ) الرفلا ليه جايبه شغالتين وناس ماعندهم غرفه يسكنون فيها واهلك جالسين بفيلا طول بعرض خافو الله بكره الله بيحاسبكم ..

قلت الله يهدي الجميع .. دايم ردودي لها كذا مابي اكبر المشكله مو لاني خايفه منها بس عشان زوجي وغير كذا احب اطنش واعيش حياتي ما ادقق ..

يعني لا انا ولا اهلي نتفشخر هذي هي حياتنا .. المسئله مسئله ذوق وبس واقسم بالله اثاث ام زوجي اغلى من اثاثي ..

المهم امس زوجي راح عند امه وطردته وقالت له انا قلت لحرمتك مابغى اشوف وجهك لا انت ولا هي .. جا زوجي وقالي ليه ماقلتي لي ..

قلت له مابغيت اعمل بينكم مشكله قلت يمكن ساعه غضب .. عصب وصوته عالي وقال انا احترت مدري كيف اراضيها مدري ايش تبغى بالضبط شكلها بترضى علي اذا شافتني ساكن بالشارع .. ومن وقتها وهو زعلان ..اليوم قلت له مهما كان هذي امك قالي لو سمحتي انتي خليك بعيده عن الموضوع لا يصير زعل بيني وبينك ..

جالسه افكر اني اكون شريره وارد الكلمه بعشره يمكن تفكني شوي .. مدري ليه الطيبه مع اهل الزوج تاكلها ..




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]