ما أصلي!
 

السلام عليكم ورحمة الله وبركاتة .. انا نشئت في بيت غير حريص على الناحية الدينية وماكان فيه توعية وحرص من امي او ابوي على الصلاة او على الامور الدينية وبسبب هالشي صرت ما اصلي لفترة طويلة والحين عمري 22 اصلي مره ومره ما اصلي مع اني احس بحلاوة الخشوع والطمأنينة اللي تسكن قلبي اذا صليت والراحة العجيبة لكن والله غصب عني اتهاون فيها، اسمع مقاطع عن الصلاة واعيش بدوامة تأنيب الضمير واصلي واستمر شهر وعقبها ارجع لوضعي السابق .. والله اخاف اموت وانا على هالوضع ، والمصيبة ان كل اخواني مايصلون مادري وش أسوي عشان اصلح حال نفسي وحال اخواني !
يعني انا ادري ان الصلاة هي الشي اللي قائمة عليه طاعة الله وجميع العبادات وأن كل شي خيّر اسويه بدون ما أصلي ماهو نافعني .. وادري انها صلاح قلب المؤمن .. وادري عن أهميتها ودايم اذا صليت احط ببالي ان الصلاة ماهي فرض او شي اسويه وانا كارهته بالعكس هذي الطريقة اللي تخليني اتواصل مع الله واتجرد من كل الامور الدنيوية لكن والله التهاون يصير غصب عني ولا ادري وش اللي يخليني اصلي على طول انا ماودي اموت وانا على هالحال ولا ودي بهالشي لاخواني بس ماعرف كيف احافظ على صلاتي




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]